ზესტაფონი

ზესტაფონის მუნიციპალიტეტში, აღნუსხული 26 ობიექტიდან 31% შეადგენს ინდუსტრიული და კულტურის დანიშნულების ობიექტებს, 15% ადმინისტრაციულ ობიექტებს. საგანმანათლებლო დანიშნულების ობიექტები მოიცავს 8%, ხოლო სპორტული დაწესებულებები 4%. 

ობიექტების 4% მოქმედია, 19% ნაწილობრივ გამოყენებული, 77% კი უფუნქციო. 

აღნუსხული ნაგებობების სრული სიიდან სტრუქტურულად მდგრადია 19%, 27%-ს მსუბუქი დაზიანება აღენიშნება, ხოლო 54% ძლიერ არის დაზიანებული. 

ობიექტების საკუთრების ფორმა ნაწილდება შემდეგნაირად: 50% კერძო მფლობელობა, 23% სახელმწიფო საკუთრება, 27% მუნიციპალური საკუთრება. 

აღნუსხულთა შორის გამორჩეული ობიექტებია: რკინიგზის კლუბი, საცურაო აუზი, სამკერვალო ფაბრიკა, ვ.სტაროსელსკის ღვინის ქარხანა, საკონიაკე ქარხანა, ვაჭევის ღვინის ქარხანა, ბარბაქაძეების ღვინის ქარხანა, განათლების ყოფილი შენობა, კლუბის შენობა სოფ. კვალითში, კლუბის შენობა სოფ. პირველ სვირში.