“Schulen: Partner der Zukunft”

„Schulen: Partner der Zukunft” (PASCH) (ကျောင်းများ။ ။ အနာဂတ်အတွက် မိတ်ဖက်) အစီအစဥ်သည် ဂျာမနီနိုင်ငံနှင့် အထူးတလည် ဆက်နွယ်မှုရှိနေသော ကျောင်းပေါင်း ၂၀၀၀ ကျော်ကို စုစည်းချိတ်ဆက်ထားသည့် တစ်ကမ္ဘာလုံးဆိုင်ရာ ကွန်ရက်တစ်ခု ဖြစ်ပါသည်။ နိုင်ငံပေါင်း ၁၀၀ ကျော်မှ နိုင်ငံအဆင့် ပညာရေးစနစ်အတွင်းရှိ PASCH ကျောင်းပေါင်း ၆၀၀ ၀န်းကျင်ကို Goethe-Institut မှ ကူညီပံ့ပိုးပေးနေပါသည်။

၂၀၀၈ ခုနှစ် ဖေဖော်၀ါရီလတွင် ဂျာမန်နိုင်ငံခြားရေးဌာနမှ „Schulen: Partner der Zukunft” (PASCH) (ကျောင်းများ။ ။ အနာဂတ်အတွက် မိတ်ဖက်) အစီအစဥ်ကို စတင်ခဲ့ပါသည်။ PASCH အစီအစဥ်ကို ဂျာမနီနိုင်ငံ နိုင်ငံခြားရေးဌာနက စီစဥ်ဆောင်ရွက်ပြီး၊ နိုင်ငံရပ်ခြားကျောင်းများအတွက် ဗဟိုဌာန (Die Zentralstelle für das Auslandsschulwesen)၊ Goethe-Institut ၊ ဂျာမနီနိုင်ငံ ပညာရေးနှီးနှောဖလှယ်ခြင်းအစီအစဥ် (Deutscher Akademischer Austauschdienst, DAAD) ၊ တက္ကသိုလ်များနှင့် ဘာသာရပ်ဆိုင်ရာကျွမ်းကျင်သူများ ကွန်ဖရင့် (Kultusministerkonferenz) ၏ ဘာသာရပ်ဆိုင်ရာ နှီးနှောဖလှယ်ခြင်းအစီအစဥ်တို့မှ အတူတကွ အကောင်အထည်ဖော်ပါသည်။

အဓိကရည်ရွယ်ချက်များနှင့် ပန်းတိုင်များ

PASCH သည် အောက်ဖော်ပြပါ ရည်ရွယ်ချက်လေးရပ်ဖြင့် လည်ပတ်နေပါသည်။

ပညာရေးကိုအခြေခံ၍ အခွင့်အလမ်းများပေါ်ပေါက်လာစေခြင်း
ဘာသာစကားပေါင်းစုံမှုကိုအခြေခံ၍ အတွေ့အကြုံနှင့်အမြင်ကျယ်လာစေခြင်း
ဘာသာစကား၊ ပညာရေးတို့ဖြင့် ပို၍နီးစပ်စေခြင်း
နိုင်ငံတကာသင်ကြားမှု အသိုင်းအ၀ိုင်းအနေဖြင့် အနာဂတ်စိန်ခေါ်မှုများကို အတူတကွ ဖြေရှင်းကျော်ဖြတ်ခြင်း

၂၀၀၈ ခုနှစ် ဖေဖော်၀ါရီလတွင် ဂျာမနီနိုင်ငံခြားရေးဌာနမှ „Schulen: Partner der Zukunft” (PASCH) (ကျောင်းများ။ ။ အနာဂတ်အတွက် မိတ်ဖက်) အစီအစဥ်ကို စတင်ခဲ့ပါသည်။ PASCH သည် တစ်ကမ္ဘာလုံးအတိုင်းအတာဖြင့် ဂျာမနီနိုင်ငံနှင့် အထူးတလည် ဆက်နွယ်မှုရှိသည့် ကျောင်းပေါင်း ၂၀၀၀ ကျော်ကို စုစည်းချိတ်ဆက်ပြီး ကူညီပံ့ပိုးပေးပါသည်။ Goethe-Institut သည် နိုင်ငံပေါင်း ၁၀၀ ကျော်မှ နိုင်ငံအဆင့် ပညာရေးစနစ်အတွင်းရှိ PASCH ကျောင်းပေါင်း ၆၀၀ ၀န်းကျင်ကို ပံ့ပိုးပေးနေပါသည်။
PASCH အစီအစဥ်ကို ဂျာမနီနိုင်ငံနိုင်ငံခြားရေးဌာနမှ စီစဥ်ဆောင်ရွက်ပြီး၊ နိုင်ငံရပ်ခြားကျောင်းများအတွက် ဗဟိုဌာန (Die Zentralstelle für das Auslandsschulwesen)၊ Goethe-Institut ၊ ဂျာမနီနိုင်ငံ ပညာရေးနှီးနှောဖလှယ်ခြင်းအစီအစဥ် (Deutscher Akademischer Austauschdienst, DAAD) ၊ တက္ကသိုလ်များနှင့် ဘာသာရပ်ဆိုင်ရာကျွမ်းကျင်သူများ ကွန်ဖရင့် (Kultusministerkonferenz) ၏ ဘာသာရပ်ဆိုင်ရာ နှီးနှောဖလှယ်ခြင်းအစီအစဥ်တို့မှ အတူတကွ အကောင်အထည်ဖော်ပါသည်။

