ထိုအရေးအသားပြိုင်ပွဲတွင် စိတ်ဝင်တစား ပါဝင်သည့် လျှောက်ထားသူ အရေအတွက် ၂၀၀ကျော်များထဲမှ ၈၅ခုကို ဆန်ခါတင်အဖြစ်ရွေးချယ်စီစစ်ခဲ့ပြီး ထိုတခုချင်းစီမှလည်း သဘာဝပတ်ဝန်းကျင်ဆိုင်ရာ ပြဿနာများနှင့် အလားအလာရှိသော ဖြေရှည်းနည်းများကို သိသာထင်ရှားစွာ တွေ့မြင်ခဲ့ရပြီးဖြစ်သည်။ ကျွန်ုပ်တို့မှ သေချာဂရုတစိုက်ဖြင့် စီစစ် စစ်ဆေးပြီးနောက် ဆုရရှိသူများအား ဂုဏ်ယူစွာဖြင့် ကြေညာလိုက်ပါသည်။

ဆုရရှိသူများ
ပထမဆု          Lin Htet - မေ - ကျွန်ုပ်တို့ချစ်သော ကမ္ဘာမြေ
ဒုတိယဆု         Hsu Theint - ကျွန်တော်နှင့်မသိခြင်းများ
တတိယဆု        Khun - သဘာ၀တရားနဲ့သဟဇာတ

ဤအစီအစဉ်ကို Goethe Institut Myanmar ရဲ့ Go Green Goethe မှ Prevent Plastic နှင့်အတူတကွ ပူးပေါင်းဆောင်ရွက်ခြင်းဖြစ်ပါသည်။

ရွေးချယ်ခံရသော ဆောင်းပါးများဖတ်ခြင်းနှင့် အမေးအဖြေ ကဏ္ဍကို ဧပြီလ ၂၆ရက်နေ့ Goethe Institut Myanmar Libraryတွင် ညနေ၃:၀၀ မှ ညနေ၅:၀၀နာရီအထိ ကျင်းပခဲ့ပြီး ထိုဆောင်းပါးများကို နောက်ပိုင်းတွင် ထုတ်ဝေပေးသွားမည်ဖြစ်သည်။ သဘာဝပတ်ဝန်းကျင်ဆိုင်ရာ အသိပညာပေးရေးတွင် စေတနာနှင့် ပါဝင်သူများအားလုံးကို ကျွန်ုပ်တို့ Goethe Institut မှ အထူးပင် ကျေးဇူးတင်ရှိပါသည်။

သင်တို့၏ ပံ့ပိုးမှုများသည် ကျွန်ုပ်တို့အတွက် ကြီးမား ကောင်းမွန်သော အထောက်အပံ့ဖြစ်သောကြောင့် ပိုမိုစိမ်းလန်း၍ ရေရှည်တည်တံ့သောအနာဂတ်ကို ကျွန်ုပ်တို့နှင့်အတူ ဖန်တီးရန်အတွက် နောက်လုပ်မည့်အစီအစဉ်များနှင့်အခွင့်အလမ်းများကိုလည်း စောင့်မျှော်ကြည့်ရှု ပေးကြပါအုံးနော်။

ပြီးခဲ့တဲ့ မတ်လမှ စတင်ပြီး Contemporary အနုပညာလက်ရာတွေ ဖန်တီးရာမှာ ကြားခံပစ္စည်းတွေကို ကျယ်ကျယ်ပြန့်ပြန့်အသုံးချနိုင်စေဖို့အတွက် ‚Materials of Life‘ လို့အမည်ရတဲ့ စီမံကိန်းတစ်ရပ်ကို Goethe-Institut မြန်မာမှ စတင်အကောင်အထည်ဖော်ခဲ့ပါတယ်။

