1994 - 2024

Өткен 30 жылға АЛҒЫС айтамыз! 1994 жылдың 7 қыркүйегінде Қазақстандағы Гёте-Институты алғаш рет елдің оңтүстігінде орналасқан Алматыдай әсем мегаполисте орын тепті. Бүгінгі таңда дүние жүзі бойынша 98 елде жұмыс істейтін 151 институттың бірі ретінде аталмыш мәдениет ошағы соңғы 30 жылда өз қызметін қарқынды дамытып келеді. Алғашқы қадамын санаулы ғана қызметкерлерімен бірге қарапайым екі бөлмелі кеңседе бастаған институт бүгін күннен-күнге қарқынды дамып келе жатқан ірі тіл үйрету орталығына, жайлы да тартымды орынға айналған кітапханасы бар, тіпті осы аймақтағы үш елдегі серіктестерімен ынтымақтаса, ауқымды желі құрып, ірі ұйымға айналған. Бүгінгі таңда мұнда еңбек ететін 30 қызметкер Қазақстан, Қырғызстан және Түркіменстан елдерін қамтитын түрлі бағдарламаны жүргізіп келеді.

Германия мен осы аймақтағы қабылдаушы елдер арасында, мәдениет және білім беру саласында мәдени көпір орнатып келеміз. Қызықты және инновациялық жобаларды даярлап, білім алмасып, импульстармен бөлісіп, осындай ынтымақтастық барысында бір-бірімізге қолдау жасап келеміз. Өткен 30 жыл жыл сайынғы халықаралық мәдени, ақпараттық және білім алмасудың орасан зор әлеуетін көрсетті.

Біздің қарқынды дамып келе жатқан аймақта соңғы уақыттағы күрделі оқиғалар берік байланыс пен сенімді ынтымақтастықтың қаншалықты маңызды екенін көрсетуде. Тіпті қиын-қыстау кезеңдерде де біз көпжақты диалогты сақтауға бар күшімізді саламыз. Біз сіздерге өткен 30 жыл үшін алғыс айта отырып, алдағы 30 жылды да өздеріңізбен асыға күтеміз!