Alumniportal Deutschland
Whakaahua: Alumniportal Deutschland
Ko ngā tekau mano tāngata huri noa i te ao e akoako ana, e mahi ana, e mahi rangahau ana rānei kei Tiamana, kei te whare akoako o Tiamana rānei ki tāwāhi, tērā rānei e whai ana i ngā whakangungu teitei i ngā akoranga reo rānei. Ko te Alumniportal Deutschland, te wāhi ipurangi mō ngā ākonga kua pōtaea o Tiamana, hei kōtuitui tonu i a rātou ki Tiamana ka hokihoki atu nei ki ō rātou whenua ake.Nō te Hepetema 2008 e ipurangi ana te Alumniportal Deutschland. Ko te kuaha ipurangi he wāhi kōtuitui ā-ipurangi huri noa te ao e whakatūria ana mō ngā ākonga pōtaea o Tiamana kia tūhonohono ki te hunga kaimahi pūkenga me ngā torotoronga tūmataiti e whai pānga ana ki Tiamana. Ko te manawa o te kuaha ipurangi nei ko tōna hapori, e tūtakitaki ai e whakawhitiwhiti whakaaro ā-rōpū ai te hunga ākonga pōtaea mā roto i ngā rōpū, rōpū kaupapa, pakituhi, ka uru hoki ki ngā whakaakoranga ā-ipurangi. Kei te Mōheni ētahi kōrero pānui katoa, tuhinga kōrero, pānui tūranga mahi, tohutohu, kōrero aha atu mō te reo Tiamana tae atu ki ngā whakaaturanga kaupapa me ngā pūrongo mō te hunga ākonga pōtaea.
E tuwhera ana te Alumniportal Deutschland ki ngā kaipupuri karahipi o ngā rōpū pūtea tautoko tae atu ki te hunga nāna anō i pīkau ā rātou ake utu akoako ki Tiamana ki tētahi whare akoako o Tiamana rānei kei tāwāhi. Nā reira ko tēnei te rōpū tuatahi o te ao whānui mō ngā ākonga pōtaea o Tiamana. Tēnei te akiaki i a koutou ki te rēhita mai ki te Alumniportal Deutschland, ka tuhi kōrero mōu ake, e tūhono tonu ai koe ki Tiamana ka whakawhānui ake ai i tō kōtuinga ki te ao!
Ko te Alumniportal Deutschland he ratonga kore utu nā te Tari Tāwāhi o Tiamana, ā, e tautokona ana e ngā rōpū Tiamana e toru e mātau noa ana ki ngā kaupapa-here ahurea me te mātauranga o tāwāhi. Ko te Goethe-Institut tētahi o aua rōpū tautoko e toru, e tuku nei i ngā kaupapa “ahurea” me te “reo Tiamana”, ā, e tuku nei hoki i tēnei ratonga ki ōna ake tauira i pōtaea.
ON BEHALF OF
