Лена Дорн раіць
Лета

Генацыд езідаў з боку тэрарыстычнай арганізацыі  "Ісламская дзяржава" ў 2014 г. да апошняга часу амаль не тэматызаваўся ў нямецкай літаратуры. Для Лейлы, галоўнай гераіні ўражальнага рамана-дэбюта Роні Отман, гэта катастрофа, якая мяняе яе жыццё.
 
Лейла жыве ў Германіі, але кожныя летнія вакацыі бавіць у вёсцы, з якой паходзіць яе бацька. Вёска знаходзіцца ў Курдыстане, краіне, якую дзяўчынка не можа знайсці ў атласе. Але аднойчы ёй не дазваляюць паехаць туды, і яна не можа не адчуваць страху за сваякоў. Цяпер яе галоўнай праблемай становіцца ўзаемасувязь памяці, аповеду і разумення. Гэта мае дачыненне і да бацькі Лейлы, які перапоўнены гісторыямі пра езідаў і расказвае дачцы эпізоды з уласнага мінулага.
 
Лейла тым часам паступае ў універсітэт. Яна спрабуе рассартаваць расказанае і тое, што неабходна расказаць, супярэчлівае і незразумелае. Праз Інтэрнэт сочыць за палітычнымі падзеямі і ўсё ж часта не можа да канца дадумаць уласныя сказы. "Але закончаныя сказы патрэбны, -- зноў і зноў кажа сабе Лейла, -- без закончаных сказаў немагчыма нікому расказаць пра гэта". У рамане паралелізм неспалучальнага выпрабоўвае паўсядзённую рэальнасць Лейлы. Акрамя таго, гэта кніга пра пытанне, ці паходзіш ты аднекуль і ці не мусіш ты накіравацца некуды, калі аповед скончыцца.
Carl Hanser Verlag