သဘာ၀ကြားခံပစ္စည်းများကို အသုံးပြုပြီး လက်တွေ့ဖန်တီးပြုလုပ်ခြင်း သင်တန်းများကို မြန်မာနိုင်ငံအနှံ့အပြားက လက်မှုအနုပညာရှင်တွေက ဉီးဆောင်ပို့ချလျှက်ရှိပါတယ်။ လျှောက်လွှာခေါ်ယူခဲ့သည့်အထဲမှ ရန်ကုန်နဲ့ ရန်ကုန်ပြင်ပ က အနုပညာရှင်ခုနှစ်ဦးကို တက်ရောက်ခွင့်ပေးခဲ့ပါတယ်။ သဘာ၀မှထွက်ရှိတဲ့ ၀ါး၊ သဘာ၀ဆိုးဆေး၊ သဘာ၀ရောင်ခြယ်များ၊ ရှမ်းစက္ကူထုတ်လုပ်ခြင်း နဲ့ အခြားသောပညာရပ်များကို  အနယ်နယ်အရပ်ရပ်မှ လာရောက်ကြတဲ့ လက်မှုပညာရှင်များနဲ့ အနုပညာရှင်လူငယ်များ အတူပူးပေါင်း လေ့လာသင်ကြားလျှက်ရှိပါတယ်။

လာမယ့် မေလမှာဆိုရင်တော့ လူသိများထင်ရှားတဲ့ ကမ္ဘောဒီးယား အနုပညာရှင် ဆိုဖိ ပစ်(ချ်)က သင်တန်းတက်ရောက်နေတဲ့ လူငယ်များနဲ့အတူ အလုပ်ရုံဆွေးနွေးပွဲတစ်ရပ် လာရောက်လုပ်ဆောင်မယ့်အပြင် သူ၏ အနုပညာလက်ရာအကြောင်းနဲ့ မြန်မာနဲ့ ကမ္ဘောဒီးယားနိုင်ငံမှာ ပေါများတဲ့ သဘာ၀ထွက်ကုန်များကို အသုံးပြုပြီး အနုပညာလက်ရာဖန်တီးခြင်းဆိုင်ရာ အကြောင်းအရာများကို အများပြည်သူသိရှိစေရန် မျှ၀ေသွားမှာ ဖြစ်ပါတယ်။

ဆိုဖိ ပစ်(ချ်) ကပြုလုပ်သွားမယ့် အစီအစဉ်အသေးစိတ်ကို Goethe-Institut မြန်မာရဲ့ လူမှုကွန်ယက် စာမျက်နှာတွေမှာ အချိန်နဲ့တစ်ပြေးညီ ဖော်ပြသွားမှာဖြစ်လို့ စောင့်ကြည့်ပါ၀င်နိုင်ပါရန် သတင်းပါးလိုက်ရပါတယ်။

ဆိုဖိ ပစ်(ချ်) ရဲ့ အကြောင်းအရာများနဲ့ လက်ရာများကို အောက်ပါ link မှ ၀င်ရောက်ကြည့်ရှုနိုင်ပါတယ်။

"Goethe-On-Demand" အကြောင်း ကြားဖူးပါသလား?

"Goethe-On-Demand" ဆိုတာ Goethe-Institut ရဲ့ ဂန္ထဝင်ရုပ်ရှင်မှ ခေတ်ပြိုင်အနုပညာ ရုပ်ရှင်များအထိ အမျိုးစုံသော ဂျာမန်ရုပ်ရှင်များကို ကိုထုတ်လွင့်ပြသထားတဲ့ ရုပ်ရှင်ပလက်ဖောင်း ပဲဖြစ်ပါတယ်။

မေလ ထဲမှာတော့ အလုပ်သမားနေ့ကို ဂုဏ်ပြုသောအားဖြင့် "လုပ်ငန်းခွင်မှအမျိုးသမီးများ" အမည်နှင့် အလုပ်ခွင်တွင် အမျိုးသမီးများရဲ့ အခန်းကဏ္ဍ တိုးတတ် ပြောင်းလဲမှုအပေါ်အမြင်များကို ပေါ်လွင်စေခဲ့တဲ့ ရုပ်ရှင်များကို  စုစည်းဖော်ပြပေးထားပေးပါတယ်။

အောက်ပါ Link မှာ စာရင်းသွင်းပြီး အခမဲ့ကြည့်ရှုလိုက်ပါ။

ကျွန်တော်တို့ရဲ့  နှစ်လခွဲ ကြာမြင့်မယ့် Academy of Care (AOC) ပရိုဂရမ်ကို မေလ 13 ရက်နေ့တွင် စတင်တော့မှာဖြစ်ပါတယ်။ 

