Мастацтва і культура Афганістана ў Гётэ-Інстытуце ў выгнанні
Трохдзённым фестывалем (30.06-02.07.2023) Goethe-Institut у выгнанні распачаў праграмны раздзел «Краіна ў фокусе: Афганістан». Пасля фестывалю на перыяд да канца года запланаваны перформансы, чытанні, канцэрты, а таксама дыскусіі, майстар-класы і кінапаказы. Мэта праграмы — умацаваць культуру і мастацтва краіны і перш за ўсё падтрымаць жанчын і меншасці. Пры гэтым Goethe-Institut у выгнанні, з аднаго боку, прадстаўляе досвед і экспертныя веды сваіх партнёраў з Афганістана, а з другога — працуе над наладжваннем новых кантактаў і сувязяў як падмурку нямецка-афганскага культурнага абмену і стварэннем дыскурсіўных прастораў.