Moduli moja moja
Mtihani wa
Goethe-Zertifikat B2 unajumuisha seksheni za kusoma, kusikiliza, kuandika na kuongea (seksheni ya kuongea hufanywa katika jozi).
Mtihani hufanyika katika vituo vilivyochaguliwa kwa njia ya kidijitali au karatasi. Viwango vinavyofanana vya usimamizi na tathmini huzingatiwa duniani kote.
Kusoma
Unasoma maandishi mbalimbali kama vile maudhui yaliyotumwa mtandaoni, makala za magazeti na majarida, mawazo na maelekezo. Unaweza kupata taarifa za msingi, maelezo muhimu, pamoja na mitazamo, maoni na kanuni.
Muda: dakika 65
Kuandika
Unajieleza na kutetea maoni yako kwa kuandika kwenye maudhui yanayotumwa mtandaoni juu ya mada ya kijamii ya wakati uliopo. Pia unaandika ujumbe rasmi katika muktadha wa kitaaluma.
Muda: dakika 75
Kusikiliza
Unasikia usaili, mihadhara, mazungumzo na kauli juu ya maisha ya kawaida ya kila siku pamoja na kusikiliza kutoka kwenye redio. Unaweza kunasa ujumbe wa msingi na maelezo muhimu.
Muda: dakika 40
Kuongea
Unatoa mfadhara mfupi juu ya mada iliyopendekezwa na kuongea na mshirika wako wa mazungumzo kuhusu mada hiyo. Pia unachangia hoja katika majadiliano.
Muda: dakika 15
Mahitaji
Goethe-Zertifikat B2 ni mtihani wa Kijerumani kwa vijana na watu wazima.
Mitihani ya Goethe-Institut hutolewa kwa yeyote anayependa. Watahiniwa huweza kufanya mtihani bila ulazima wa kufikisha umri wa chini unaohitajika au kuwa na uraia wa Ujerumani.
- Umri wa chini wa miaka 15 unahitajika ili kuweza kufanya mtihani wa Goethe-Zertifikat B2 kwa vijana.
- Umri wa chini wa miaka 16 unahitajika ili kuweza kufanya mtihani wa Goethe-Zertifikat B2 kwa watu wazima.
- Ili kufanya mtihani wa Goethe-Zertifikat B2, ni sharti mtahiniwa awe na ujuzi wa lugha ya Kijerumani unaofikia kiwango cha ngazi ya umahiri ya B2 kulingana na Mfumo wa Pamoja wa Ulaya wa Marejeo ya Lugha (CEFR).
- Ili kufikia ngazi hii, watahiniwa wanapaswa wawe wamekamilisha vipindi 600 and 800 vya dakika 45 za masomo, kwa kutegemea ujuzi wake wao awali na mahitaji yao ya mafunzo.