EU4Culture ქალაქებისთვის განცხადებების მიღებას აცხადებს

EU4Culture აცხადებს განაცხადების მიღების პირველ ეტაპს აღმოსავლეთ პარტნიორობის რეგიონის ქალაქებში (გარდა დედაქალაქებისა) კულტურის განვითარების სტრატეგიის შემუშავების მხარდასაჭერად. განაცხადების მიღების მიზანია, დაეხმაროს აღმოსავლეთ პარტნიორობის ხუთი ქვეყნის: აზერბაიჯანის, მოლდოვას რესპუბლიკის, საქართველოს, სომხეთისა და უკრაინის ქალაქებს კულტურის განვითარების სტრატეგიის შემუშავებისა და დანერგვის პროცესში.

პირველ ეტაპზე თითოეულ მონაწილე ქვეყანაში შერჩეული იქნება ხუთი ქალაქი, რომელებიც შემდგომ საფეხურზე ეცდებიან მიიღონ ფინანსური მხარდაჭერა კულტურის განვითარების სტრატეგიის მოსამზადებლად.

დამატებითი ინფორმაციისთვის, გთხოვთ, დაუკავშირდეთ პროექტის კოორდინატორს საქართველოში ხატია ჭოხონელიძეს: Khatia.Tchokhonelidze@goethe.de

განაცხადების მიღება (კონცეფცია) - ქალაქებს (გარდა დედაქალაქებისა), რომლებიც აკმაყოფილებენ მონაწილეობის კრიტერიუმებს, შეუძლიათ წარადგინონ ზოგადი კონცეფცია.
განაცხადების მიღება (სრული აპლიკაცია) - სრული აპლიკაციის მოსამზადებლად თითოეული ქვეყნიდან შერჩეული იქნება მაქსიმუმ ხუთი განმცხადებელი . შერჩეული ქალაქები სრული აპლიკაციის მოსამზადებლად მიიღებენ გრანტს 1,000 ევროს ოდენობით.
კულტურის განვითარების სტრატეგიის მომზადება - სრული აპლიკაციის წარდგენის შემდეგ თითოეული ქვეყნიდან შერჩეული იქნება მაქსიმუმ სამი ქალაქი. ეს ქალაქები მიიღებენ 30,000-მდე ევროს ოდენობით გრანტს კულტურის განვითარების სტრატეგიის მოსამზადებლად.
განხორციელების ფაზა - თითოეულ ქვეყანაში შერჩეული სამი ქალაქიდან ერთი მიიღებს მაქსიმუმ 300, 000 ევროს ოდენობით გრანტს შემუშავებული სტრატეგიის განხორციელებისთვის.

EU4Culture-ის გვერდზე დაბრუნება

დასაწყისი

EU4Culture ქალაქებისთვის განცხადებების მიღებას აცხადებს

ვის შეუძლია განაცხადის შემოტანა?

აპლიკაციის ფაზები და დაფინანსება

როგორ შემოვიტანო განაცხადი?