"အလန်းဇယား တောင်ကြီးသူ/သား"ဓာတ်ပုံစာအုပ်ကို ဂုဏ်ယူစွာမိတ်ဆက်လိုက်ပါသည်။ ဤဓာတ်ပုံစာအုပ်သည် Ashok Kumar ခေါ်  ဦးအောင်ဆန်း ၏ လက်ရာများကို အထူးပြုတင်ဆက်ထားသည့် ဓာတ်ပုံစာအုပ်ဖြစ်ပါသည်။ မြန်မာနိုင်ငံ ရှမ်းပြည်နယ်၏မြို့တော်ဖြစ်သည့် တောင်ကြီးမြို့ တွင် အတူယှဥ်တွဲနေထိုင်နေကြသည့် ယဥ်ကျေးမှု စုံလင်ကွဲပြားကြသော လူနေမှုပုံစံမျိုးစုံကို နှစ် (၄၀) ကျော်ကြာ ရိုက်ကူးထားသည့် ဓာတ်ပုံလက်ရာများ ပါဝင်ပါသည်။

ဦးအောင်ဆန်း၏ မိသားစုဆိုင်လေးမှ အစပြုပြီး သူ၏ဓာတ်ပုံအပေါ် စိတ်အားထက်သန်မှု စတင်ခဲ့ပါသည်။ ဦးအောင်ဆန်းသည် သူ့မိသားစု ဆိုင်လေးတွင် လာရောက် အားပေးနေကျ ဓာတ်ပုံဆရာများ ထံမှ မေးမြန်းရင်း ဓာတ်ပုံပညာကို လေ့လာခဲ့ရသလို ရှိသည့်ပစ္စည်းများ နှင့် သင်ယူခဲ့ရပါသည်။ အကန့်အသတ်များရှိသည့် ကြားမှ ပင် သူမှာ ရှိသည့် multi-exposureရိုက်နိုင်သော Nikon FM2 ကင်မရာလေးကို ကျွမ်းကျင်စွာ အသုံးချနိုင်လာခဲ့ပါသည်။ အလင်း၊ အမှောင်၊ အရိပ် တို့ကို ကောင်းစွာ အသုံးချ၍ ဓာတ်ပုံများကို ဖန်တီးတီထွင် ရိုက်ကူးလာနိုင်ပြီး double exposure ဓာတ်ပုံများဖြင့် ဦးအောင်ဆန်းသည် နာမည်ကျော် လူသိများလာခဲ့ပါသည်။

"အလန်းဇယား တောင်ကြီးသူ/သား” စာအုပ်သည် ဓာတ်ပုံစာအုပ်တစ်အုပ်ဆိုသည်ထက် ပိုပါသည်။ တောင်ကြီးမြို့ ၏ ယဥ်ကျေးမှု ကြွယ်ဝစုံလင်မှု နှင့် သမိုင်းဝင် ပြောင်းလဲမှုပုံရိပ်များ ကို မှတ်တမ်းတင်ထားနိုင်သည့် ဓာတ်ပုံမှတ်တမ်းများပင်ဖြစ်ပါသည်။ ဦးအောင်ဆန်း၏ ဓာတ်ပုံများတွင် တောင်ကြီးမြို့ ၏ နေ့စဥ်လူနေမှုဘဝများ၊ ရိုးရာယဥ်ကျေးမှုများနှင့် မတူကွဲပြားစွာ ယှဥ်တွဲနေထိုင်မှုပုံစံများကို မြင်တွေ့ရနိုင်ပါသည်။ ဦးအောင်ဆန်း ၏ ဓာတ်ပုံများ သည် ယဥ်ကျေးမှု အမှတ်သညာ ပုံရိပ်များဖြစ်သလို လူမှုသဟဇာတ ဖြစ်မှုကို ပါ တိုးမြှင့်ပေးနိုင်သည့် ဓာတ်ပုံများ ဖြစ်ပါသည်။

