Առաքելություն և նպատակներ

Մենք՝ որպես Գերմանիայի Դաշնային Հանրապետության գլոբալ ակտիվ մշակութային ինստիտուտ, նպատակ ունենք խթանել Գերմանիայի, Եվրոպայի և ամբողջ աշխարհի միջև փոխըմբռնումը։ Դրա հիմքում Գերմանիայի ԱԳՆ-ի հետ շրջանակային համաձայնագիրն է։ Մենք ամբողջ աշխարհում տեղեկություն ենք տրամադրում Գերմանիայի և Եվրոպայի մշակութային և սոցիալական բազմաշերտության մասին։ Աշխարհի 98 երկրի 151 Գյոթե ինստիտուտներն իրենց բազմաթիվ գործընկեր կազմակերպությունների հետ միասին ձևավորում են մեր գլոբալ ցանցը։ Գերմանիայի արտաքին գործերի նախարարությունը ինստիտուցիոնալ կերպով աջակցում է մեր աշխատանքին: Որպես գրանցված միություն՝ մենք գործում ենք ինքնուրույն, քաղաքական, կուսակցական և իրավական առումով անկախ ենք։ Մեր բյուջեի մոտ 30 տոկոսը գոյացնում ենք մեր լեզվի դասընթացներից և քննություններից ստացած եկամուտների շնորհիվ։ Մեզ աջակցում են նաև Եվրոպական միությունը, այլ դաշնային նախարարություններ, հիմնադրամներ և ընկերություններ Գերմանիայում և արտերկրում:

Մենք հյուրընկալող երկրների կրթական համակարգերում նպաստում ենք գերմաներենի ամրապնդմանը։ Ամբողջ աշխարհի ավելի քան 100 000 դպրոցում աջակցում ենք գերմաներենի բարձրորակ դասընթացների կազմակերպմանը և գերմաներեն դասավանդողների որակավորման բարձրացմանն ու վերապատրաստումներին։ Բացի այդ, մենք առաջարկում ենք լեզվի կուրսեր՝ ընդհանուր գերմաներենի կուրսերից մինչև մասնագիտական դասընթացներ և սոցիալական և մշակութային իրազեկման սեմինարներ։ Առցանց կուրսերն ու ինքնուսույց ծրագրերը մեր առաջարկի մի մասն են։ Տարեկան ավելի քան 750 000 մարդ գերմաներենի քննություն է հանձնում Գյոթե ինստիտուտներում կամ մեր գործընկեր կազմակերպություններում։ Կրթական-տեղեկատվական լայն առաջարկի շնորհիվ մենք աջակցում ենք հատկապես արտերկրից դեպի Գերմանիա իրենց ուղին փնտրող ուսանողներին և որակավորված մասնագետներին։

Մենք վստահում ենք միջազգային փոխանակման ներուժին։ Մենք մեզ հյուրընկալող երկրներում տարեկան մոտ 20 000 մշակութային միջոցառում ենք կազմակերպում պետական և ոչ պետական կառույցների ու քաղհասարակության նախաձեռնությունների հետ գործընկերային համագործակցության շրջանակում։ Մենք վերապատրաստում ենք, խորհրդատվություն տրամադրում և կապեր հաստատում ստեղծարար ոլորտում, ինչպես նաև մշակութային ձեռներեցության վերապատրաստման կամ ստեղծարար ձեռներեցության միջազգայնացման միջոցով աջակցում ենք մշակույթի և ստեղծարար արդյունաբերության ոլորտում շարունակական զարգացող կառույցներին։ Մեր կացության ծրագրերով, համագործակցության և համատեղ արտադրության ծրագրերով խթանում ենք արվեստագետների միջև գլոբալ ցանցը։ Քաղհասարակության ակտիվ դերակատարներին մենք պաշտպանված և ազատ տարածքներ ենք առաջարկում՝ հնարավորություն տալով ազատ կարծիքի բաց արտահայմանը։ Անգամ բարդ ժամանակներում թույլ չենք տալիս, որ ժողովրդավարական երկխոսությունն ընդհատվի։ Մեր աշխատանքում ուղղորդվում ենք ժողովրդավար, ազատական և սահմանադրական հասարակական կարգերի արժեքներով։

Ավելի քան 60 լեզվով մեր թվային տեղեկատվության և ուսուցման առաջարկների ու 87 գրադարաններից բաղկացած ցանցի միջոցով մենք առաջարկում ենք ուսուցման, հանդիպումների և մասնակցության վայրեր: Մենք օգտագործում ենք նորարար տեխնոլոգիաներ, բաց չենք թողնում թվայնացման հնարավորություններն ու հավասարապես արտացոլում դրանց ազդեցությունը մարդկանց և հասարակության վրա։ Մենք օժանդակում ենք տարբեր ձևաչափերով գլոբալ հանդիպումներին, ինչպես օրինակ՝ մուլտիպլիկատորների համար տեղեկատվական այցելություններ, փորձագետների միջև մասնագիտական փոխանակում, երիտասարդական փոխանակում և միջազգային փառատոններ։

