Whakamārama anō

Whakahokia ki te TestDaF

Aratakinga: ngā wāhanga whakamātautau

Ko te whakamātautau TestDaF e whā ōna wāhanga i mahia hei taumata e te pokapū ka arotakehia hoki e te pokapū. Ka arotakehia motuhakehia ō pūkenga reo mō te pānui, mō te whakarongo, mō te tuhituhi, mō te kōrero hoki ka whakatauhia ō tatauranga, ka whakawhiwhia koe ki tētahi o ngā taumata TestDaF (TDN) e toru, arā ko te 3, ko te 4, ko te 5 rānei.
 

Māramatanga pānui

  • Ka tonoa koe ki te pānui i ētahi tuhinga poto mō te ao whare wānanga o ia rā, pēnei i te wāhanga o te whakatairanga whare wānanga, he kaupapa mahi e heke mai ana, he mātārere, ka whiriwhiri ai i ngā tuhinga hāngai mō ia mahinga.
  • Ka pānui tuhinga pāpāho koe (tōna 450-550 kupu) mō tētahi kaupapa pūtaiao, kaupapa tōrangapū ā-iwi ranei ka whiriwhiri whakautu pātai mō taua tuhinga.
  • Ka tonoa koe ki te aronui ki tētahi tuhinga reo whare wānanga (tōna 550-650 kupu) mai i tētahi tuhinga pūkenga, tuhinga whare wānanga rānei ka tohu ai i te tika i te hē rānei o ngā kīanga kei roto koia rānei kua kore kē he whakamārama mō aua kīanga.
Te roa: 60 meneti

Māramatanga whakarongo

  • Ka tonoa koe ki te whakarongo kōrero poto mō te ao whare wānanga o ia rā, pēnei i te kōrero tahi a ngā ākonga tokorua, ka tuhituhi whakaaro hoki i taua wā tonu mō ngā pātai i pātaia.
  • Ka whai koe i tētahi uiuitanga i tētahi kōrero rānei mō tētahi kaupapa whare wānanga whānui rānei, kaupapa hāngai akoranga rānei ka whakatau hoki i taua wā tonu i te tika i te hē rānei o ngā kōrero mō taua rēkoatanga oro.
  • Ka tonoa koe ki te whakarongo whakaaturanga, ki te whakarongo rānei ki te uiuitanga o te pūkenga, ka whakautu poto hoki i ngā pātai hāngai ki ngā kaupapa matua kei roto.
Te roa: āhua 40 meneti

Whakaaturanga tuhituhi

  • Ka hoatu he kaupapa, he pātai ārahi, he tatauranga hoki hei āwhina i a koe ki te mahi tuhinga roa.
  • Me whakaputa whakaaro koe mō taua kaupapa me ngā take i pērā ai.
Te roa: 60 meneti

ā-Waha (whakamātautau ā-rorohiko)

  • E whitu ngā mahi ka hoatu mō ngā āhuatanga e pā mai pea i a koe i tētahi whare wānanga o Tiamana.
  • Ka tonoa koe ki te rapu kōrero, ki te whakamārama i ngā pikitia me ngā whakaahua ka whakarāpopoto mai i ngā kōrero kei roto. Me whakaatu ō whakaaro me ōna take, ka hoatu tohutohu, ka arotake i ngā whakaaro rerekē ka hanga whakaaro hou hei whakamātau.
Te roa: āhua 35 meneti

Ngā Whakaritenga

Ko te TestDaF he whakamātautau e tohu ai i te mātau o te kaitono hei ākonga ki tētahi whare wānanga, whare ako teitei rānei o Tiamana. Ko tōna tino take hei whakamātautau mō te akonga e uru mai ai ki te mahi akoako otirā hei tohu whai mana ki puta noa i te ao e eke ana tō mātauranga reo Tiamana ki te taumata e tika ai mō te kaupapa mahi pūtaiao, hei kaimahi pūkenga rānei ki ngā whare wānanga.
  • Ka whakawehea mā te TestDaF ngā pūkenga reo o te hunga uru mai ki te taumata matatau tuawhā/tuarima (arā te B2 me te C1) i whakatakotohia ki te Taumata Anga Reo Ūropi (CEFR). Kia whakaaetia te mahinga o te whakamātautau, me eke tō mōhio o te reo Tiamana ki te taumata matatau B2.
  • Hei mua i te rēhita ki te whakamātautau, tōna tikanga kua oti kēi te kaitono te whakaako i te 700 ki te 1000 ngā akoranga e 45 meneti te roa mō te reo Tiamana. Hei aha te whakaatu tohu mai mō tō matatau ki te reo Tiamana i te wā e rēhita ana mō te whakamātautau.

Arotakenga

Kei ngā wāhanga whakamātautau nei o te pānui me te whakarongo, kotahi piro mō ia mahinga ka oti (pēnei me te whakautu i te pātai whiriwhiri i te pātai tika/hē rānei). Mā te rahi o ngā mahi ka oti e tohu mai tō taumata. Ka arotakehia ngā wāhanga whakamātautau nei o te tuhituhi me te ā-waha e te kaiwhakamātautau pūkenga nei, mā te pouaka tātari rawa e āwhina ki te arotake i ō mahi hei tohu i tō taumata. He whakamārama atu anō kei www.testdaf.de. Kei a koe mō te mahi anō i te whakamātautau.

Rēhita mai mō te whakamātautau TestDaF ināianei!

E āhei te rēhita mō te whakamātautau TestDaF nei kia eke rawa tō mātauranga reo Tiamana. Hei mua i tō mahitanga i te whakamātautau TestDaF, ka pai kia mōhio koe he aha ngā mea kei roto. E eke ai ki tēnā he pai tonu kia mahi ake i te akoranga whakangungu e whakahaeretia ana e te rōpū Goethe-Institut e ētahi atu pokapū whakamātautau rānei, tērā rānei ka mahi ā-ipurangitia te akoranga whakangungu a te rōpū Goethe-Institut. Mā ēnei akoranga ka mōhio koe ki te āhua tonu o te whakamātautau me ōna whakahaere.

E ono rawa ngā wā ia tau e taea ana te mahi ake i te whakamātautau TestDaF nei huri noa i te ao. Peka mai ki www.testdaf.de hei rēhita. He motuhake ake ngā wā ki Haina, ka mutu ka rēhita kē hoki ki te Manatū Whakamātautau Mātauranga o te Whenua.

Ko ngā kaitono hauā me wawe te whakamōhio atu ki te pokapū whakamātautau, me te whakaatu tiwhikete hauā, e tika ai te whakarite ake i ngā whakahaerenga o te whakamātautau.