ფოთი

ქალაქ ფოთის მუნიციპალიტეტში, აღნუსხული 60 ობიექტიდან 22% შეადგენს სტუმართმასპინძლობის დაწესებულებებს, 20% - საგანმანათლებლო სივრცეებს. ადმინისტრაციული დანიშნულების ობიექტები მოიცავს 13%-ს, ხოლო ინდუსტრიული ან საწარმოო დანიშნულების ობიექტები 8%-ს. ასევე, გვხვდება სხვა ფუნქციის (ამბულატორია, საავადმყოფო) ობიექტები 15% და სავაჭრო ინფრასტრუქტურა 10%. 
ობიექტების გამოყენება ნაწილდება შემდეგნაირად: მოქმედი 32%-ია, ნაწილობრივ გამოყენებული - 45%, ხოლო სრულად უფუნქციო - 23%. 

აღნუსხული ნაგებობების სრული სიიდან რეაბილიტირებულია 8%, 18%-ს მსუბუქი დაზიანება აღენიშნება, 25% ძლიერ დაზიანებულია, ხოლო სტრუქტურულად მდგრადია 49%. 

მნიშვნელოვანია რომ ფოთში, აღნუსხული ობიექტების მხოლოდ 15% წარმოადგენს მუნიციპალურ საკუთრებას, 13% კერძო მფლობელობაშია,ხოლო 72% სახელმწიფო საკუთრებაა. აღნუსხული ობიექტების სრული უმრავლესობა რეგისტრირებულია.

აღნუსხულთა შორის გამორჩეული ობიექტებია: ყოფილი ტელევიზიის შენობა, ყოფილი ჰოსპიტლის შენობა, ყიფიანების საცხოვრებელი სახლი ,,თესეა", ტერ-ნიკოგოსოვის სახლი, ყოფილი უნივერმაღის შენობა ,,ეგრისი", ყოფილი მეთევზეთა კოოპერატივის შენობა, ყოფილი მეტეოროლოგიური სადგური, საბავშვო ბიბლიოთეკა ცენტრალურ პარკში.