နာမည်ကြီး ဓာတ်ပုံဆရာ တစ်ဦး ဖြစ်တဲ့ ဦးအောင်ဆန်း၏ ကင်မရာ ထဲမှ ရှုမြင်ထားသည့် တောင်ကြီးမြို့ ရဲ့ ပုံရိပ်များကို အတူတကွ ကြည့်ရှု ခံစားကြဖို့ ဖိတ်ခေါ်လိုက်ရပါသည်။ "အလန်းဇယား တောင်ကြီးသူ/သား"စာအုပ် သည် မြန်မာနိုင်ငံ၏ ကြွယ်၀သော ယဉ်ကျေးမှု အမွေအနှစ်နှင့် ဓာတ်ပုံအနုပညာကို စိတ်ဝင်စားသူတိုင်းအတွက် မရှိမဖြစ်စာအုပ် တစ်အုပ်ပင် ဖြစ်ပါသည်။

မတ်လမှ မေလအထိ ပြုလုပ်ခဲ့တဲ့ သင်တန်းကာလများအပြီးမှာတော့ ‘Materials of Life’ စီမံကိန်းမှာ ပါ၀င်ခဲ့ကြတဲ့ အနုပညာရှင်တွေဟာ သူတို့ရဲ့ လက်ရာတွေကို သဘာ၀ထွက်ပစ္စည်းတွေနဲ့ ပေါင်းစပ်ဖန်တီးခဲ့ကြပါပြီ။

အမြင်ပိုင်းဆိုင်ရာအနုပညာလက်ရာတွေကို ဖန်တီးကြတဲ့ အနုပညာရှင်တွေဟာ ကမ္ဘာမြေက ထွက်ရှိလာတဲ့ ကြားခံတွေကို အသုံးပြုပြီး ဘယ်လိုလက်ရာတွေ ဖန်တီးထားတယ်၊ ဘယ်လိုအကြောင်းအရာမျိုးတွေကို ဖော်ပြထားတယ်ဆိုတာကို Narratives from Earth: Natural Materials in Contemporary Art လို့ အမည်ပေးထားတဲ့ အနုပညာပြပွဲကနေ ကြည့်ရှုခံစားနိုင်တော့မှာပဲ ဖြစ်ပါတယ်။ ပြီးခဲ့တဲ့ မေလတုန်းက လာရောက်ခဲ့တဲ့ ကမ္ဘောဒီးယား အနုပညာရှင် Sopheap Pichရဲ့ လက်ရာကိုလည်း ပြန်လည်ပြသထားမှာပါ။

‘Materials of Life’ စီမံကိန်းရဲ့ အစိတ်အပိုင်းတစ်ခုဖြစ်တဲ့ ယခုပြပွဲကို Goethe-Institut မြန်မာရဲ့ ပြပွဲခန်းမမှာ အောက်ပါ အစီအစဉ်များအတိုင်း ပြုလုပ်ကျင်းပသွားမှာ ဖြစ်ပါတယ်။

ပြပွဲအစီအစဉ်
၂၀၂၄၊ ဩဂုတ်လ ၂ ရက် - ဩဂုတ်လ ၁၀ ရက်
မနက် ၁၀ နာရီ - ညနေ ၅ နာရီ

အနုပညာရှင် စကားဝိုင်း
၂၀၂၄၊ ဩဂုတ်လ ၁၀ ရက် (စနေနေ့)
ညနေ ၄ နာရီ - ၆ နာရီ
(စကားဝိုင်းကို အင်္ဂလိပ်၊ မြန်မာ (၂)ဘာသာဖြင့် ပြုလုပ်သွားမှာဖြစ်ပြီး သက်ဆိုင်ရာဘာသာပြန်အနှစ်ချုပ်ကို မျှဝေပေးမှာဖြစ်ပါတယ်။)

ပါဝင်ထားသော အနုပညာရှင်များ
Kaal, Kai, Khant Aung(Citamin@), Khin Thethtar Latt, Morris John, Phyo Thamein, Soe Yu Nwe, Sopheap Pich, Thae Darli

အနုပညာအကြံပေး Kaal
တွဲဖက်ပြပွဲစီစဉ်သူ Kyaw Thu Tun

သဘာ၀တရားနဲ့ အနုပညာကြားထဲက သိမ်မွေ့နက်နဲတဲ့ ချိတ်ဆက်မှုကို ခံစားမျှ၀ေနိုင်ဖို့အတွက် ပြပွဲအစီအစဉ်တွေကို လာရောက်ကြည့်ရှုဖို့ ဖိတ်ခေါ်လိုက်ရပါတယ်။

