Систем за неправилности на Гете-институт

Секое прекршување на важечки закон може да предизвика штета - на луѓе надвор од организацијата, на вработените на Гете-институт или на самата организација Гете-институт. Системот за пријавување на неправилности на Гете-институт служи како важен систем за рано предупредување за идентификување потенцијални прекршувања на законот и иницирање соодветни контрамерки.

Пријавување неправилности

Сакаме да Ве охрабриме да ги пријавите сите правни прекршоци и прекршувања на правилата во врска со работата на Гете-институт. За оваа цел, на располагање има сеопфатен систем за пријавување неправилности. Овој систем може да се користи за пријавување неправилности при:

• Корупција и перење пари
• Кражба
• Конфликт на интереси
• Вознемирување/дискриминација
• Повреда на човековите права

Секоја индикација за можно неправилно однесување се сфаќа сериозно и се истражува преку објективен, транспарентен и непристрасен процес. За оваа цел е развиена стандардизирана процедура за обработка. За понатамошни информации, ве молиме погледнете ги "Rules of Procedure for the Whistleblowing System" (Правилник за постапување со системот за пријавување на неправилности).

Во рамките на своите можности, Гете-институт ќе се погрижи пријавувачот на неправилности да не претрпи никакви штети, под услов индикациите да се оправдани.

Начини за пријавување

Системот за пријавување на неправилности на Гете-институт ги нуди следниве можности на пријавување:

• Порталот за онлајн пријавување е достапен ширум светот, 24 часа на ден, на германски и англиски јазик. Овозможува анонимно поднесување на пријави. Пристап до порталот за онлајн пријавување: Goethe Institut e.V. | Startseite (integrityline.app)
• Пријави за прекршоци можат да се испратат по електронска пошта на следната адреса: hinweisgeber@goethe.de или
• по пошта на следната поштенска адреса:

Ве молиме имајте предвид дека жалбите за квалитетот на нашите курсеви и испити не се обработуваат преку системот за пријавување на неправилности на Гете-институт. За жалби во врска со испити или курсеви, Ве молиме обратете се до одговорниот на одделот „Курсеви и испити“ на институтот каде се одржуваат Вашите курсеви/испити.

Се во врска со заштита на податоците во системот за пријавување на неправилности, пронајдете овде.