လားရှိုး၊ အင်းလေး၊ တောင်ကြီး (ရှမ်းပြည်နယ်)၊ မြစ်ကြီးနား (ကချင်ပြည်နယ်)၊ ဇာသပြင် (ကရင်ပြည်နယ်)၊ ဟားခါး (ချင်းပြည်နယ်)၊ ဂွ ၊ မောင်တော (ရခိုင်ပြည်နယ်) အပါအဝင် ရန်ကုန်မှ (၄)ဦး ကော့မှူး၊ လှည်းကူး အပါအဝင် မြန်မာနိုင်ငံအနှံ့အပြားမှ သင်တန်းသား စုစုပေါင်း (၁၃)ဦးဖြင့် အတူတကွ  စတင်ရန် စီစဉ်ထားပါတယ်။

AOCရဲ့ ပရိုဂရမ်တာဝန်ခံများဖြစ်ကြတဲ့ ကျော်မိုးလွင်နှင့် ယုမီ ခိုင်မွန်မြတ်တို့ဟာ AOC ပရိုဂရမ်၏ ရည်မှန်းချက်များ အောင်မြင်စေရန်  နှင့် ပါဝင်သူအားလုံးအတွက် အဖိုးတန်သောအတွေ့အကြုံကို ရရှိစေဖို့ အမြဲကြိုးစားအားထုတ်နေကြသူများလည်းဖြစ်ပါတယ်။ 

AOC ပရိုဂရမ်က အနုပညာ၊ ဂီတနှင့် ဒရာမာကုထုံးချဉ်းကပ်မှုများအပေါ် အထူးအာရုံစိုက် ရေးဆွဲထားပြီး စိတ်ကျန်းမာရေးနှင့် စိတ်ပိုင်းဆိုင်ရာ ပံ့ပိုးမှုနည်းလမ်းများကိုလည်း ထည့်သွင်းသင်ကြားပေးသွားမှာဖြစ်ပါတယ်။ အတွေ့အကြုံရှိ စိတ်ပညာရှင်နှင့် ပြည်တွင်း ပြည်ပမှ အနုပညာကုထုံးပညာရှင်များက သင်တန်းသားတွေကို ဤအသွင်ပြောင်းအလေ့အကျင့်များမှတစ်ဆင့် တီထွင်ဖန်တီးမှုပုံစံများဖြင့် ကုထုံးနည်းလမ်းတွေကို လမ်းညွှန်ပေးမှာဖြစ်ပါတယ်။

AOC ပရိုဂရမ်ရဲ့ ဆက်လက်ဆောင်ရွက်သွားမယ့် အစီအစဉ်တွေကိုလည်း နောက်လတွေမှာ ဆက်လက်ဖော်ပြသွားပါမယ်။

လက်နဲ့အရောင်ခြယ်ထားတဲ့ အဖြူအမဲ ဓါတ်ပုံတွေကို မြင်ဖူးကြပါသလား။

အဖြူအမည်းဓါတ်ပုံခေါတ်မှာ ပန်းချီဆရာတွေက ဓါတ်ပုံပေါ်မှာ အနုစိပ် အရောင်ခြယ်ကြပြီး ကာလာဓါတ်ပုံ တွေအဖြစ်ဖန်တီးခဲ့ကြပါတယ်။ Hand Coloured ဓါတ်ပုံတွေမှာ ဓါတ်ပုံပညာနဲ့ ပန်းချီပညာရဲ့ လှပတဲ့ပေါင်းစပ်မှုကို ခံစားတွေ့မြင်နိုင်ပါတယ်။
 
မြန်မာ့ဓါတ်ပုံမော်ကွန်း စုဆောင်းထားတဲ့ Hand Coloured ဓါတ်ပုံတွေကို “ဓါတ်ပုံဆေးရောင်ခြယ်ခြင်း” စာအုပ်မှာ လေ့လာနိုင်ပါတယ်။ သင်ကိုယ်တိုင် Hand Colour ဓါတ်ပုံတွေဖန်တီးနိုင်ဖို့ ဓါတ်ပုံဆေးရောင်ခြယ်ပုံ အဆင့်ဆင့် ကိုလဲ အသေးစိတ် ဖော်ပြထားပါတယ်။