ခေတ်ပြိုင် ဂီတနှင့် အသံပိုင်းဆိုင်ရာ ခေတ်ပြိုင်စီမံကိန်းများကို အတူတကွ အကောင်အထည်ဖော်ရန် Goethe-Institut မြန်မာမှ ဖိတ်ခေါ်လိုပါသည်။ ယနေ့ ကျွန်ုပ်တို့အကြား အထူးလိုအပ်လျက်ရှိသည့် မျှ၀ေခံစားခြင်း/ကိုယ်ချင်းစာနာ ထောက်ထားခြင်းကို အခြေပြု၍ ဖြစ်တည်လာသော နားလည်/နားထောင်ပေးနိုင်မှု၊ ထိုအရာတို့ကို ဖော်ပြစွမ်းနိုင်သော အပြုအမူ/တုံ့ပြန်မှု နှင့် ထပ်ဆင့်ဖြန့်ကျက်မျှ၀ေနိုင်မှုတို့ (တစ်ခု သို့မဟုတ် တစ်ခုထက်ပိုသော) အပေါ် အခြေခံတည်ဆောက်ထားသည့် စီမံကိန်းပုံစံကို ဦးတည်လုပ်ဆောင်သွားရန် ရည်ရွယ်ပါသည်။ ယခုစီမံကိန်းတွင် ပါ၀င်နိုင်ရန် မြန်မာနိုင်ငံ၊ အရှေ့တောင်အာရှ နှင့် ဂျာမနီ အပါအ၀င် ကမ္ဘ့နိုင်ငံ အနှံ့အပြားတွင်ရှိကြသော မြန်မာလူမျိုး ဂီတနှင့်အသံပိုင်းဆိုင်ရာပညာရှင်များ၊ ထူးချွန်သူလူငယ်များ (အထူးသဖြင့်) မတူညီသော နောက်ခံ/အကြောင်းအရာအမျိုးမျိုး နှင့် ဒေသအသီးသီး၊ လူမျိုး/ဘာသာစကားအသီးသီးမှသူများကို ဖိတ်ခေါ်လိုပါသည်။ ဂီတ နှင့် အသံကို အခြေပြု၍ အခြားသော အနုပညာပုံစံအသီးသီးတို့ဖြင့် ပေါင်းစပ်တင်ဆက်သည့် စီမံကိန်းများအားလည်း ကြိုဆိုပါသည်။ စီမံကိန်းလျှောက်လွှာပြင်ဆင်ခြင်းဆိုင်ရာ အသေးစိတ်အချက်အလက်များအား ယခု link https://www.goethe.de/ins/mm/my/kul/sup/soc.html မှ တစ်ဆင့် ၀င်ရောက်ကြည့်ရှုနိုင်ပါသည်။

AoC Open House
၂၀၂၄ ခုနှစ် ဇူလိုင်လ ၁၀ ရက်နေ့တွင် AoC Open Houseကို ကျင်းပခဲ့ပါတယ်။ သင်တန်းသားများက သူတို့ရဲ့ နှစ်လတာအတွင်း သင်ယူမှုအတွေ့အကြုံ များ တိုးတက်မှုနှင့် အတွေ့အကြုံများကို တင်ပြခဲ့ကြပါတယ်။ တက်ရောက်ခဲ့ကြတဲ့ ဧည့်သည်များအနေနဲ့လည်း သင်တန်းသားများ ဦးဆောင်ခဲ့ကြတဲ့ ကုထုံးဆိုင်ရာ လှုပ်ရှားမှုများတွင် ပါဝင်ကြခဲ့ပြီး အနုပညာ၊ ဂီတနှင့် ဒရာမာကုထုံးနည်းပညာတို့ရဲ့ အကျိုးသက်ရောက်မှုရှိပုံတို့ကို ကိုယ်တိုင်ကြုံတွေ့ ခဲ့ကြရပါတယ်။

Cohort 2 သင်တန်းပြီးမြောက်ခြင်း
၂၀၂၄ ခုနှစ် ဇူလိုင်လ ၁၁ ရက်နေ့တွင် Cohort 2 ကို အောင်မြင်စွာ အဆုံးသတ်ခဲ့ပါတယ်။ ၂၀၂၄ ခုနှစ် မေလ ၁၃ ရက်နေ့မှ စတင်ခဲ့သော သင်တန်းကို အောင်မြင်ပြီးဆုံးအောင် တက်ရောက်နိုင်ခဲ့သော ပါဝင်သူ ၁၃ ဦးစလုံးအား သင်တန်းပြီးဆုံးကြောင်း လက်မှတ်များကို အသိအမှတ်ပြုပေးအပ်ခဲ့ပါတယ်။

