მულტიპლიკატორების პროგრამა

მულტიპლიკატორების პროგრამა

გერმანული ენის მასწავებლების კვალიფიკაციის ამაღლება გოეთეს ინსტიტუტის ერთ-ერთი პრიორიტეტია. ჩვენი საკვალიფიკაციო პროგრამები მასწავლებლებს ეხმარება უცხო ენის დიდაქტიკისა და მეთოდიკის თანამედროვე ტენდენციებს გაეცნონ და უახლესი მეთოდები გამოიყენონ საკუთარ გაკვეთილზე. ჩვენი ყველა სემინარი და კვალიფიკაციის ამაღლების პროგრამა გოეთეს ინსტიტუტის მუტიპლიკატორების მიერ იგეგმება და ტარდება. გოეთეს ინსტიტუტის მუტიპლიკატორების არიან კომპეტენტური და აქტიური მასწავლებები, რომლებიც გოეთეს ინსტიტუტის დავალებით მეთოდიკა-დიდაქტიკის სემინარებს დასწრებული, ონლაინ და კომბინირებული ფორმატით ატარებენ და საგანმანათლებლო პროექტების კონცეფციების შემუშავებაში, დაგეგმვასა და რეალიზებაში მონაწილეობენ. აქტიურ პრაქტიკასთან ერთად მათ გოეთეს ინსტიტუტში პროფესიული განვითარებისა და გადამზადების მუდმივი შესაძლებლობები აქვთ.

გოეთეს ინსტიტუტი აცხადებს 2018-2020 წწ. მუტიპლიკატორების მომზადების პროგრამას, რომელშიც  მონაწილეობას მაღალი მოტივაციის მქონე გერმანული ენის მასწავებლები მიიღებენ. პროგრამა 18 თვე გაგრძელდება და მასში მონაწილეობა უფასოა. პროგრამაში მონაწილეების კანდიდატები კონკურსის წესით შეირჩევიან.