Հայաստանի Գյոթե ինստիտուտը աշխարհի բոլոր Գյոթե ինստիտուտներից ամենաերիտասարդն է։ Այն հիմնադրվել է 2025թ․-ին՝ նպատակ ունենալով խորացնել Հայաստանի և Գերմանիայի միջև մշակութային հարաբերությունները։Հայաստանում մեր գործընկերների հետ մենք նախաձեռնում և կազմակերպում ենք ամենատարբեր ձևաչափերով մշակութային փոխանակում և ամրապնդում գերմաներենը կրթական համակարգում։ Մենք ապահովում ենք հասանելի տեղեկություն Գերմանիայի և Գերմանիայում տեղի ունեցող վերջին իրադարձությունների մասին։ Մեր աշխատանքի հիմքում մեր կառուցած և հաստատված հարաբերություններն են:

Հայաստանում գերմաներենի ամրապնդման շրջանակում մենք գերմաներեն դասավանդողներին առաջարկում ենք սեմինարների և ծառայությունների լայն ընտրություն։ Մեր գործընկերների հետ համատեղ աջակցում ենք օտար լեզուների խթանման ազգային և եվրոպական նախագծերին։ Կրթական բարեփոխումներին աջակցելը մեր աշխատանքի հիմնական խնդիրն է: Գյոթե ինստիտուտի գործընկեր Երևանի լեզվի ուսուցման կենտրոնն առաջարկում է լեզվի դասընթացների բազմաբնույթ ծրագրեր։ Այստեղ ժամանակակից մեթոդաբանությամբ գերմաներեն են դասավանդում սկսնակից մինչև խորացված մակարդակներ, ինչպես նաև նախապատրաստում են Գյոթե ինստիտուտի կենտրոնական քննություններին։

Մշակույթի ոլորտում մեր թիրախում է հայկական բազմաշերտ մշակութային դաշտը և Գերմանիայի տարբեր վայրերում գերմանացի գործընկերների և այդ դաշտի միջև կապերի հաստատումը։ Մենք նաև խրախուսում ենք շարունակական զարգացմանն ու քաղաքային զարգացմանն առնչվող խնդիրների ուսումնասիրությունը, ինչպես նաև եվրոպական համագործակցությունը EUNIC ցանցի և Հայաստանում ԵՄ պատվիրակության շրջանակում։
Մեր աշխատանքի մյուս ուղղությունը թվային մեդիաներն ուտեխնոլոգիաներն են։ Մեր Onleihe թվային գրադարանի միջոցով մեր լսարանին հասանելի են դառնում գերմաներեն գրքեր, ամսագրեր, թերթեր, աուդիոգրքեր և այլն։ Goethe on Demand հեռարձակման հարթակը հնարավորություն է ընձեռում դիտել գերմանական ֆիլմեր․ մեր կինոարխիվը գործընկերներին առաջարկում է ոչ առևտրային նշանակության ցուցադրություններ։ Բացի այդ, մեր աշխատանքի կենտրոնում է վիրտուալ իրականության աշխարհը, ինչպես մշակույթի ոլորտում, այնպես էլ՝ կրթության։ Լեզվի և մշակույթի դաշտի մեր գործընկերներից բացի, մեր ցանցի մասն են կազմում «Գերմանալեզու ցանցի»կազմակերպությունները, ինչպիսիք են DAAD-ն, Հայաստանում գերմանական հիմնադրամները, GIZ-ը, DWV-ն և այլն։
 

In der kulturellen Programmarbeit setzt das junge Goethe-Institut Armenien auf die Förderung und Stärkung der lokalen Szene(n) in den Fokus. Dazu gehört nicht nur die die strukturelle Stärkung der lokalen Kunst- und Kulturszene, sowie ihre Vernetzung mit Kulturpartnern an diversen Standorten in Deutschland.

Das Thema Nachhaltigkeit, insbesondere in den Fragen von ökologischer Stadtgestaltung ist von besonderer Bedeutung. Wie kann die Kulturszene dazu beitragen, die ehemalige 'Gartenstadt' Jerewan umweltfreundlicher und auch sozial gerechter zu gestalten? Wie können Orte jenseits der Hauptstadt und der ländliche Raum zu einem Umdenken inspirieren? Welche Rolle schließlich kann der Kultursektor und der der künstlerische internationale Dialog im Rahmen einer ökologischen Transformation spielen?

Wir stärken durch verschiedene Initiativen im Rahmen der europäischen Kooperation die Rolle der europäischen Union in Armenien und fördern die Zusammenarbeit europäischer Institutionen und lokaler NGO‘s und Institutionen.