AoC Cohort 3 Open Call
လျှောက်လွှာများကို လာမည့် Cohort 3အတွက် လက်ခံနေပါပြီဖြစ်ပါတယ်။ သင်တန်းသားခေါ်ဆိုမှုအကြောင်း အသေးစိတ်ကို အောက်ပါဝက်ဆိုက်လင့်မှာ သွားရောက်လေ့လာနိုင်ပါတယ်။ 
https://www.goethe.de/ins/mm/my/kul/sup/aoc.html
 

အရင်ခေတ်များက ကာလာဓာတ်ပုံတွေကို မရိုက်သေးနိုင်သောကြောင့် သို့မဟုတ် ရိုက်ရန် စျေးကြီးလွန်းသောကြောင့် ဓာတ်ပုံများကို လက်ဖြင့်ဆေးရောင်ခြယ်ပြီး ကာလာဓာတ်ပုံဖြစ်ရန် ဖန်တီးခဲ့ကြပါသည်။ နည်းပညာထွန်းကားလာသည်အမျှ ထိုကဲ့သို့ ဖန်တီးခဲ့သော ဓလေ့မှာ ပျောက်ကွယ်သွားခဲ့ပါသည်။ ထိုဓလေ့ကို ပြန်လည်အမှတ်ရစေဖို့နှင့် ကာလာသီအိုရီကို နားလည်စေရန်အတွက် မြန်မာ့ဓာတ်ပုံမော်ကွန်း နှင့် စုတ်တံစတူဒီယို အဖွဲ့သားများ ပူးပေါင်းပြီး အသက် ၁၁ နှစ်မှ ၁၅ နှစ် ထိ ကလေးများအတွက် "Colour Your World: Hand Colouring & Colour Theory Workshop ကို Goethe-Institut Myanmar Library မှာ ဇူလိုင်လ ၁၃ ရက် စနေနေ့က ကျင်းပပြုလုပ်ခဲ့ပါသည်။ ထိုပွဲမှာ ကလေး ၁၆ ယောက်စာရင်းသွင်းကာ တက်ကြွစွာပါ၀င်ခဲ့ကြပြီး သူတို့၏ ဖန်တီးနိုင်စွမ်းများကို ချပြရေးဆွဲခဲ့ကြပါသည်။ Hand Colouringနဲ့ ပက်သက်တဲ့ အခြား စိတ်ဝင်စားစရာ အစီအစဉ်များပြုလုပ်သွားရန် ရှိသောကြောင့် Goethe-Institut Myanmar နှင့် မြန်မာ့ဓာတ်ပုံမော်ကွန်းရဲ့ လူမှုကွန်ယက် စာမျက်နှာများတွင် ဆက်လက်စောင့်ကြည့်နိုင်ပါသည်။

Hand Colouring Book ထွက်ရှိလို့ လာပါပြီ။ ဘယ်လိုစာအုပ်မျိုးလဲဆိုရင်တော့ နာမည်နဲ့လိုက်အောင် အရောင်စုံဓာတ်ပုံတွေ မြိုင်မြိုင်ဆိုင်ဆိုင်ပါဝင်ပြီး အိတ်ဆောင်အရွယ် သေးငယ်ပြီး ချစ်စရာကောင်းတဲ့ စာအုပ်တစ်အုပ်ပါပဲ။ စာအုပ်အပြင်ဘက်မှာ အသည်းပုံစံ ဖောက်ထုတ်ထားတဲ့ အဖုံးပါ၀င်ပြီး အတွင်းမှာတော့ ဘာဂျာခေါက်ပုံစံဖြင့် အရောင်အသွေး စုံလင်လှပတဲ့ အရင်ခေတ်များက အသေးစိတ်ခြယ်သရေးဆွဲခဲ့ကြတဲ့ ဓာတ်ပုံများကို မြင်တွေ့ရမှာ ဖြစ်ပါတယ်။ အနောက်ဘက်မှာတော့ နည်းမျိုးစုံ၊ မီဒီယံမျိုးစုံနဲ့ ခြယ်သနိုင်တဲ့ နည်းလမ်းတွေအပြင် Hand Colouring ရာဇ၀င်အကြောင်း အကျဥ်းချုပ်ကို ပါလေ့လာဖတ်ရှုနိုင်မှာဖြစ်ပါတယ်။ ဒီလို စိတ်၀င်စားစရာ ချစ်စရာကောင်းတဲ့ စာအုပ်ကို Yangon Book Plaza နဲ့ Myanmar Photo Archiveမှာ ၀ယ်ယူနိုင်တော့မှာဖြစ်ကြောင်း သတင်းကောင်းပါးလိုက်ပါတယ်။

