Сәтті қадам: Емтихан бөлімдері
Goethe-Zertifikat A2: Fit in Deutsch -тың құрамдас бөлімдері: Оқу, Тыңдау, Жазу және Сөйлеу.
Емтихан әлем бойынша бірдей жүргізіліп, бағаланады.
Оқу
Қысқа газет мақалалары, E-Mail, хабарлама және көпшілік жерде ілініп тұратын ескертулер сияқты қысқа мәтіндерді оқып, берілген тапсырмаларды орындайсың.
Ұзақтығы: 30 минут
Жазу
Өз айналаңдағы өмірге байланысты бір хабарлама жазасың.
Ұзақтығы: 30 минут
Тыңдау
Күнделікті әңгіме, радио арқылы берілген хабарландырулар мен сұхбаттарды, телефон арқылы айтылған жаңалықтарды, қоғамдық орындарда дауыс зорайтқыш арқылы айтылғандарды тыңдап, берілген тапсырмаларды орындайсың.
Ұзақтығы: 30 минут
Сөйлеу
Сұрақтар қоясың, өзің туралы қойылған сұрақтарға жауап бересің, өз өмірің жайлы әңгімелеп бересің және сұхбаттасыңмен бірдеңе туралы келісіп не бірге жоспар құрасың.
Ұзақтығы: 15 минут
Емтихан алғышарттары
Goethe-Zertifikat A2: Fit in Deutsch 12-16 жас арасындағы балалар мен жасөспірімдерге арналған емтихан.
Гёте-Инстут емтихандары барлық қызығушылық білдірушілер үшін дайын, сонымен қатар, олардың жас мөлшеріне және оларда Германия азаматтығының бар- жоқтығына қарамастан, тапсырыла береді.
- Goethe-Zertifikat A2: Fit in Deutsch емтиханын 12 жастан бастап тапсыру ұсынылады.
- Goethe-Zertifikat A2: Fit in Deutsch үшін Жалпы еуропалық шет тілін меңгеру стандартының (GER) екінші біліктілік сатысына сәйкес тіл деңгейі (A2) алғышарт болып саналады.
- Бұл деңгейге жету үшін, бұған дейінгі біліміңізге және қойылған алғышарттарға байланысты, қосымша, әрқайсысы 45 минуттан, 200-нен 350-ге дейін академиялық сағат оқу қажет.