အဖြူအမဲ ဓါတ်ပုံတွေကို စိတ်ကူးထဲက အရောင်တွေခြယ်သပြီး အနုပညာပုံစံသစ်တစ်ခုကို ဖန်တီးလိုက်ပါ။

လာမည့် မေလ ၃ ရက်နေ့၊ Goethe-Institut Myanmar ပွဲခန်းမတွင် မော်ကွန်းနှင့် စုဆောင်းခြင်း အကြောင်း စိတ်ဝင်စားဖွယ်စကားဝိုင်းပြုလုပ်သွားဖို့ ရှိတဲ့ အတွက် စိတ်ဝင်စားသူများ လာရောက်နားထောင်နိုင်ရန် ဖိတ်ကြားလိုပါတယ်။

မြန်မာ မှာသာမကတစ်ကမ္ဘာလုံးတွင် အရင်ခေတ်အဆက်ဆက်မှ ပစ္စည်းများ၊ ဓာတ်ပုံများနှင့် ခေတ်ဟောင်း အကြွင်းအကျန်ပစ္စည်းများကို မော်ကွန်းတင်ခြင်းနှင့်စုဆောင်းကြသည့် အလေ့အထ သည် ခေတ်စားလာခဲ့ပါတယ်။

ဘာလို့ စုဆောင်း သိမ်းဆည်းကြတာလဲ၊ မော်ကွန်းတိုက်ဆိုတာတွေ ကဘာအတွက်လဲ၊ နောက်ပြီး မော်ကွန်းတင်ခြင်းနှင့် စုဆောင်းခြင်း ဆိုတာ ဘယ်လိုတွေ ကွာခြားသလဲ ဆိုတဲ့ မေးခွန်းတွေ ရှိကောင်းရှိနေနိုင်ပါတယ်။

ဒီပွဲမှာတော့ ပညာရှင်တွေ၊ဝါသနာရှင်တွေ နှင့် စိတ်ဝင်တစား စုဆောင်းကြသူတွေက ဘာလို့ အတိတ်မှာရှိခဲ့တဲ့ အရာတွေ ကို ထိန်းသိမ်းဖို့ စိတ်ဝင်စားလာကြသလဲ၊ ဘာကြောင့် ဒါတွေ လုပ်ဖို့ အရေးကြီးတယ် ထင်သလဲ ဆိုတာ နှင့် သူတို့ စုဆောင်းထားကြသည့် စိတ်ဝင်စားစရာ ပစ္စည်းများ၊ မှတ်တမ်းများ ကို ဖော်ပြပေးသွားမှာ ဖြစ်ပါတယ်။

ဒီလိုဆွေးနွေးဝိုင်းကို လက်လွှတ်မခံ ပဲပါဝင်လိုက်ဖို့ တိုက်တွန်းလိုပါတယ်။ နောက်ထပ် ဆွေးနွေးဝိုင်းနှင့် ပတ်သက်သည့် အသေးစိတ်အချက်အလက်များကို Goethe-Institut Myanmar နှင့် Myanmar Photo Archive ၏ ဆိုရှယ်မီဒီယာတွင် ကြေငြာပေးသွားမှာ ဖြစ်လို့ အားလုံးပဲ စောင့်မျှော်ကြည့်ရှုပေးကြပါဦးနော်။

ဒီဇိုင်နာတွေ တစ်လတစ်ကြိမ် ဆုံကြတဲ့ Talking Types ကို ပထမဆုံးအကြိမ်အဖြစ် ဧပြီလ ၆ ရက်နေ့က Goethe-Institut Myanmar  မှာ ပြုလုပ်ခဲ့ပါတယ်။ ဒီဇိုင်နာများဖြစ်ကြတဲ့  ကိုဇင်ဘိုဦး ( Zin Bo Graphic Design)၊ ကိုထွန်းနောင် (Phoenix Digitial Art)၊ ကိုထက်အောင်ခိုင် (KoH type and design)၊ Flo နှင့် ကိုခွန်ကြည် တို့ ပါဝင်ခဲ့ကြပါတယ်။

