ცაგერი

ცაგერის მუნიციპალიტეტში, აღნუსხული 30 ობიექტიდან 23% შეადგენს კულტურული დანიშნულების ობიექტებს, 20% ადმინისტრაციული დანიშნულების ნაგებობებს, საწარმოო და საგანმანათლებლო დაწესებულებები გვხვდება 13-13%-ით, სხვადასხვა შერეული ტიპის ნაგებობები 10%-ს შეადგენს, ხოლო სატრანსპორტო და სპორტული, ასევე სტუმართმასპინძლობის სივრცეები 7-7%-ს წარმოადგენს.
ობიექტების 27% მოქმედია, 30% ნაწილობრივ გამოყენებული, 43% კი უფუნქციო. 

აღნუსხული ნაგებობების სრული სიიდან სტრუქტურულად მდგრადია 57%,  15%-ს მსუბუქი დაზიანება აღენიშნება, ხოლო 28% ძლიერ არის დაზიანებული. 

ობიექტების საკუთრების ფორმა ნაწილდება შემდეგნაირად: 20% კერძო მფლობელობა, 17% სახელმწიფო საკუთრება,  60% მუნიციპალური საკუთრება, ხოლო  რეგისტრაციის გარეშეა 3%. 

აღნუსხულთა შორის გამორჩეული ობიექტებია: სასოფლო კლუბის შენობა - სოფელი ლაჯანა, ''ოქრონისის წყარო'' - სოფელი ლაილაში, სოფელ ლაილაშის ყოფილი კოლმეურნეობის შენობა, ყოფილი საავადმყოფოს შენობა - ქ. ცაგერი, საბავშვო ბაღის ყოფილი შენობა - სოფელი ბარდნალა, ყოფილი სამკერვალოს ფაბრიკა - სოფელი ალპანა, ღვინის ქარხანა - სოფელი ტვიში, კულტურის ცენტრი ცაგერში, ცაგერის ყოფილი პოლიციის შენობა, ცაგერის ყოფილი პროკურატურის შენობა.