ဂျာမန်ဘာသာစကားသင်တန်းများ (အွန်လိုင်းတိုက်ရိုက် + အွန်လိုင်း၌ကိုယ်တိုင်လေ့လာခြင်း)

ပေါင်းစပ်သင်တန်း
ကျွန်ုပ်တို့၏ Online Live + Online Self-Study သင်တန်းများက Goethe-Institut မြန်မာရှိစာသင်ခန်းတွင်အုပ်စုလိုက်သင်ကြားရသော အမြန်သင်တန်းနှင့် အွန်လိုင်းသင်ခန်းစာများတွင် မိမိအဆင်ပြေသည့်အချိန်တွင်ကိုယ်တိုင်လုပ်ဆောင်နိုင်သော နှစ်ဖက်လုံးမှအကောင်းဆုံးများကိုပေါင်းစပ်ထားပါသည်။ ကိုယ်တိုင်သင်ယူမှုအဆင့်များတွင် သင်၏စာဖတ်စွမ်းရည်၊ အရေးစွမ်းရည်နှင့်အကြားစွမ်းရည်များနှင့်အတူ အခြားသောသင်တန်းများနှင့်အတူအပြန်အလှန်ဆွေးနွေးပြီး ရင်းနှီးကျွမ်းဝင်စေပါသည်။ အွန်လိုင်း Live သင်တန်းချိန်အတွင်း သင်ကိုယ်တိုင်သင်ယူခဲ့သည်များကိုပြန်လည်အသုံးချပြီး သင်၏ပြောဆိုဆက်ဆံရေးစွမ်းရည်နှင့် အသံထွက်များကိုလေ့ကျင့်နိုင်ပါသည်။

အဆင်ပြေစေရန်ညှိနှိုင်းနိုင်သောအချိန်
ကျွန်ုပ်တို့၏ သင်တန်းများသည် သင်လိုအပ်သလိုပြောင်းလွယ်ပြင်လွယ်ညှိနှိုင်းနိုင်ပါသည်။ တစ်ပတ်လျှင်နှစ်ကြိမ် အွန်လိုင်း Live သင်တန်းတွင်သင်ယူရပါသည်။ အွန်လိုင်းသင်ခန်းစာများနှင့်လေ့ကျင့်ခန်းများအတွက်တစ်ပတ်လျှင် (၄) နာရီခန့်ပေါင်းထည့်ရပါသည်။

သင်နှစ်သက်သောနေရာတွင်သင်ယူပါ။
အိမ်တွင်ဖြစ်စေ၊ အလုပ်တွင်ဖြစ်စေ၊ သို့မဟုတ် တက္ကသိုလ်တွင်ဖြစ်စေ ကျွန်ုပ်တို့၏ သင်တန်းအတွက် အင်တာနက်အသုံးပြုနိုင်သော ကွန်ပြူတာ သို့မဟုတ် ခရီးဆောင်ကွန်ပြူတာတစ်ခုသာ သင်လိုအပ်ပါသည်။ များစွာသောသင်ခန်းစာများကို သင်၏စမတ်ဖုန်းဖြင့်ပင် လုပ်ဆောင်နိုင်ပါသည်။

လေးလေးနက်နက်ဂရုစိုက်ပေးခြင်း
သင်၏မေးခွန်းများအတွက် သင်၏ဆရာ/ဆရာမကို အီးမေးလ်၊ Chat ၊ ပြောဆိုဆွေးနွေးခြင်းများမှလည်းကောင်း သို့မဟုတ် Goethe-Institut ရှိစာသင်ချိန်များတွင် လူကိုယ်တိုင်မေးမြန်းနိုင်ပါသည်။ သင်၏အွန်လိုင်းလေ့ကျင့်ခန်းများသေချာစွာလုပ်ဆောင်နိုင်စေရန် ဆန်းစစ်သုံးသပ်ချက်များကိုပုံမှန်လက်ခံရရှိမည်ဖြစ်ပြီး ဤသို့ဖြင့် ပိုမိုကောင်းမွန်အောင်လုပ်ဆောင်သွားနိုင်မည်ဖြစ်သည်။