Talking Types မှာ မြန်မာ ဒီဇိုင်နာများနဲ့ ဂျာမနီမှ ဒီဇိုင်နာတစ်ဦးတို့က Type ဒီဇိုင်း၊Typography များအကြောင်း မျှဝေဆွေးနွေးကြပါတယ်။ ပထမဆုံးရက် မှာ Type specimen book တွေအကြောင်း၊ Burmese type classification အတွက် အထောက်ကူပြုမယ့် research နည်းလမ်းတွေ၊ အသုံးပြုတဲ့ ဆောဖ့်ဝဲတွေအကြောင်း ပြောဖြစ်ခဲ့ကြပါတယ်။ ဒါ့အပြင် type DNA အကြောင်းကိုလည်း အသေးစိတ် ဆွေးနွေးခဲ့ကြပါတယ်။

တစ်လ တစ်ကြိမ် ဒုတိယအပတ်ရဲ့ စနေနေ့တိုင်း Talking Types ကို ဆက်လက်ပြုလုပ်သွားမှာ ဖြစ်ပါတယ်။ မေလ ၁၁ ရက်တွင် ပြုလုပ်သွားမယ့် Talking Types မှာ မြန်မာ ဖောင့်တွေကို အင်္ဂလိပ်ဖောင့်များနဲ့ လိုက်ဖက်အောင် ရွေးချယ်နည်း၊ ဒီဇိုင်းပြုလုပ်နည်းတွေကို ဆွေးနွေးသွားမှာဖြစ်ပါတယ်။

လာမည့် Talking Types ဆုံရပ်
ရက်စွဲ    : မေလ ၁၁ ရက်၊ ၂၀၂၄ ခုနှစ်
ကြာချိန် : ၂ နာရီ
နေရာ     : Goethe-Institut Myanmar

Type ဒီဇိုင်းနှင့် Typography ကို စိတ်ဝင်စားပြီး Talking Types တွင် ပါဝင်ဖို့ စိတ်ဝင်စားပါက yannaing.oo@goethe.de သို့ဆက်သွယ်မေးမြန်းနိုင်ပါသည်။

ဂျာမနီမှာ ကျွမ်းကျင်လုပ်သားအနေနဲ့ Ausbildung သွားတက်မယ်ဆိုရင် အနည်းဆုံး ဂျာမန်စာ B1 နဲ့ Goethe certificate B1 လိုအပ်တယ်ဆိုတာသိပါသလား?

ဂျာမနီမှာ ကျောင်းသွားတက်ဖို့ Studienkolleg လျှောက်မယ်ဆိုရင်လည်း အနည်းဆုံး ဂျာမန်စာ B1 နဲ့ Goethe certificate B1 လိုအပ်ပါတယ်။

ဒီလိုအပ်ချက်တွေကို အပြီးအစီးဖြည့်ဆည်းပေးမယ့် B1 package က Goethe-Institut Myanmar မှာရှိနေပါပြီ။ B1 Package ကို တက်မယ်ဆိုရင် 20% discount ရမယ့်အပြင် သင်တန်းကြေးကိုလည်း ၆ ခါခွဲသွင်းလို့ရပါတယ်။

B1 Package မှာ ပါ၀င်မယ့် အတန်းတွေကတော့ (A1.1+ A1.2+ A2.1+ A2.2+ B1.1+ B1.2 + B1 exam training + A1 exam + A2 exam + B1 exam) ဖြစ်ပြီး သင်တန်းကာလအပြီးအစီး ၁၁ လကြာမြင့်တဲ့ intensive class ဖြစ်ပါတယ်။

ပုံမှန်သင်တန်းခုနှစ်တန်းတက်ပြီး စာမေးပွဲသုံးခုဖြေမယ်ဆိုရင် လေးဆယ့်တစ်သိန်း (4,100,000 MMK) ကျသင့်ပေမယ့် B1 package တက်မယ်ဆိုရင်တော့ သင်တန်းကြေးစုစုပေါင်း သုံးဆယ့်နှစ်သိန်းရှစ်သောင်း (3,280,000 MMK) ပဲကျသင့်ပါမယ်။B1 exam ကို တစ်ခေါက်တည်းအောင်မြင်သူတွေကလည်း 300,000 MMK reward နှင့် ကျောင်းမှပေးအပ်မယ့် လက်ဆောင်များ ရရှိမှာဖြစ်ပါတယ်။B1 exam ကို တစ်ခါတည်းမအောင်ခဲ့ရင်တောင် နောက်တစ်ခေါက်ဖြေဆိုဖို့ အခွင့်အရေးရှိပါတယ်။ စာမေးပွဲကြေးထပ်သွင်းရန်မလိုပါ။