ဤကွန်ရက်သည် နိုင်ငံရပ်ခြားမှ ဂျာမန်ကျောင်းများနှင့် ဂျာမန်ဘာသာစကားဒီပလိုမာပေးအပ်သည့် ကျောင်းများကို ကူညီပံ့ပိုးပါသည်။ ထို့အပြင် နိုင်ငံအဆင့် ပညာရေးစနစ်အတွင်းတွင် ဂျာမန်ဘာသာစကားကို နိုင်ငံခြားဘာသာစကားအဖြစ် အဆင့်သတ်မှတ်ချက်နေရာ ခိုင်မြဲနေစေပြီး ကျောင်းများ၏ ပူးပေါင်းဆောင်ရွက်မှုများကိုလည်း ပိုမိုတိုးမြင့်စေပါသည်။ ထပ်မံပြီး ဂျာမနီနိုင်ငံတွင် ပညာတော်သင်ခွင့်များနှင့် ကျောင်းသားများ နှီးနှောဖလှယ်ခြင်း၊ မိတ်ဖက်ကျောင်းများ နှီးနှောဖလှယ်ခြင်း အခွင့်အရေးများကိုလည်း ပေးပါသည်။

PASCH ၏ ရည်ရွယ်ချက်များ

ဤအစီအစဥ်ကို အကြောင်းခံ၍ လူငယ်များအကြားတွင် ခေတ်မီသည့် ဂျာမနီနိုင်ငံ၊ ဂျာမန်လူ့အဖွဲ့အစည်းနှင့် ဂျာမန်ဘာသာစကားအပေါ် စဥ်ဆက်မပြတ် စိတ်၀င်စားမှု၊ စိတ်အားထက်သန်မှုများကို ဖြစ်လာစေပါသည်။ PASCH သည် ပြည်ထောင်စုသမ္မတဂျာမနီနိုင်ငံ၏ မိတ်ဖက်ကျောင်းများကို ချိတ်ဆက်ထားသည့် ကွန်ရက်တစ်ခုဖြစ်ပြီး ကျောင်းများ၏ အတူတကွလှုပ်ရှားမှုများ၊ နှီးနှောဖလှယ်မှုများကို အခြေခံ၍ နိုင်ငံတကာအဆင့် သင်ကြားရေး အသိုင်း၀ိုင်းတစ်ခု ဖြစ်လာစေပါသည်။

PASCH သည် ကျောင်းသား၊ ကျောင်းသူများနှင့် ဆရာ၊ ဆရာမများအတွက် ရေရှည်အကျိုးဖြစ်ထွန်းစေမည့် စိတ်၀င်စားဖွယ်ရာ အရည်အသွေးမြှင့်တင်ရေး အစီအစဥ်များဖြင့် ထောက်ပံ့ပေးပါသည်။ ဤနည်းအားဖြင့် လူငယ်များကို ဂျာမနီနိုင်ငံတွင် ပညာသင်ကြားရာတွင်လည်းကောင်း၊ နောက်ပိုင်း အလုပ်လုပ်ကိုင်ရာတွင်လည်းကောင်း အရည်အသွေးများ ပိုမိုမြင့်မားလာစေပါသည်။ ထို့အပြင် ဂျာမနီနိုင်ငံနှင့် ရေရှည်ခိုင်မြဲသည့် အဆက်အသွယ်များ ဖြစ်ပေါ်စေရေး၊ ကျောင်းသားကျောင်းသူများ၊ ဆရာ၊ ဆရာမများနှင့် ကျောင်းများအား အတွေးများကို ပွင့်ပွင့်လင်းလင်းဖလှယ်နိုင်ကြစေရန်၊ အချင်းချင်း ပူးပေါင်းဆောင်ရွက်ကြစေရန် လှုံ့ဆော်ပေးခြင်းတို့ကလည်း PASCH ၏ ရည်ရွယ်ချက်များပင် ဖြစ်ပါသည်။ PASCH သည် နိုင်ငံခြားရေးဌာန၏ အခြားသော ယဥ်ကျေးမှုနှင့် ပညာရေး၀ါဒဆိုင်ရာအစီအစဥ်များ ဖြစ်ကြသည့် ဥပမာ Kulturweit အစီအစဥ်တို့နှင့်လည်း ကွန်ရက်ချိတ်ဆက်ထားပါသေးသည်။