ကိုယ်တိုင် မြန်မာဖောင့်တစ်ခုကို ဖန်တီးရန် စိတ်ဝင်စားသူ လူငယ်များအတွက် Talking Types မှ ဒီဇိုင်နာများနဲ့ Goethe-Institut Myanmar တို့ ပူးပေါင်းကာ Myanmar Font Making Course ကို ပြုလုပ်ထားပါတယ်။ ဒီသင်တန်းကို ရွေးချယ်ခံရသူ သင်တန်းသားများမှာ သြဂုတ်လ ၁၀ ရက်မှ စတင်ပြီး စနေနေ့တိုင်း တက်ရောက်ရမည်ဖြစ်ပြီး ၈ ပတ်ကြာမြင့်မှာဖြစ်ပါတယ်။ Goethe-Institut Myanmar တွင် လူကိုယ်တိုင် တက်ရောက်ရမည် ဖြစ်ပြီး ကိုဇင်ဘို၊ ကိုထွန်းနောင်တို့မှ ဖောင့်တစ်ခု ဒီဇိုင်းပြုလုပ်နိုင်သည်အထိ သင်ကြားပေးသွားမှာဖြစ်ပါတယ်။

♦သင်တန်းအချိန်ဇယား
ရက်စွဲ- သြဂုတ်လ ၃ ရက်မှ စက်တင်ဘာလ ၂၁ ရက်
သင်တန်းရက်- စနေနေ့တိုင်း
အချိန်- နေ့လည် ၂ နာရီမှ ၄ နာရီထိ

သင်တန်းတစ်လျှောက်တွင် သင်တန်းသားများမှာ

• Legibility, readability, stroke, နှင့် contrast ကဲ့သို့ Typography အခြေခံများ
• Typeface နှင့် ဖောင့် ကွာခြားချက်များ၊ body နှင့် display type တို့၏ ကွာခြားချက်များ
• ဖောင့်ဆော့ဖ်ဝဲအသုံးပြုပုံများ၊ metrics တည်ဆောက်ခြင်း နှင့် letter frame ဖန်တီးခြင်းများ
• မြန်မာအက္ခရာများ ဖန်တီးခြင်းများ၊ ligatures နှင့် alternatives များအကြောင်း
• Spacing နှင့် kerning အကြောင်း၊ ဖောင့်များ export လုပ်ခြင်းနှင့် ပြဿနာဖြေရှင်းခြင်းများကို လေ့လာနိုင်မည်ဖြစ်ပါတယ်။

Goethe-Institut Myanmar နှင့် Talking Type ဒီဇိုင်နာများမှာ မြန်မာဖောင့်ဒီဇိုင်းနှင့် ဒီဇိုင်နာများအကျိုးအတွက် ပူးပေါင်းလုပ်ဆောင်လျက်ရှိပါတယ်။ ထပ်မံလုပ်ဆောင်သွားမည့် အစီအစဥ်အချက်အလက်များကို Goethe-Institut Myanmar ၏ ဆိုရှယ်မီဒီယာ ပလက်ဖောင်းများနှင့် Newsletter များတွင် စောင့်ကြည့်ရယူနိုင်ပါတယ်။

မြန်မာ type ဒီဇိုင်းနှင့်ပတ်သက်ပြီး မကြာသေးခင်က ပြုလုပ်ခဲ့တဲ့ ဒီဇိုင်းပွဲ အကြောင်းမျှဝေချင်ပါတယ်။ ဇူလိုင်လ ၁၃ ရက်နေ့မှာ Goethe-Institut Myanmar နဲ့ Talking Type ဒီဇိုင်နာတို့ ပူးပေါင်းပြီး Myanmar Type Design Basics အမည်ရတဲ့ ဒီဇိုင်းပွဲတစ်ခု ကျင်းပဖြစ်ခဲ့ပါတယ်။ ပွဲကို လူ ၇၀ ကျော်တက်ရောက်ခဲ့ပြီး Talking Types မှ ဒီဇိုင်နာ ကိုဇင်ဘို၊ ကိုထွန်းနောင် နဲ့ ကိုထက်တို့ ဦးဆောင် ဆွေးနွေးခဲ့ကြပါတယ်။

