ပြောင်းရွှေ့အခြေချခြင်းအဖွဲ့အစည်းများ - Addresses for refugees: refugee support networks and initiatives - Mein Weg nach Deutschland

A group of youths pose in front of the camera

ပြောင်းရွှေ့အခြေချခြင်းအဖွဲ့အစည်းတစ်ခုဆိုသည်မှာအဘယ်နည်း။ ၎င်းသည်မည်သို့လုပ်ဆောင်သနည်း။

ဂျာမနီနိုင်ငံတွင် အမျိုးမျိုးသောကွဲပြားခြားနားသည့် ပြောင်းရွှေ့အခြေချခြင်းအဖွဲ့အစည်းများရှိသည်။ ဤအဖွဲ့အစည်းများသည် အများအားဖြင့် ပြောင်းရွှေ့အခြေချနောက်ခံရှိသောသူများက ဖွဲ့စည်းတည်ထောင်ထားခြင်းဖြစ်ပြီး အဖွဲ့ဝင်အများစုမှာ ပြောင်းရွှေ့အခြေချလာကြသူများဖြစ်ကြသည်။ ပြောင်းရွှေ့အခြေချခြင်းအဖွဲ့အစည်းများသည် အမျိုးမျိုးသောကွဲပြားသည့် စိတ်ဝင်စားမှုများ၊ ကမ်းလှမ်းမှုများနှင့်ရည်ရွယ်ချက်များရှိကြသည်။ အချို့က ဂျာမနီသို့အသစ်ရောက်လာသူများကိုအကြံပေးဆွေးနွေးကာ အားပေးကူညီပေးသည်။ အခြားသောအဖွဲ့များက ဇာတိဘာသာစကားနှင့်ယဉ်ကျေးမှုကိုထိန်းသိမ်းစောင့်ရှောက်ရန် လုပ်ဆောင်ကြသည်။ အချို့အချို့သောအဖွဲ့စည်းများကမူ လူငယ်နှင့်အရွယ်ရောက်ပြီးသူများပညာရေးကို စိတ်ဝင်စားအောင်လှုံဆော်ပေးသည်။ အချို့သောပြောင်းရွှေ့အခြေချခြင်းအဖွဲ့အစည်းများသည် အလွန်စနစ်တကျဖွဲ့စည်းထားပြီး အချို့မှာ ပိုမိုလျော့ရဲသောပဏာမခြေလှမ်းနှင့်စေတနာ့ဝန်ထမ်းအဖွဲ့အစည်းများဖြစ်ကြသည်။ အဖွဲ့အတွင်း ပြောင်းရွှေ့အခြေချသူအချင်းချင်း အမျိုးမျိုးသောအကြောင်းအရာများကို အွန်လိုင်းတွင်ဆွေးနွေးဖလှယ်နိုင်သည့် အွန်လိုင်းမိတ်ဆွေအသိုင်းအဝိုင်းများလည်းရှိပါသည်။ ပြောင်းရွှေ့အခြေချခြင်းအဖွဲ့အစည်းတစ်ခုတွင် အဖွဲ့ဝင်ဖြစ်လာနိုင်သော်လည်း အဖွဲ့အစည်းအများစုတွင် အကူအညီရယူရန်အတွက် အဖွဲ့ဝင်တစ်ဦးဖြစ်ရန် မဖြစ်မနေမလိုအပ်ပါ။

ပြောင်းရွှေ့အခြေချခြင်းအဖွဲ့အစည်းတစ်ခုကို မည်သည့်အခါတွင်ကျွန်ုပ်မေးခွန်းမေးမြန်းနိုင်သနည်း။

သင်၏လိုအပ်ချက်နှင့်စိတ်ဝင်စားမှုအပေါ်မူတည်၍ အမျိုးမျိုးသောကွဲပြားခြားနားသည့် ပြောင်းရွှေ့အခြေချခြင်းအဖွဲ့အစည်းများကို မေးမြန်းနိုင်ပါသည်။

