ჭიათურა

ჭიათურის მუნიციპალიტეტში, აღნუსხული 37 ობიექტიდან 24% შეადგენს სხვადასხვა დანიშნულების ობიექტებს, როგორიცაა ძველი ამბულატორიები და სამედიცინო დაწესებულებები, ასევე რამდენიმე საცხოვრებელი სახლი.  22% სატრანსპორტო ინფრასტრუქტურას უკავია, ინდუსტრიული და საწარმოო ინფრასტრუქტურა გვხვდება 14%-ით, ხოლო Საგანმანათლებლო და კვლევითი დაწესებულებები 11%-ით. კულტურული დანიშნულების ობიექტები მოიცავს 11%-ს, ადმინისტრაციული ნაგებობები 8%-ს, სპორტული ინფრასტრუქტურა 5%-ს, სავაჭრო და სტუმართმასპინძლობის ობიექტები 3-3%-ს შეადგენს. 
ობიექტების 5% მოქმედია, 38% ნაწილობრივ გამოყენებული, 57% კი უფუნქციო. 

აღნუსხული ნაგებობების სრული სიიდან სტრუქტურულად მდგრადია 22%,  35%-ს მსუბუქი დაზიანება აღენიშნება, ხოლო 43% ძლიერ არის დაზიანებული. 

ობიექტების საკუთრების ფორმა ნაწილდება შემდეგნაირად: 48% კერძო მფლობელობა, 3% სახელმწიფო საკუთრება, 38% მუნიციპალური საკუთრება, ხოლო რეგისტრაციის გარეშეა 11%. 

აღნუსხულთა შორის გამორჩეული ობიექტებია: თემურ მაღრაძის სახელობის 27-ე სპორტული სკოლა,  ყოფილი ბანკის შენობა, 25-ის საბაგიროს ზედა სადგურის შენობა,  მშენებლობის ტრესტის შენობა, თხელიძე-მერკვილაძის ქუჩის დამაკავშირებელი საბაგირო, მუხაძე-ჭავჭავაძის ქუჩის დამაკავშირებელი საბაგირო, ჭავაჭავაძე-მუხაძის ქუჩის დამაკავშირებელი საბაგირო, პიონერთა და მოსწავლეთა სასახლე, გიკის ლაბორატორია, ავარიონის საბაგიროს ზედა სადგური.