Myanmar Typography နှင့်ပတ်သက်တဲ့ အခြေခံနဲ့စနစ်တွေအကြောင်းကို ကိုဇင်ဘိုမှ မျှဝေခဲ့ပြီး၊ ကိုထွန်းနောင်မှ ဖောင့်ဖန်တီးမှုများနဲ့ ရင်းနီးကြစေဖို့အတွက် Type ဒီဇိုင်းအချို့ကို လက်တွေ့ရေးဆွဲပြခဲ့ပါတယ်။ ကိုထက်မှလည်း မြန်မာဖောင့်နဲ့ ပတ်သက်တဲ့ အဆင်မပြေမှုတွေ၊ သတိထားရမယ့် အချက်တွေ၊ ဒီဇိုင်းပြုလုပ်လာရာတွင် ထည့်သွင်းစဥ်းစားရတဲ့ အမြင်ပိုင်းဆိုင်ရာ ချိန်ညှိမှုအကြောင်းတွေကို အကျယ်တဝင့် ပြောပြခဲ့ပါတယ်။ တက်ရောက်သူများမှ ပြန်လည်ဆွေးနွေး မေးမြန်းခဲ့ကြပြီး ညနေခင်းမှာ အောင်အောင်မြင်မြင် ပြီးဆုံးခဲ့ပါတယ်။

Myanmar Type Design Basics ပွဲကို တက်ရောက်ခဲ့သူများ၊ ဒီဇိုင်နာ ကိုဇင်ဘို၊ ကိုထွန်းနောင်၊ ကိုထက်၊ ပွဲဖြစ်မြောက်ရေးအတွက် အဖက်ဖက်မှ ပါဝင်ပေးခဲ့ကြသူတိုင်းကို ကျေးဇူးတင်ပါတယ်။ Goethe-Institut Myanmar နှင့် Talking Type ဒီဇိုင်နာများမှာ မြန်မာဖောင့် ဒီဇိုင်းနဲ့ ဒီဇိုင်နာများ အကျိုးအတွက် ပူးပေါင်းလုပ်ဆောင်လျှက်ရှိပါတယ်။ ထပ်မံလုပ်ဆောင်သွားမည့် အစီအစဉ် အချက်အလက် များကို Goethe-Institut Myanmar ရဲ့ ဆိုရှယ်မီဒီယာပလက်ဖောင်းများနဲ့ Newsletter များတွင် စောင့်ကြည့်ရယူနိုင်ပါတယ်။

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။ ကျွန်ုပ်တို့၏ဂျာမန်ဘာသာစကားသင်တန်းများကို ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့် (၆)ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည်  နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက ဩဂုတ်လ အတွက်  ( Online , In-person ) ဂျာမန်ဘာသာစကားသင်တန်းများဖွင့်လှစ်လျက်ရှိပါသည်။ စာရင်းပေးသွင်းရမည့်ကာလမှာ ၂၉.၀၇.၂၀၂၄ မှ ၀၉.၀၈.၂၀၂၄ အထိဖြစ်ပြီး စုံစမ်းမေးမြန်းလိုသည်များရှိပါက info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုသောအောင်လက်မှတ်တစ်ခုလိုအပ်နေပါသလား။?