ဥပမာအားဖြင့်

ဂျာမနီနိုင်ငံသို့ရောက်ခါစဖြစ်ပြီး အစိုးရရုံးလုပ်ငန်းဆောင်တာများ၊ ဘာသာပြန်ဆိုမှု အစရှိသည့် ကနဦးအဆင့်များတွင် အကြံပေးဆွေးနွေးခြင်းနှင့်ထောက်ပံ့ကူညီမှုလိုအပ်ပါက တစ်ခါတစ်ရံ ပြောင်းရွှေ့အခြေချခြင်းအဖွဲ့အစည်းများမှလူများသည် သင်၏ဘာသာစကားကိုပြောပြီးသင့်ကိုကူညီနိုင်ပါသည်။
သင်၏ဇာတိမြေမှသူများနှင့်အဆက်အသွယ်ရှိလိုပါက ဥပမာအားဖြင့် သင်၏ဇာတိမြေမှ အထူးတလည်အားကစား သို့ အစားအစာ၊ ဂီတ သို့ ယဉ်ကျေးမှု၊ ဘာသာစကားတို့အတွက် ပြောင်းရွှေ့အခြေချခြင်းအဖွဲ့အစည်းများကို ရှာဖွေနိုင်ပါသည်။
ဂျာမန်များ၊ အခြားနိုင်ငံမှသူများနှင့် ဆွေးနွေးဖလှယ်လိုပြီး ဂျာမန်လူမှုအသိုင်းအဝိုင်းတွင် ပိုမိုပါဝင်လိုပါက။
ခွဲခြားနှိမ့်ချခြင်းနှင့်လူမျိုးရေးအရခွဲခြားမှုများနှင့်ကြုံတွေ့နေရပြီး အကူအညီလိုအပ်ပါက။
လူမှုရေးအရမညီမျှမှုနှင့် လိင်ကွဲပြားမှုအရခွဲခြားဆက်ဆံခြင်း၊ လူမျိုးရေးအရခွဲခြားဆက်ဆံခြင်းတို့ကို ဆန့်ကျင်ခြင်းကဲ့သို့သော နိုင်ငံရေးနှင့်လူမှုရေးအကြောင်းအရာများကို သင်စိတ်ဝင်စားပါက။

ပြောင်းရွှေ့အခြေချခြင်းအဖွဲ့အစည်းတစ်ခုကိုကျွန်ုပ်မည်သို့ရှာဖွေနိုင်ပါသနည်း။

ဒေသတွင်းလှုပ်ရှားနေသောပြောင်းရွှေ့အခြေချခြင်းအဖွဲ့အစည်းအကြီး၊ အငယ် အများအပြားရှိပါသည်။ သင်၏မြို့/ဒေသရှိ ပြောင်းရွှေ့အခြေချခြင်းအဖွဲ့အစည်းများ ရှိ/မရှိကိုစုံစမ်းပါ။ အင်တာနက်ပေါ်တွင်လည်း အထူးသဖြင့်လူမှုကွန်ယက်ပေါ်တွင် အွန်လိုင်းအသိုင်းအဝိုင်းကို မေးမြန်းရှာဖွေနိုင်ပါသည်။ အတူတကွပေါင်းစည်းလုပ်ဆောင်နေသောပြောင်းရွှေ့အခြေချခြင်းအဖွဲ့အစည်းများလည်းရှိပါသည်။

ဤတွင် အချို့သောပြောင်းရွှေ့အခြေချခြင်းအဖွဲ့အစည်းများနှင့်အဖွဲ့ငယ်များကို ဖော်ပြထားပါသည်။ ဤစာရင်းသည် အပြည့်အစုံမဟုတ်ပါ။

ယဉ်ကျေးမှုပေါင်းစုံဖိုရမ်(တရားဝင်စာရင်းသွင်းထားသောအဖွဲ့အစည်း)