ဒါ့အပြင် Work & Live in Germany နဲ့ Study in Germany အတွက် အခမဲ့အကြံပေး၀န်ဆောင်မှုတွေ၊ Goethe-Institut စာကြည့်တိုက်မှာ တစ်နှစ်စာ membership၊ reading club, Deutschcafe, Board games နဲ့ learning advisory တွေပါ အခမဲ့ တက်ရောက်နိုင်ပါတယ်။

20% တောင်သက်သာမယ့် B1 package ကိုတက်ပြီး ဂျာမနီသွားမယ်ဆိုရင် မေလ ၅ ရက်နေ့မတိုင်ခင်အထိ deposit သွင်းပြီး info.language.mmr@goethe.de မှာ စာရင်းပေးသွင်းအပ်လိုက်တေ့နော်။

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။

ကျွန်ုပ်တို့၏ဂျာမန်ဘာသာစကားသင်တန်းများကို ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့် ၆ ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည်  နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက မေလတွက်  ( Online , In-person, Hybrid ) ဂျာမန်ဘာသာစကားသင်တန်းများဖွင့်လှစ်လျက်ရှိပါသည်။ စာရင်းပေးသွင်းရမည့်ကာလမှာ ၂၄.၀၄.၂၀၂၄ မှ ၀၅.၀၅.၂၀၂၄ အထိ ဖြစ်ပြီး စုံစမ်းမေးမြန်းလိုသည်များရှိပါက
 info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုသောအောင်လက်မှတ်တစ်ခုလိုအပ်နေပါသလား။ 

Goethe-Institut ၏ဘာသာစကားအောင်လက်မှတ်သည် ဂျာမန်ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက မေလ အတွက် Goethe-Zertifikat စာမေးပွဲများကိုကျင်းပမည်ဖြစ်ပါသည်။ စာရင်းသွင်းကာလမှာ ၀၆.၀၅.၂၀၂၄ မှ ၁၃.၀၅.၂၀၂၄ ဖြစ်သည့်အတွက် ယခုပဲအချိန်စာရင်းကိုကြည့်ပြီး info.language.mmr@goethe.de ကိုအီးမေးလ်ပို့ပြီး စာရင်းပေးသွင်းနိုင်ပါပြီ။

စာကြည့်တိုက်မှာ ပြုလုပ်မယ့် ပွဲလေးတစ်ခုအကြောင်းမိတ်ဆက်ပေးချင်ပါတယ်။

သွင်ပြောင်းနှလုံးသားများအတွက် သွင်ပြောင်းလင်္ကာ လို့ အမည်ပေးထားတဲ့ ဒီအလုပ်ရုံဆွေးနွေးပွဲမှာတော့ ကဗျာရေးသားခြင်းဆိုင်ရာ စိတ်ကူးဖန်တီးနိုင်စွမ်းတွေကို ထိထိရောက်ရောက် ဖော်ထုတ်နိုင်ဖို့နဲ့ မိမိရဲ့ ကဗျာအရေးအသားတွေ ပိုမိုအားကောင်းလာအောင် လုပ်ဆောင်နိုင်ဖို့ နည်းလမ်းတွေကို ဆွေးနွေး ရှာဖွေကြမှာဖြစ်ပါတယ်။ ကဗျာရေးသားခြင်းနဲ့ လူ့ဘဝ၊ လူ့ကမ္ဘာတို့ကြားက ဆက်နွှယ်ပတ်သက်မှုတွေကို စူးစမ်းရေးသားလိုသူများ၊ အသွင်သစ်အတွေးသစ်များနဲ့ ကဗျာရေးသားဖို့ စိတ်ဝင်စားသူများ ပါဝင်တက်ရောက်သင့်တဲ့ အလုပ်ရုံဆွေးနွေးပွဲပဲဖြစ်ပါတယ်။

