Tā mātou ariā ako
whakatutuki whāinga, ara mārama, mahinga rerekē
Ko te akoako ki te rōpū Goethe-Institut ehara ko te ako reo noa iho, engari anō ko te ako hoki i te ahurea. Mā te tūtaki kanohi ki te kanohi me te whakamātautau whakatau e mārama ai ki tō mōhiotanga. Ka āwhina mātou ki te whiriwhiri i te akoranga tika. Rapua he kōrero anō mō te ako reo Tiamana ki te rōpū Goethe-Institut.
Ā mātou akoranga
- e hāngai ana ki ngā mātauranga hou rawa o te rangahau whakaakoranga me te akoranga.
- he rerekē he whakawhitiwhiti hoki. Ka parakatihi ki te kōrero ā-waha, ki te whakarongo, ki te pānui, ki te tuhituhi hoki anō nei he tūturu tae atu ki ngā tuhinga tūturu.
- e hāngai ana ki ngā kaupapa o te wā me ngā kaupapa tikanga ā-iwi. Mā ngā kaupapa ahurea ā-rohe, mahinga kaupapa rangahau (ā-ipurangi hoki) e whai ētahi wāhi maha hei whai ake i te kaupapa ahurea kōrero Tiamana.
- Ko te reo whakaako tonu ko te reo Tiamana mai i te akoranga tuatahi.
- Ko tā mātou Papa akoranga e tuku wāhi ana hei akoranga hou hei akoranga ngāwari.
Ko tā mātou ara akoranga
- ka hāngai ki ngā pae e ono o te Taumata Anga Reo Ūropi. Mā tēnei e taea ai te whakawā ngātahi huri noa i te ao i ngā pūkenga reo ka riro mai i ō mātou akoranga.
- he rite tonu he mārama hoki huri noa i te ao. Kia oti ake he akoranga e āhei koe te ako ngāwari tonu – ki tō ake rohe, ki Tiamana rānei, ā-ipurangi rānei.
Ko ō mātou kaiako
- he mea whakangungu mō te whakaako reo Tiamana hei reo rāwaho. Hei kaupapa mō tēnei mahi ka whāia te hōtaka pūkenga nei DLL – Deutsch Lehren Lernen, nā ngā kaimahi pūkenga o te rōpū Goethe-Institut ngātahi ko ngā māngai pūtaiao i waihanga.
- ka kōrero Tiamana hei reo tuatahi, hei reo tino matatau rānei.
- e mātau ana ki te mahi tahi ki ngā iwi me ngā ahurea o whenua rerekē.
- ka rite tonu te whakangungu, e mārama ai ki ngā putanga hou o te whakaako reo Tiamana hei reo rāwaho.
- ka rite tonu te whakaatu i a koe ki ō ekenga reo, me te tohutohu atu hoki me pēhea e eke tonu ai.
Ā mātou whakamātautau reo Tiamana
- He whai mana ā mātou whakamātautau huri noa te ao hei tohu hoki ki te hunga tuku mahi, me ngā whare akoako.
- Katoa ngā whakamātautau a te rōpū Goethe-Institut mō te hunga pakeke i arotakehia e te Rōpū Kaiwhakamātautau Reo o Ūropi (ALTE), ā, kua whakawhiwhia ki te tohu whai hua o Q-Mark.
Ka whai hua te ako mai i a mātou
- Ka mātau ki ētahi āhua katoa o Tiamana. Mehemea ka rēhita koe ki tētahi akoranga reo Tiamana ki te rōpū Goethe-Institut, ka āhei hoki koe ki ō mātou whare pukapuka me ā mātou rauemi pāpāho, ka āhei atu hoki kia uru ki ā mātou kaupapa ahurea huhua noa.
- Mahia mai tā mātou ratonga kore utu Deutsch für dich, he mahinga he wāhi whakawhitiwhiti hoki. Kei tēnei hapori ako reo Tiamana ko ētahi rauemi akoako tauwhitiwhiti katoa me ngā mahinga, ka kōrero hoki koe ki ētahi atu mema.