Iniciativa "Shkollat: Partnere të së ardhmes"

Iniciativa „Shkollat: Partnere të së ardhmes“ (PASCH) lidh një rrjet në mbarë botën prej më tepër se 1.700 shkollave PASCH me një lidhje të veçantë me Gjermaninë. Goethe-Institut përkujdeset për rreth 550 shkolla PASCH në sistemet arsimore nacionale të më shumë se 100 vendeve.

Në shkurt të vitit 2008, Ministria e punëve të jashtme nisi iniciativën „Shkollat: Partnere të së ardhmes“ (PASCH).PASCH-i koordinohet nga Ministria e punëve të jashtme dhe realizohet së bashku me Zyrën Qendrore për Çështjet Arsimore jashtë vendit, Goethe-Institut, Shërbimin Akademik Gjerman për Këmbim dhe Shërbimi i Këmbimit Pedagogjik të Konferencës së Ministrisë së Kulturës.

Parimet themelore dhe qëllimet

Katër parimet themelore e përcaktojnë orientimin e PASCH-it:

perspektiva nëpërmjet arsimimit
zgjerimi i horizontit nëpërmjet shumëgjuhësisë
qasja ndaj gjuhës dhe arsimit, dhe
trajtimi i përbashkët i problemeve të së ardhmes si një bashkësi mësimore ndërkombëtare

Në shkurt të vitit 2008 Ministria për punë të jashtme i dha jetë iniciativës „Shkollat: Partnere të së ardhmes“. PASCH-i forcon dhe lidh në një rrjet mbarëbotëror më shumë se 1.700 shkolla PASCH me një lidhje të veçantë me Gjermaninë. Goethe-Institut përkujdeset për rreth 550 shkolla PASCH në sistemet arsimore nacionale të më shumë se 100 vendeve.

Iniciativa është e koordinuar nga Ministria për Punë të Jashtme dhe realizohet së bashku me Agjencinë Qendrore për çështjet arsimore jashtë vendit, Institutin Goethe, me Shërbimin Akademik Gjerman për Shkëmbim dhe Shërbimin Pedagogjik për Shkëmbim të Konferencës së Ministrisë së Kulturës.

Rrjeti i shkollave gjermane jashtë vendit dhe shkollave të cilat ofrojnë diplomën e gjuhës gjermane do të forcohet. Përveç kësaj do të zgjerohet bashkëpunimi shkollor, për të forcuar më tutje gjuhën gjermane si gjuhë të huaj në sistemet arsimore nacionale. Ndër të tjera, do të ofrohen bursa për studime në Gjermani dhe mundësi për këmbim të nxënësve dhe partneritet ndërmjet shkollave.

Qëllimet e PASCH

Te brezi i ri kjo iniciativë synon të zgjojë interesim dhe entuziazëm afatgjatë për Gjermaninë bashkëkohore, shoqërinë e saj dhe gjuhën gjermane. Po krijohet një rrjet mbarëbotëror i shkollave të Republikës Federale të Gjermanisë; shkollat do të shndërrohen në një komunitet ndërkombëtar të të mësuarit përmes aktiviteteve të përbashkëta dhe këmbimeve. shërbimi vullnetar „Kulturwelt“.

PASCH kontribuon me oferta atraktive arsimore për kualifikimin e qëndrueshëm të nxënëseve dhe nxënësve si dhe të mësimdhënësve dhe zgjeron me këtë kompetencën te brezi i ri për të studiuar në Gjermani dhe për karrierën e mëvonshme. Përveç kësaj, objektiva janë edhe ndërtimi i lidhjeve të gjalla dhe afatgjate me Gjermaninë si dhe nxitja e shkollave, mësuesve të tyre dhe nxënëseve dhe nxënësve për këmbim të hapur të mendimeve dhe bashkëpunimit ndërmjet tyre. Për këtë PASCH është i rrjetëzuar edhe me iniciativa tjera të politikës së jashtme kulturore dhe arsimore, siç është shërbimi vullnetar „Kulturwelt“.

Detyrat dhe masat e Goethe-Institut

Goethe-Institut mbështet më shumë se 550 shkolla PASCH, që gjermanishtja të implementohet ose zgjerohet si lëndë shkollore. Ai u ofron mësimdhënësve trajnime metodiko-didaktike dhe kurse gjuhësore dhe i pajis shkollat me materiale bashkëkohore multimediale të mësimdhënies, mësimit dhe materiale nga gjeografia. Përveç kësaj, Goethe-Institut në suaza të kësaj iniciative ka dërguar në mbarë botën ekspertë të mësimdhënies për t’u kujdesur për shkollat partnere. Kurset e adoleshentëve në Gjermani për nxënëset dhe nxënësit e shkollave pjesëmarrëse përmirësojnë njohuritë gjuhësore, forcojnë kompetencën ndërkulturore dhe i bëjnë të gjalla studimet rajonale.