ယဉ်ကျေးမှုပေါင်းစုံဖိုရမ်(တရားဝင်စာရင်းသွင်းထားသောအဖွဲ့အစည်း)သည် ကွဲပြားစုံလင်မှု၊ အားလုံးပါဝင်မှုနှင့်အခွင့်အရေးတန်းတူညီမျှမှုတို့ကို မြှင့်တင်ပေးသည်။ ထိုအဖွဲ့အစည်းသည် Lünen ၊ Düsseldorf ၊ Dortmund ၊ Hamm နှင့် Bergkamen တို့တွင်ရုံးခွဲများရှိသည်။ ၎င်းတို့အလုပ်၏အဓိကအလေးထားချက်များမှာ လုပ်သားများပေါင်းစည်းဝင်ဆံ့ရေး၊ ဆက်လက်ပညာသင်ကြားရေးနှင့် နိုင်ငံရေးအသိပညာပေးခြင်းနှင့်ကာကွယ်ရေးစီမံကိန်းများကဲ့သို့သော အကြံပေးဆွေးနွေးခြင်းတို့ဖြစ်ကြသည်။ ဤအဖွဲ့အစည်းသည် အလုပ်ရှာဖွေခြင်းနှင့်အလုပ်လျှောက်ခြင်းတို့တွင်ကူညီပြီး မည်သည့်အလုပ်ကသူတို့အတွက်သင့်တော်သည်ကို ရှာဖွေရာတွင်အထောက်အကူပေးသည်။ ၎င်းတွင်အကြံပေးဆွေးနွေးမှုစင်တာများစွာရှိပြီး အစိုးရရုံးများနှင့်သက်ဆိုင်သောအခက်အခဲပြဿနာများတွင်ကူညီပေးသည်။ နေ့ကလေးထိန်းကျောင်းမူကြို သို့မဟုတ် ကျောင်းနေရာကိုရှာဖွေရာတွင်အထောက်အကူပေးသည်။ သို့မဟုတ် အခြားသောပြဿနာများကိုကူညီဖြေရှင်းပေးသည်။ ထို့အပြင် ယဉ်ကျေးမှုပေါင်းစုံဖိုရမ်တရားဝင်စာရင်းသွင်းထားသောအဖွဲ့အစည်းတွင် လုပ်ငန်းပိုင်းဆိုင်ရာကျွမ်းကျင်မှုကိုမြှင့်တင်နိုင်သော (သို့) သူတို့၏ကျန်းမာရေးကိုပိုမိုကောင်းမွန်စေသော၊ တီထွင်ဖန်တီးမှုအလုပ်ရုံဆွေးနွေးပွဲများကိုတက်ရောက်နိုင်သော၊ ဂျာမန် (သို့) အခြားသောဘာသာစကားများကိုသင်ယူနိုင်သော သင်တန်းများစွာရှိပါသည်။ နောက်ဆုံးအရေးအကြီးဆုံးမှာ ဖိုရမ်တွင် ကွဲပြားစုံလင်သောလူနေမှု၊ လူမျိုးရေးခွဲခြားမှုကိုဆန့်ကျင်ခြင်း၊ နိုင်ငံရေးအရပါဝင်မှု (သို့) အစွန်းရောက်မှုကိုဆန့်ကျင်သောလှုပ်ရှားမှုများပါဝင်သော စီမံကိန်းများစွာရှိပါသည်။

www.multikulti-forum.de

A counsellor speaks in front of a group of people who can be seen sitting on chairs from behind. © Isabella Thiel / Multikulturelles Forum e.V.

ဂျာမနီရှိတူရကီဇာတိမြေအဖွဲ့အစည်းအဖွဲ့ချုပ်

ဂျာမနီရှိတူရကီဇာတိမြေအဖွဲ့အစည်းအဖွဲ့ချုပ် (FÖTED) သည် ဂျာမနီရှိတူရကီဇာတိမြေအဖွဲ့ငယ်လေးများပေါင်းစုဖွဲ့စည်းထားခြင်းဖြစ်သည်။ FÖTED သည်စတင်တည်ထောင်စဉ်ကတည်းကပင် တူရကီဇာတိမိဘများ၏စကားပြောခွက်ဖြစ်ခဲ့ပြီး နိုင်ငံတစ်ဝှမ်းအဖွဲ့ဝင်အဖွဲ့ငယ်ပေါင်း (၁၂၀) ကျော်ဖြင့် ပညာရေး၊ သင်ကြားရေးနှင့်အလုပ်အကိုင်ဖွံ့ဖြိုးရေးနယ်ပယ်များတွင် တူရကီမှလာသောကလေးများ၏အခွင့်အလမ်းကို ပိုမိုကောင်းမွန်အောင်လုပ်ဆောင်ပေးသည်။
FÖTED သည် ပြောင်းရွှေ့အချေခြသူမိဘများအသင်းအဖွဲ့များနှင့်ကနဦးအဖွဲ့အစည်းများ၏နိုင်ငံတစ်ဝှမ်းကွန်ယက်အတွက် ပညာရေးနှင့်ပါဝင်မှုတို့၏ပြောင်းရွှေ့အချေခြသူများအဖွဲ့အစည်းနိုင်ငံတစ်ဝှမ်းမိဘများကွန်ယက်ကိုတည်ထောင်ခြင်းဖြင့်အစပြုခဲ့ခြင်းဖြစ်သည်။ ရည်ရွယ်ချက်မှာ ၎င်းတို့၏အရည်အချင်းနှင့်ဖြစ်နိုင်ချေအလားအလာတို့ကို ပညာရေးနှင့်ပေါင်းစည်းဝင်ဆံ့ရေးထောက်ပံ့မှု၏အရေးကြီးသောလုပ်ဆောင်သူအဖြစ်စနစ်တကျပေါင်းစည်းရန်နှင့်စုပေါင်းညှိနှိုင်းဆောင်ရွက်မှုအကျိုးရလဒ်ကိုထုတ်ဖော်နိုင်ရန်ဖြစ်သည်။ ပညာရေးနှင့်အသိပညာပေးရေးဖြစ်ပေါ်လာသောအမျိုးမျိုးသောစီမံကိန်းများတွင်မိဘများနှင့်လှုပ်ရှားဆောင်ရွက်သူများကို FÖTED ကထောက်ပံ့ပေးသည်။