Goethe-Institut ၏ တာ၀န်များနှင့် လုပ်ငန်းဆောင်တာများ

Goethe-Institut သည် ၎င်း ကူညီပံ့ပိုးပေးနေသည့် PASCH ကျောင်းပေါင်း ၆၀၀ ကျော်တွင် ဂျာမန်ဘာသာစကားကို ကျောင်းဘာသာရပ် တစ်ခုအဖြစ် ထည့်သွင်းနိုင်ရန် အခြေခံမှစ၍ ကူညီပေးနေပါသည်။ ဤသို့ကူညီပေးရာတွင် ဆရာ၊ ဆရာမများအတွက် သင်ကြားရေးနည်းစနစ်ဆိုင်ရာ ကျွမ်းကျင်မှုအဆင့်မြှင့်တင်ရေးအစီအစဥ်များ၊ ဘာသာစကားသင်တန်းများ ပါ၀င်ပြီး၊ ကျောင်းများကိုလည်း ခေတ်မီပြီး၊ လက်တွေ့အသုံးချနိုင်သည့် မာလ်တီမီဒီယာ သင်ထောက်ကူပစ္စည်းများ၊ ဂျာမနီနိုင်ငံအကြောင်း သိကောင်းစရာအထွေထွေသင်ထောက်ကူများဖြင့် ထောက်ပံ့ပေးပါသည်။ ထို့ပြင် တစ်ကမ္ဘာလုံးရှိ မိတ်ဖက်ကျောင်းများသို့ သင်ကြားရေးနည်းစနစ် ကျွမ်းကျင်သူများ စေလွှတ်၍လည်း ကျောင်းများကို အကြံပေးကူညီစေပါတယ်။ မိတ်ဖက်ကျောင်းများရှိ ကျောင်းသူ၊ ကျောင်းသားများကို ဂျာမနီနိုင်ငံတွင် လူငယ်ဘာသာစကားသင်တန်းများ တက်နိုင်ရန် ပံ့ပိုးပေးခြင်းကလည်း ကျောင်းသူ၊ ကျောင်းသားများ၏ ဘာသာစကားစွမ်းရည်ကို ပိုမိုကောင်းမွန်စေပြီး၊ ယဥ်ကျေးမှုပေါင်းစုံနှင့် လိုက်လျောညီထွေစွာ အတူတကွနေထိုင်နိုင်သည့် စွမ်းရည်များကို ဖြစ်ထွန်းလာစေပါတယ်။ ဂျာမနီနိုင်ငံနှင့်ပတ်သက်သည့် အထွေထွေဗဟုသုတ သိကောင်းစရာများကိုလည်း လက်တွေ့ တွေ့ကြုံခံစားလာစေပါသည်။

PASCH ကွန်ရက်တွင် ကျောင်းပေါင်း ၂၀၀၀ ကျော်ချိတ်ဆက်ထားပါသည်။ နိုင်ငံပေါင်း ၁၀၀ ကျော်မှ နိုင်ငံအဆင့် ပညာရေးစနစ်အတွင်းရှိ PASCH ကျောင်းပေါင်း ၆၀၀ ၀န်းကျင်ကို Goethe-Institut မှ ကူညီပံ့ပိုးပေးနေပါသည်။ „Schulen: Partner der Zukunft” (PASCH) (ကျောင်းများ။ ။ အနာဂတ်အတွက် မိတ်ဖက်) အစီအစဥ်၏ မူဘောင်အတွင်းရှိ အထက်ဖော်ပြပါ ကျောင်းများတွင် ဂျာမန်ဘာသာစကားသင်တန်းများကို အစပြုသင်ကြားခြင်း သို့မဟုတ် တိုးချဲ့ဆောင်ရွက်ခြင်းများ ပြုလုပ်ပါသည်။ ဤကျောင်းများတွင် ဂျာမန်စကားကို ဒုတိယမြောက်နိုင်ငံခြားဘာသာစကားအဖြစ် သတ်မှတ်ပြဌာန်းထားပါသည်။ ထို့အပြင် PASCH ကွန်ရက်တွင် နိုင်ငံရပ်ခြားကျောင်းများအတွက် ဗဟိုဌာန (Die Zentralstelle für das Auslandsschulwesen) မှ ကူညီထောက်ပံ့ထားသည့် နိုင်ငံရပ်ခြားမှ ဂျာမန်ကျောင်း (၁၄၀) ကျောင်း၊ တက္ကသိုလ်များနှင့် ဘာသာရပ်ဆိုင်ရာ ကျွမ်းကျင်သူများ ကွန်ဖရင့် (Kultusministerkonferenz) မှ ပေးအပ်သည့် ဂျာမန်ဘာသာစကားဒီပလိုမာကို ချီးမြှင့်ခွင့်ရှိသည့် နိုင်ငံပိုင်ကျောင်းပေါင်း ၁၁၀၀ ကျော်လည်း ပါ၀င်ပါသေးသည်။
ကျောင်းများအကြောင်း