Whakamārama anō

Whakahokia ki te Goethe-Zertifikat B1

E mau tō tohu: ngā wāhanga mahi

Kei te whakamātautau Goethe-Zertifikat B1 he wāhanga mahi pānui, whakarongo, tuhituhi, kōrero anō hoki. Ka mahi takiruahia te wāhanga mahi kōrero o te whakamātautau. Ka rite tonu te whakahaere me te arotake i te whakamātautau puta noa i te ao.

Ka mahi ngātahitia rānei motuhakehia rānei ngā wāhanga mahi e whā, ka rite hoki ngā tiwhikete motuhake e whā mō ia wāhanga mahi motuhake ki te tiwhikete matua kotahi mō te katoa.

Ka mōhiotia te ingoa o te whakamātautau nei ko te Goethe-Zertifikat B1 koia rānei ÖSD-Zertifikat B1, i mahi ngātahitia e te rōpū Goethe-Institut rātou ko te whare wānanga o Fribourg i Huiterangi ko te ÖSD, ka whakaheretia hoki puta noa i te ao.
 

Pānui

Ka tonoa koe ki te pānui i ngā tuhinga poto ipurangi, ngā īmēra, ngā tuhinga nūpepa, ngā pānui hokohoko, ngā tuhinga tohutohu hoki ka tohu ai i ngā kōrero matua kei roto, tae atu ki ngā momo tirohanga rerekē me ngā whakaaro rerekē o te tangata.

Te roa: 65 meneti

Tuhituhi

Ka tonoa koe ki te tuhi īmēra ki te tuhi reta hoki mō te tangata, mō ngā mahi hoki ka tuhituhi kōrero ā-ipurangi hoki e whakaatu ana i ō whakaaro.

Te roa: 60 meneti

Whakarongo

Ka tonoa koe ki te whakarongo pānui, whakaaturanga poto, kōrero paki, me ngā kōrero reo irirangi ka tohu ai i ngā kōrero matua me ngā kōrero whakamārama.

Te roa: 40 meneti

Kōrero

Ka tonoa koe ki te kōrero ki tō hoa mahi mō tētahi kōrero noa o ia rā, pēnei me te haereere. Kei tēnei kōrero, ka whakautu pātai, ka whakaputa i ō whakaaro ka tohutohu ai. Ka meatia hoki koe ki te whakaatu kōrero mō tētahi kaupapa o ia rā me te whakautu pātai mō taua kaupapa.

Te roa: āhua 15 meneti

Ngā Whakaritenga

Ko te Goethe-Zertifikat B1 he whakamātautau reo Tiamana mō te rangatahi me te pakeke.

E tuwhera ana ngā whakamātautau a te rōpū Goethe-Institut ki ngā tāngata katoa ahakoa te pakeketanga ahakoa te iwi.
 
  • Kia neke atu i te 12 tau rawa te pakeke ka pai hei mahi i te whakamātautau Goethe-Zertifikat B1 mō te rangatahi.
  • Kia neke atu i te 16 tau rawa te pakeke ka pai hei mahi i te whakamātautau Goethe-Zertifikat B1 mō te pakeke.
  • Hei mahi i te whakamātautau Goethe-Zertifikat B1, me eke ngā pūkenga reo Tiamana o ngā kaitono ki te taumata tuatoru (B1) o te Taumata Anga Reo Ūropi  (CEFR).
  • Kia eke ki tēnei taumata, te tikanga kua oti kē i te kaitono tōna 350 ki te 650 ngā akoranga motuhake e 45 meneti ia mea, ā, kei te āhua tonu hoki o tōna mātauranga o mua atu me ngā mea hei akoakoranga.