Goethe-Institut ၏ဘာသာစကားအောင်လက်မှတ်သည် ဂျာမန်ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက ဩဂုတ်လ အတွက် Goethe-Zertifikat စာမေးပွဲများကိုကျင်းပမည်ဖြစ်ပါသည်။ စာရင်းသွင်းကာလမှာ ၁၂.၀၈.၂၀၂၄ မှ ၁၉.၀၈.၂၀၂၄  ဖြစ်သည့်အတွက် ယခုပဲအချိန်စာရင်းကိုကြည့်ပြီး info.language.mmr@goethe.de ကိုအီးမေးလ်ပို့ပြီး စာရင်းပေးသွင်းနိုင်ပါပြီ။

စာကြည့်တိုက်ရှိ ကလေးနှင့်လူငယ်အစီအစဉ်မှ ကြိုဆိုပါတယ်! ကျွန်ုပ်တို့ရဲ့ လာမည့် activity လေးကတော့  "Quilling Art Workshop for Kids‘’ ဖြစ်ပြီး၊ အသက် ၈ နှစ်မှ ၁၅ နှစ်အရွယ် သားသားမီးမီးများ ပါ၀င်နိုင်မှာ ဖြစ်ပါတယ်။

Quilling Art သည် အလှဆင်ရေး ဒီဇိုင်းများ ကို စက္ကူချပ်ပါးပါးများဖြင့် ပုံစံမျိုးစုံအသုံးပြုကာ ဖန်တီးရသည့် အနုပညာပုံစံတစ်ခု ဖြစ်ပါတယ်။ ယခု ပြုလုပ်တဲ့ Activity လေး မှာတော့ လူငယ်လက်မှုဝါသနာရှင်တွေဟာ စက္ကူဖြင့်အနုပညာဖန်တီးခြင်း ကို စူးစမ်းလေ့လာနိုင်မှာဖြစ်ပြီး လက်လုပ်ကတ်များ၊ bookmark များနှင့် ရောင်စုံစက္ကူချပ်များပါသည့် keychain များကဲ့သို့ လှပသောဒီဇိုင်းများကို ပုံဖော်ဖန်တီးသွားနိုင်မှာ ဖြစ်ပါတယ်။

ဝင်ကြေးအခမဲ့ဖြစ်ပြီး၊ လူဦးရေကန့်သတ်ထားတာမို့ စာရင်းပေးသွင်းချင်တယ်ဆိုရင်တော့ -  ♦အမည်  ♦အသက်  ♦ဖုန်းနံပါတ် တို့ကို စာကြည့်တိုက်ဖွင့်ချိန်အတွင်း  biblio-yangon@goethe.de မှတစ်ဆင့် စာရင်းပေးသွင်းနိုင်ပါပြီ။   

ဂျာမန်ဘာသာစကား သင်ယူနေတဲ့သူတွေ စာဖတ်စွမ်းရည် တိုးတက်လာစေရန်နှင့် စကားလုံးဝေါဟာရများ ပိုကြွယ်၀လာစေရန်  လစဥ်ကျင်းပပြုလုပ်တဲ့ “Reading Club/Leseclub’’လေး ရောက်ရှိလို့လာပါပြီ။

ဒီလရဲ့ အစီအစဥ်လေးက B1 Level အတွက်ဖြစ်ပြီး  ဆရာမနဲ့အတူတူ (၂) ချိန်စလုံး စာအုပ်တစ်အုပ်တည်းကို ဖတ်ကြမှာဖြစ်ပါတယ်။ ဒါကြောင့်  (၂) ရက်စလုံး ပါ၀င်ပေးနိုင်မှသာ ထိရောက်တဲ့ စာဖတ်ခြင်း အလေ့အထကောင်းကို ပိုင်ဆိုင်နိုင်မှာဖြစ်ပါတယ်။  

ဒါဆို ၀ါသနာတူသူငယ်ချင်းတွေနဲ့စာတူတူဖတ်ကြရင်း အတွေးအမြင်လေးတွေ ဝေမျှဖို့  ဖိတ်ခေါ်ပါရစေနော်။ စိတ်၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊  ဖုန်းနံပါတ်၊ မိမိရဲ့ ဂျာမန် level
ကိုအီးမေးလ်ပေးပို့ပြီး စာရင်းပေးသွင်းနိုင်ပါတယ်။

"Learning Advisory" Programလို့ ခေါ်တဲ့ "Lernberatung" အစီအစဉ်မှာ သင့်ရဲ့ ဂျာမန်စာလေ့လာမှုနဲ့ ပတ်သက်ပြီး ရင်ဆိုင်နေရတဲ့ အခက်အခဲတွေ၊ ပြဿနာတွေကို Goethe-Institut Myanmar မှ ဆရာ/ဆရာမကနေ ဆွေးနွေးအကြံပြုပေးသွားမှာ ဖြစ်ပါတယ်။ ဒီလရဲ့ ''Lernberatung'' အစီအစဉ်ကတော့ level တိုင်း အတွက်ဖြစ်ပြီး ဂျာမန်ဘာသာစကား လေ့လာနေသူများအတွက် ဖတ်ရှုသင့်တဲ့ စာအုပ်တွေ၊ online resources တွေ၊ ကိုယ့် level နဲ့ ကိုက်ညီမယ့် အကြံပြုချက်တွေကို ဆွေးနွေးအကြံပြုပေးသွားမှာပဲ ဖြစ်ပါတယ်။

