Крысціна Пфаў раіць
Калі надыходзіць цемра

Швейцарскі пісьменнік Петэр Штам, лаўрэат шматлікіх прэмій, выдаў новую кнігу -- Wenn es dunkel wird ("Калі надыходзіць цемра"), зборнік апавяданняў, у якім адзінаццаць кароткіх гісторый распавядаюць пра пранікненне ў свет даступнага для разумення і прывычнага, пра дзівосныя сустрэчы і страту таго, што не выклікала сумневу. Дзеючыя асобы, быццам выпаўшы з прасторы і часу, з упэўненасцю лунатыкаў выпраўляюцца ў іншасвет, у якім іх дзеяннямі ўжо не кіруе рацыяналізм. Тут звычайна важную ролю адыгрывае выпадак. Так, напрыклад, у апавяданні Die Frau im grünen Mantel ("Жанчына ў зялёным плашчы") доктар на пенсіі перажывае эфект дэжавю, які канфрантуе яго з уласнай нямогласцю. У апавяданні In Dietrichs Knie ("У калене Дзітрыха") гаворка ідзе пра пáру, якая страціла жарсць. Але раптам муж знаходзіць у электроннай пошце на камп'ютары жонкі пасланне фрывольнага зместу. Цікаўнасць, рэўнасць і ўспаміны пра пачатак іх кахання мікшыруюцца, і тут пачынаецца поўная рызыкі гульня.
 
Гісторыі распавядаюць пра пераход межаў і магутнасць фантазіі, якая стварае ўласныя, часам прывідныя вобразы. Але безвыходнасць – гэта не варыянт, нават калі надыходзіць цемра. Таму што кожнае месца разлому хавае ў сабе змену перспектывы і адкрывае новы гарызонт.
 
Кароткія гісторыі атрымаліся беззаганнымі: яны дасціпныя, кранальныя і глыбокадумныя. Цудоўная гульня з жанрамі і чаканнямі, якімі Петэр Штам умее выдатна жангліраваць. Апавяданні лёгка чытаюцца, і адначасова яны дасканалыя  і поўныя нечаканасцей. Дачытаўшы кнігу, пра яе змест яшчэ доўга думаеш. Адназначна раю прачытаць!
S. Fischer-Verlage