Goethe-Zertifikat B2

အသင်သည်

ဂျာမနီနိုင်ငံတွင် တက္ကသိုလ်တက်ရောက်ရန် ကြိုတင်ပြင်ဆင်လိုပါသလား
အလုပ်တစ်ခုလျှောက်ထားရာတွင် မိမိသည် ကျွမ်းကျင်အဆင့် ဂျာမန်ဘာသာစကားစွမ်းရည်များရှိကြောင်း သက်သေများပြလိုပါသလား
ဂျာမနီရှိ ဆေးပညာနယ်ပယ်တွင် အလုပ်တစ်ခုခုလုပ်ရန် ကြိုတင်ပြင်ဆင်လိုပါသလား
B2 အဆင့် ဂျာမန်ဘာသာစကားစွမ်းရည်များရှိကြောင်း သက်သေပြလိုပါသလား
တရားဝင် နိုင်ငံတကာမှ အသိအမှတ်ပြုသော စာမေးပွဲအောင်လက်မှတ်တစ်ခု အလိုရှိပါသလား။

Goethe-Zertifikat B2 စာမေးပွဲသည် ဆယ်ကျော်သက်လူငယ်များနှင့် အရွယ်ရောက်ပြီးသူများအတွက် ဂျာမန်ဘာသာစကား စာမေးပွဲတစ်ခု ဖြစ်ပါသည်။ ဤစာမေးပွဲသည် ဥရောပဘာသာစကားများ စံချိန်စံညွှန်းသတ်မှတ်ချက် အဆင့်ခြောက်ဆင့်တွင် စတုတ္ထမြောက်အဆင့်ဖြစ်သည့် B2 နှင့် ညီမျှပြီး အသင်သည် ဂျာမန်ဘာသာစကားကို အတော်အသင့် ကျွမ်းကျင်နေပြီဖြစ်ကြောင်း ဤစာမေးပွဲက အတည်ပြုထောက်ခံပေးပါသည်။

စာမေးပွဲဖြေဆိုအောင်မြင်ပါက အသင်သည် အောက်ပါအချက်များကို လုပ်ဆောင်နိုင်ကြောင်း ပြသခြင်းဖြစ်ပါသည်။

ပို၍တိကျသေချာပြီး ရှုပ်ထွေးသော အကြောင်းအရာအများအကြောင်း ရေးသားထားသည့် စာများ၏ အဓိကဆိုလိုရင်းကို နားလည်နိုင်ခြင်း၊ မိမိနှင့် သက်ဆိုင်ရာ ဘာသာရပ်နယ်ပယ်တွင် ဘာသာရပ်ဆိုင်ရာဆွေးနွေးချက်များကို နားလည်နိုင်ခြင်း။
ဂျာမန်လူမျိုးများနှင့် စကားပြောဆိုရာတွင် နှစ်ဦးနှစ်ဘက်လုံးအတွက် ကြီးမားသည့်အခက်အခဲများ (သို့) နားလည်မှုလွဲခြင်းများမဖြစ်စေဘဲ အဆင်ပြေချောမွေ့စွာ နားလည်ပြောဆိုနိုင်ခြင်း။
ကျယ်ပြန်သည့် အကြောင်းအရာများနှင့် ခေါင်းစဥ်များအကြောင်းကို ပြောဆိုရာတွင် ရှင်းရှင်းလင်းလင်းနှင့် အသေးစိတ်ကျကျ ပြောဆိုနိုင်ခြင်း။ အကြောင်းအရာတစ်ခုနှင့် ပတ်သက်၍ မိမိ၏ထင်မြင်ချက်ကို ထုတ်ဖော်ပြောဆိုနိုင်ပြီး ဖြစ်နိုင်ချေရှိသည့် ကောင်းကျိုးဆိုးပြစ်များကို တင်ပြနိုင်ခြင်း။

စာမေးပွဲအတွက် ပြင်ဆင်ခြင်း

လေ့ကျင့်ခန်းများ

ဤနေရာတွင် အွန်လိုင်းမှတစ်ဆင့် လေ့ကျင့်နိုင်သည့် အစမ်းစာမေးပွဲများနှင့် လေ့ကျင့်ခန်းများကို ရိုးရိုးပုံစံဖြင့်လည်းကောင်း၊ interactive ပုံစံဖြင့်လည်းကောင်း၊ ကိုယ်ခန္ဓာပိုင်းဆိုင်ရာ၊ သို့မဟုတ် ကျန်းမာရေးပိုင်းဆိုင်ရာ ချို့ယွင်းအားနည်းချက်ရှိသူများလည်း အသုံးပြုနိုင်သောပုံစံဖြင့်လည်းကောင်း ပုံစံအမျိုးမျိုးဖြင့် ရရှိနိုင်ပါသည်။

လေ့ကျင့်ခန်းများသို့

အခြားသတင်းအချက်အလက်များ

Goethe-Zertifikat B2 အတွက် လိုအပ်ချက်များ၊ စာမေးပွဲအကြောင်းအရာများနှင့် အခြားသတင်းအချက်အလက်များကို ဤနေရာတွင် ရရှိနိုင်ပါသည်။

အခြားသတင်းအချက်အလက်များ