Whakamārama anō

Ngā wāhanga mahinga

Kei te whakamātautau tiwhikete Goethe-Zertifikat B2 he wāhanga mahi pānui, whakarongo, tuhituhi me te kōrero (ka mahi takiruahia te wāhanga kōrero).
He mea mahi ā-rorohiko, ā-pepa rānei te whakamātautau ki ētahi pūtahi i āta whiriwhiria. He rite tonu ngā taumata whakahaere me te arotake puta noa i te ao.

Pānui

Ka tonoa koe kia pānui i ētahi tuhinga katoa, pēnei i te pōhi ipurangi, te nūpepa me ngā tuhinga puka mōheni, he tuhinga kōrero noa me te tuhinga tohutohu. Me whakarāpopoto e koe ngā tino kōrero o roto, ngā whakaaro o roto, ngā whakaaro o ngā tāngata me ngā ture.

Te roa: 65 meneti

Tuhituhi

Ka tonoa koe kia whakaatu mai i ō whakaaro me ōna takenga mō tētahi kaupapa o te wā ki roto i tētahi pōhi ipurangi. Ka tuhia hoki e koe he kōrero ōkawa e puta ake i ngā mahi pūkenga.

Te roa: 75 meneti

Whakarongo

Ka tonoa koe ki te whakarongo uiui, whakaaturanga, kōrero ā-waha o ia rā, tae atu ki ngā pāpāhotanga reo irirangi. Me whakarāpopoto e koe ngā tino kōrero o roto.

Te roa: tōna 40 meneti

Kōrero

Me whakaatu e koe he whakaaturanga poto mō tētahi kaupapa i āta tohua ka kōrerohia ai tēnā ki tō hoa kōrero. Me tautohetohe hoki e kōrua ngā takenga o ētahi kōrero.

Te roa: 15 meneti

Ngā Whakaritenga

Ko te tiwhikete Goethe-Zertifikat B2 he whakamātautau reo Tiamana mā te rangatahi me te pakeke.

E tūwhera ana ngā whakamātautau a te rōpū Goethe-Institut ki ngā tāngata katoa. Ka āhei ngā kaitono katoa ki te mahi i te whakamātautau ahakoa te iti o ōna tau ahakoa nō Tiamana rānei.

Ko te whakahau kia 15 tau e mahia ai te whakamātautau Goethe-Zertifikat B2 mā te rangatahi.
Ko te whakahau kia 16 tau e mahia ai te whakamātautau Goethe-Zertifikat B2 mā te pakeke.
Hei mahi i te whakamātautau Goethe-Zertifikat B2, me eke ngā pūkenga reo Tiamana o ngā kaitono ki te taumata tuawhā (B2) o te Taumata Anga Reo Ūropi (CEFR).
Kia eke ki tēnei taumata, kua oti i te kaitono te whakaako e 600 ki te 800 ngā akoranga e 45 meneti te roa, i runga anō i te āhua o tōna matatau me ōna akoranga.