စာကြည့်တိုက်သို့ လူကိုယ်တိုင် မလာရောက်နိုင်သူတွေအတွက်လည်း ပါ၀င်မေးမြန်းလို့ရအောင် virtual online session ကိုလည်း ထည့်သွင်းစီစဉ်ပေးထားတာဖြစ်လို့ ဒီအစီအစဉ်လေးမှာ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊ ဖုန်းနံပါတ်၊ မိမိရဲ့ ဂျာမန် level၊ မိမိမေးလိုသည့် အကြောင်းအရာ နှင့် မိမိတက်ရောက်လိုသည့်ရက် တို့ကိုအီးမေးလ်ပေးပို့ပြီး အခုပဲ စာရင်းပေးလိုက်တော့နော်။

သောကြာနေ့မှာ ပျော်စရာနည်းလမ်းတွေနဲ့ အချိန်ဖြုန်းဖို့ စိတ်ကူးရှိပါသလား။ ဒါဆိုရင်တော့ ကျွန်ုပ်တို့ စာကြည့်တိုက်၏ လစဥ်ကျင်းပတဲ့ Board Game Friday ကိုသာ သတိရလိုက်ပါ။ ဒီလမှာတော့ တစ်ချိန်က ရင်ခုန်စိတ်လှုပ်ရှားစွာ သူငယ်ချင်းတွေနဲ့  ဆော့ခဲ့ကြတဲ့ Bingo ဂိမ်းကို ဂျာမန်စတိုင်နဲ့ ပြန်လည်အသက်သွင်းကြမှာ ဖြစ်ပါတယ်။ ပုံမှန်ကစားနည်းအတိုင်း ပုံလေးနဲ့ စာလေးတွဲပြီးဆော့ရမှာ ဖြစ်ပါတယ်။ German language level – A1.2 ကနေ စဆော့လို့ရပြီး ဆရာမနှင့်အတူ စကားလုံးဝေါဟာရအသစ်တွေနဲ့ Pronunciation ကိုလည်း  လေ့လာခွင့်ရနိုင်ပါတယ်။ ဒါဆို  ၂၃ ဩဂုတ်, Super Friday မှာ ဘယ်သူက “Yay, ငါ Bingo သွားပြီ” လို့ အရင် ပြောမလဲဆိုတာ သိရအောင် စာြကည့်တိုက်မှာ ဆုံကြမယ်နော်။

စိတ်ပါ၀င်စားသူများအနေဖြင့် biblio-yangon@goethe.de သို့မဟုတ် 01 9376160 (ext. 301/302) ကို စာကြည့်တိုက်ဖွင့်ချိန်အတွင်း ကြိုတင်စာရင်းပေး ဆက်သွယ်နိုင်ပါတယ်။ သူငယ်ချင်းတွေစုပြီး စာတူတူလေ့လာရင်း ပျော်စရာအမှတ်ရစရာ နေ့လေးကို ကျွန်ုပ်တို့ဆီမှာ Board Game ဆော့ရင်း ဖန်တီးလိုက်ပါ။

Zoë Beck, Elke Heidenreich, Paula Irmschler, Michael Köhlmeier, Walter Moers, und Martin Suter တို့ရဲ့ လက်ရာများအပါအ၀င် အခြားသောမီဒီယာအသစ်များ ကျွန်ုပ်တို့ရဲ့ ဂျာမန်အွန်လိုင်းစာကြည့်တိုက် “ONLEIHE” တွင် ရောက်ရှိနေပြီ ဖြစ်ကြောင်း သတင်းကောင်းလေး ပေးချင်ပါတယ်။ အခုပဲ ကျွန်ုပ်တို့ရဲ့ “ONLEIHE” မှာ အခမဲ့ငှားရမ်းဖတ်ရှုလိုက်ပါ။