www.tuerkische-elternfoederation.de

ကမ်မရွန်အင်ဂျင်နီယာနှင့်ကွန်ပြူတာသိပ္ပံပညာရှင်များအစည်းအရုံး

ကမ်မရွန်အင်ဂျင်နီယာနှင့်ကွန်ပြူတာသိပ္ပံပညာရှင်များအစည်းအရုံးသည် အင်ဂျင်နီယာနှင့်ကွန်ပြူတာသိပ္ပံနယ်ပယ်တွင်လေ့လာသင်ကြားသူများပြားလာခြင်းကြောင့် အင်ဂျင်နီယာနှင့်ကွန်ပြူတာသိပ္ပံနယ်ပယ်တွင် ပြန့်ကျဲနေသော အာဖရိကန် ကမ်မရွန်များကိုစုစည်းရန်တည်ထောင်ခဲ့ခြင်းဖြစ်သည်။
အဖွဲ့ဝင်ပေါင်း (၇၀၀) ဝန်းကျင်ဖြင့်ထိုအဖွဲ့အစည်းသည် ကျောင်းသားကူညီထောက်ပံ့မှုကဲ့သို့သော အလုပ်အကိုင်နှင့်အရွယ်ရောက်ပြီးသူများပညာရေး၊ ဖွံ့ဖြိုးရေးပူးပေါင်းဆောင်ရွက်မှုတို့ကိုထောက်ပံ့ဆောင်ရွက်သည်။ ၎င်းတို့၏အဓိကရည်မှန်းချက်တစ်ခုမှာ အာဖရိကန် ကမ်မရွန်အသိုင်းအဝိုင်း၏အခက်အခဲပြဿနာများကို အတွင်းရောအပြင်ပါ ခွဲခြားရွေးထုတ်ပြီး ၎င်းတို့၏ ကျောင်းသားနှင့်ပညာရှင်အဖွဲ့ဝင်များ၏အသိပညာအကူအညီဖြင့်ဖြေရှင်းရန်ဖြစ်သည်။ အဖွဲ့ဝင်များက ၎င်းတို့၏ကိုယ်ပိုင်အတွေ့အကြုံများဖြင့် ထောက်ပံ့ကူညီကြပြီး အင်ဂျင်နီယာပညာလာရောက်သင်ကြားကြသော အာဖရိကန်ကျောင်းသား/သူများကို ဂျာမနီသို့စရောက်သည့်ပထမနေ့ကတည်းကပင် အတူလိုက်ပါကူညီပေးသည်။ ဤကမ်းလှမ်းမှုသည် လမ်းညွှန်မှုအစီအစဉ်မှဖြစ်ပြီး VKII (ကမ်မရွန်အင်ဂျင်နီယာနှင့်ကွန်ပြူတာသိပ္ပံပညာရှင်များအစည်းအရုံး) ၏အကောင်းဆုံးကျောင်းသားဆုဖြစ်သည်။

www.vkii.org

ပြောင်းရွှေ့အချေခြသူများအဖွဲ့အစည်းများ၏အကာအကွယ်အဖွဲ့ DaMigra သည် (၂၀၁၄) ကတည်းကပင် ပြောင်းရွှေ့အချေခြသူများအဖွဲ့အစည်းများ၏ နိုင်ငံတစ်ဝှမ်း ဇာတိမြေကိုမမှီခိုသော အမျိုးသမီးများကိုအဓိကထားသော အကာအကွယ်အဖွဲ့အဖြစ်ရပ်တည်ခဲ့သည်။
www.damigra.de/dachverband/ueber-uns/

BV NeMO

ပြောင်းရွှေ့အချေခြသူများအဖွဲ့အစည်းများ၏ဒေသဆိုင်ရာအစုအဖွဲ့သည် ပြောင်းရွှေ့အချေခြသူများအဖွဲ့အစည်းများ၏နိုင်ငံတစ်ဝှမ်းအသင်းအဖွဲ့ကွန်ယက်(BV NeMO)နှင့်အတူပေါင်းစည်းခဲ့သည်။
www.bv-nemo.de

DaMOst

အရှေ့ဂျာမနီရှိပြောင်းရွှေ့အချေခြသူများအဖွဲ့အစည်းများ၏အကာအကွယ်အဖွဲ့
www.damost.de