ხიდი განათლებისკენ

პროგრამაში მონაწილეობის წინაპირობები:

• განაცხადის შემოტანა შეუძლიათ: 

- მე-11 კლასის მოსწავლეებს, რომლებიც ფლობენ გერმანულ ენას B2-დონეზე (ეხება აზერბაიჯანს, განაცხადის შემოტანა სექტემბერში)
- მე-12 კლასის მოსწავლეებს, რომლებიც ფლობენ გერმანულ ენას B2-დონეზე (ეხება  საქართველოს, განაცხადის შემოტანა სექტემბერში)    

• გერმანიაში სწავლის გაგრძელების მაღალი მოტივაცია (სამოტივაციო წერილი)
• მონაწილეობა სასკოლო ოლიმპიადებში, კონკურსებში, რეგიონალურ და საერთაშორისო პროექტებში
• მაღალი აკადემიური მოსწრება ტექნიკურ და საბუნებისმეტყველო საგნებში
• სოციალური აქტივობა (მოხალისეობრივი საქმიანობა)
• მშობლის ან მეურვის წერილობითი თანხმობა
• ზეპირი გასაუბრება

პროგარმისთვის "ხიდი განათლებისკენ" თქვენ დაგჭირდებათ შემდეგი სერტიფიკატები:

• მე-11 კლასელებისთვის/ B2-სერტიფიკატი (აზერბაიჯანელი მოსწავლეებისთვის) და მე-12 კლასელებისთვის B2-სერტიფიკატი (ქართველი მოსწავლეებისთვის)

დიახ. არასრულწლოვანმა მოსწავლეებმა სასწავლო ვიზის განაცხადის შევსებისას დამატებითი საბუთები უნდა წარადგინონ. . 

პროგრამის ღირებულების შესახებ ინფორმაციის მისაღებად საქართველოს გოეთეს ინსტიტუტს დაუკავშირდით. 

გოეთეს ინსტიტუტი გთავაზობთ ენის კურსებს ბავშვებისთვის, მოზარდებისა და ზრდასრულებისთვის. დაწვრილებითი ინფორმაცია იხილეთ ჩვენს ვებგვერდზე:.  ინფორმაცია ენის კურსების შესახებ

TestDaF ენის გამოცდაა, რომელიც ბარდება პროგრამის "ხიდი განათლებისკენ" ფარგლებში გავლილი ენის კურსებისა და გამოცდისთვის მოსამზადებელი ონლაინ კურსის გავლის შემდეგ.

უნივერსიტეტში სწავლის გაგრძელების მნიშვნელოვანი წინაპირობა ენის ცოდნის დონეა, რომელიც უნდა შეესაბამებოდეს B2/C1 დონეს. ამ დონეს დამადასტურებელ მოწმობად ითვლებაTestDaF გამოცდის მე-4 დონე. გამოცდა მოიცავს 4 ნაწილს: კითხვა, მოსმენა, წერა და ლაპარაკი ნარილი. TestDaF გამოცდის ჩაბარება შესაძლებელია გოეთეს ინსტიტუტში ან სხვა საგამოცდო ცენტრში. 

დამატებითი ინფორმაცია TestDaF

TestAS-ისთვის მომზადება და ტესტის ჩაბარება პროგრამის "ხიდი განათლებისკენ" შემადგენელი მნიშვნელოვანი ნაწილია. 

TestAS არის უნარ-ჩვევების ცენტრალიზებული, სტანდარტიზებული გამოცდა. ის ამოწმებს კოგნიტურ შესაძლებლობებს, რომლებიც უმაღლეს სასწავლებელში სწავლისათვის განსაკუთრებით მნიშვნელოვანია. პროგრამის მონაწილეებმა ამ გამოცდაში მინიმუმ 100 ქულა უნდა დააგროვონ იმისთვის, რომ სწავლა გააგრძელონ ერთ-ერთ პარტნიორ უნივერსიტეტში. ტესტი შედგება ძირითადი ნაწილისგან, რომელიც კოგნიტურ შესაძლებლობებს ამოწმებს და დარგობრივი ნაწილისგან შემდეგ სფეროებში"მათემატიკა, ინფორმატიკა და საბუნებისმეტყველო საგნები" ან "ინჟინერია".   

დამატებითი ინფორმაცია TestAS

TestAS-ის საგამოცდო დავალებების ნიმუშები