He mea tuhi ngā mahinga nei e te hunga hunga pūkenga e mātau ana ki te whakaako me te whakamātautau kātahi ka ētitahia whakamutunga ki ō mātou tari matua ki Mūniki. Hei mua i te whakuru ki ngā whakamātautau tuturu, ka whakamātauhia ngā mahinga nei e rite ana ki te whakamātautau tuturu kātahi ka arotakehia ngā whakataunga mō te kounga me te rahinga. Tērā anō ngā whakangungutanga mō ngā kaiwhakamātautau mā te heminā ki ō mātou tari matua me ō ngā rohe.
Ngā tohu o te kounga:
Tikanga
Me tika tonu ngā whakamātautau mō te katoa, ahakoa wahine mai tāne mai, iwi mai, hauā mai rānei.
Whaimana
Me aro ko ngā pūkenga reo anake i ngā whakamātautau nei kaua ko te kaha hinengaro, te koi, te mātau rānei ki te ao.
Ōritetanga
Kia ōrite ai te taumata tokorua kē ngā kaiwhakahaere whakamātautau hei māka i ia whakamātautau.
Whaitaketanga
Ka pau ō mātou kaha ki te whakapai ake i ō mātou whakamātautau mā te whakatika haere i te roa o te whakamātautau, te whakamahi hangarau hou, me te whakarite kia tika ake ai te āhuatanga whānui mō ngā whakamātautau.
Whakaritenga taumata kounga:
Hei mema tuatahi nō te Rōpū Kaiwhakamātautau Reo o Ūropi (
ALTE) e whakatairanga ana mātou ki te whakawhanake me te whakatinana i ngā taumata kounga.
Kua whakatakotohia e ALTE ōna whāinga nei:
- te whakarite taumata pūkenga hei whakatairanga i te whai mana o te ao o ngā tiwhikete reo ki Ūropi;
- te whakarite taumata kounga mō ngā mahi katoa o te waihanga me te mahinga whakamātautau, arā te waihanga me te tuhi i te whakamātautau, te whakahaere i te whakamātautau, te whakawā, te tiwhikete, te arotake me te pupuri ā-rorohiko;
- he uru kaupapa mahi ngātahi me te whakawhitiwhiti mātauranga pūkenga.
I te tau 2003, ka whakaurua te ALTE ki te Kaunihera o Ūropi hei rōpū manatū motuhake (NGO) kua noho hoki hei kaitohutohu kaupapa pēnei i te arotake whakatutukinga mahi me te tiwhiketetanga. I te tau 2006, ka whakamanahia te tūranga pou kōrero motuhake o ALTE ki te Rūnanga o te Ao.