ကဗျာဆရာ၊ စာရေးဆရာမောင်ဒေး ဦးဆောင်ဆွေးနွေးမယ့် ဒီအလုပ်ရုံဆွေးနွေးပွဲမှာ လက်တွေ့ရေးသားခြင်း၊ အခြားကဗျာရေးသားသူတို့ရဲ့ လက်ရာတွေကို ဖတ်ရှုဆွေးနွေးခြင်းတို့အပြင် ရေးသားခြင်းဖြစ်စဥ်/လုပ်ငန်းစဥ်နဲ့ပတ်သက်ပြီး အထောက်အကူပြုလေ့ကျင့်ခန်းတွေကိုလည်း လုပ်ဆောင်ကြမှာြဖစ်ပါတယ်။ ကဗျာရေးသားခြင်းရဲ့နောက်မှာ ကဗျာကို ဖြစ်ပေါ်စေတဲ့ သိမှုနဲ့အတွေ့အကြုံတွေ စုဝေးတည်ရှိပါတယ်။ အဲဒီသိမှုနဲ့ အတွေ့အကြုံတို့ရဲ့ စက်ဝန်းကိုချဲ့ထွင်ယူနိုင်ဖို့ ရည်ရွယ်ထားတဲ့ အလုပ်ရုံဆွေးနွေးပွဲတစ်ခုပဲဖြစ်ပါတယ်။

မေလမှာပြုလုပ်မယ့် ဒီအလုပ်ရုံဆွေးနွေးပွဲကို တက်ရောက်လိုသူများအနေနဲ့ ကြိုတင်စာရင်းပေးသွင်းရန် လိုအပ်ပြီး၊ စာရင်းပေးသွင်းထားသူများထဲမှ ရွေးချယ်ခံရသူများက အောက်ပါအလုပ်ရုံဆွေးနွေးပွဲ ပြုလုပ်မယ့်ရက်များမှာ အခမဲ့တက်ရောက်နိုင်မှာဖြစ်ပါတယ်။

အလုပ်ရုံဆွေးနွေးပွဲ တက်ရောက်ရမယ့် နေ့ရက်များမှာ -
နေ့ (၁) - ၁၆.၀၅.၂၀၂၄/ နေ့ (၂) - ၂၃.၀၅.၂၀၂၄/ နေ့ (၃) - ၃၀.၀၅.၂၀၂၄/ နေ့ (၄) - ၀၆.၀၆.၂၀၂၄
အချိန်- မနက် ၉ နာရီမှ ညနေ ၄ နာရီ

တက်ရောက်ရန် ရွေးချယ်ခံရသူ တစ်ယောက်စီတိုင်းကို ဖောင်ပိတ်သည့်ရက်  (၀၉.၅.၂၀၂၄) နောက်ပိုင်းတွင် confirmation email ကို ပေးပို့သွားမှာ ဖြစ်ပါတယ်။
(ဆွေးနွေးပြောကြားမည့် ဘာသာစကား - မြန်မာဘာသာ)

လစဉ်ကျင်းပနေကျဖြစ်တဲ့ “Board Game Friday“ လေးမှာ ဒီလမှာတော့ ထူးထူးခြားခြားအနေနဲ့ စာကြည့်တိုက်မှာရှိတဲ့ Board Game တွေကို ကစားရမှာမဟုတ်ပဲ မိမိကြိုက်နှစ်သက်ရာ Board Game တွေကို ယူလာပြီး သူငယ်ချင်းတွေနဲ့အတူတူ ပျော်ပျော်ပါးပါး ကစားလို့ရမှာပဲ ဖြစ်ပါတယ်။

လူဦးရေကိုတော့ (၁၀) ဦးအထိ သတ်မှတ်ထားပြီး၊ လာရောက်ကစားချင်တယ်ဆိုရင်တော့ biblio-yangon@goethe.de သို့ အီးမေးလ်ပေးပို့ခြင်း (သို့) စာကြည့်တိုက်ဖွင့်ချိန်အတွင်း ၀၁ ၉၃၇၆၁၆၀ (လိုင်းခွဲနံပါတ် ၃၀၁/ ၃၀၂) သို့ ဖုန်းခေါ်ဆိုပြီး စာရင်းပေးသွင်းနိုင်ပါတယ်။

ကိုယ့်မှာ ထူးထူးခြားခြားဂိမ်းလေးတွေ၊ ကစားလို့ကောင်းလို့ သူငယ်ချင်းတွေကို မျှ၀ေချင်တဲ့ ဂိမ်းလေးတွေရှိရင်လည်း ယူလာခဲ့နော်။ 

ဒီလရဲ့ "Leseclub" အစီအစဥ်လေးကတော့  B1 level အတွက် ဖြစ်ပြီး၊ ဂျာမန်ဘာသာစကား သင်ယူနေတဲ့သူတွေရော၊ သင်ယူတတ်မြောက်ပြီးတဲ့သူတွေပါ လာရောက်ပါဝင်လို့ရပါတယ်။ ဒီအစီအစဉ်လေးကနေတစ်ဆင့် စာဖတ်စွမ်းရည် တိုးတက်စေရုံသာမကပဲ၊ စကားလုံး၀ေါ်ဟာရများ ကြွယ်၀လာပြီး၊ အတွေးအခေါ်စွမ်းရည်များကိုပါ တိုးတက်လာစေမှာ ဖြစ်ပါတယ်။  
 
စိတ်ပါ၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့ အီးမေးလ်ပေးပို့ပြီး စာရင်းပေးသွင်းနိုင်ပါတယ်။  

“Learning Advisory" Programလို့ ခေါ်တဲ့ "Lernberatung" အစီအစဉ်မှာ သင့်ရဲ့ ဂျာမန်စာလေ့လာမှုနဲ့ ပတ်သက်ပြီး ရင်ဆိုင်နေရတဲ့ အခက်အခဲတွေ၊ ပြဿနာတွေကို Goethe-Institut Myanmar မှ ဆရာ/ဆရာမကနေ ဆွေးနွေးအကြံပြုပေးသွားမှာ ဖြစ်ပါတယ်။ ဒီလရဲ့ ''Lernberatung'' အစီအစဉ်မှာတော့ ဂျာမန်ဘာသာစကားကို A1 level လေ့လာနေသူများအတွက် သိရှိသင့်တဲ့ လေ့လာသင့်တဲ့ စာအုပ်တွေ၊ online resource တွေ၊ မိမိ level နဲ့ ကိုက်ညီမယ့် အကြံပြုချက်တွေကို ဆွေးနွေးအကြံပြုပေးသွားမှာပဲ ဖြစ်ပါတယ်။ 

စာကြည့်တိုက်သို့ လူကိုယ်တိုင် မလာရောက်နိုင်သူတွေအတွက်လည်း ပါ၀င်မေးမြန်းလို့ရအောင် virtual online session ကိုလည်း ထည့်သွင်းစီစဉ်ပေးထားတာဖြစ်လို့ သင့်ရဲ့ ဂျာမန်စာလေ့လာသင်ယူမှုနဲ့ ပတ်သက်ပြီး အခမဲ့ မေးမြန်းလို့ရမယ့် ကျွန်ုပ်တို့ရဲ့ Learning Advisory အစီအစဉ်ကို အခုပဲ စာရင်းပေးသွင်းပြီး ပါ၀င်လိုက်ပါ: biblio-yangon@goethe.de

ကျွန်ုပ်တို့၏စာကြည့်တိုက်ကို မေလတစ်လပတ်လုံး စနေနေ့နှင့် တနင်္ဂနွေနေ့များတွင် ပိတ်ထားမည်ဖြစ်ကြောင်း ကြိုတင်အကြောင်းကြားအပ်ပါတယ်။

စာကြည့်တိုက်အသင်းဝင်များနှင့် လာရောက်မည့်ဧည့်သည်များအတွက် စာကြည့်တိုက်ကို အခြားနေ့ရက်များတွင် ပုံမှန်စာကြည့်တိုက် ဖွင့်ချိန်အတိုင်း(ကြာသပတေးနေ့နှင့် အများပြည်သူရုံးပိတ်ရက်များမှလွဲ၍) ဖွင့်လှစ်ထားမှာဖြစ်ပါတယ်။
အဆင်မပြေမှုများရှိခဲ့ပါက နားလည်ပေးဖို့ ကျွန်ုပ်တို့မှ ကြိုတင်မေတ္တာရပ်ခံအပ်ပါတယ်။

နားလည်ပေးမှုအတွက် အထူးကျေးဇူးတင်ရှိပါတယ်။