MISHNT-I NË JETËN TIME

Ne  ndeshemi me matematikën, shkencat kompjuterike, shkencat natyrore ose teknologjinë (STEM) kudo në jetën tonë. Shumë dukuri të përditshme mund të shpjegohen me ndihmën e matematikës, biologjisë, kimisë ose fizikës, për shembull:
A është i rrezikshëm rrezatimi nga celulari? Pse qumështi zien më shpejt se uji? Pse mund të fluturojnë aeroplanët? Si funksionon WiFi-ja? Si prodhohet energjia elektrike nga rrezet e diellit? Pse ka batica zbatica? Pse një anije noton? Pse gjethet janë jeshile? Si formohet rrufeja? Pse sapuni shkatërron yndyrat? Si formohet një ylber? Pse hojet e mjaltit kanë formën e tyre të veçantë? Si funksionon syri? ...
Dëshironi të gjeni përgjigje për pyetje si këto dhe t'i paraqisni ato në mënyrë kreative në një video në gjermanisht?
Formoni një ekip prej dy personash. Për shembull, vizitoni faqen e internetit të UMI | Universum. Mensch.Intelligenz. dhe lëreni veten të frymëzoheni. Formuloni pyetjen tuaj MISHNT. Pastaj bëni disa kërkime dhe kërkoni informacion mbi pyetjen tuaj. Nëse është e nevojshme, mund të bëni edhe eksperimente.
Paraqisni rezultatet e kërkimit tuaj në gjermanisht në një mënyrë emocionuese, interesante, kreative ose qesharake në një video. Për shembull, mund të përdorni telefonin tuaj celular ose një kamerë. Nëse dëshironi, në fund mund t’i përpunoni video incizimet me softuer. Videoja juaj mund të zgjasë jo më shumë se 3 minuta.
Kujdes!!!
Nuk mund të përdorni muzikë (grafikë) ose fotografi, të cilat i keni shkarkuar nga interneti. Muzikën, të cilën mund ta aplikoni, e gjeni për shembull në arkivin Free Music. Por, edhe këtë muzikë, ju nuk mund thjesht ta aplikoni. Gjithmonë duhet të lexoni fillimisht se si t'i përdorni ato dhe në fund të filmit të jepni titullin e këngës me linkun në faqen e internetit, emrin e kompozitorit, linkun me licencën, p.sh. CC BY-NC-SA 3.0.
Të gjithë personat që shfaqen në videon tua,j duhet të pajtohen me këtë.
Nëse e dorëzoni videon tuaj, ju pranoni se ajo të mund të publikohet në faqen e internetit të Institutit Goethe - Shkup dhe në rrjetet sociale duke dhënë emrat tuaj. Duke dorëzuar materialet tuaja, ju pranoni po ashtu kushtet për pjesëmarrje. Po ashtu, edhe  prindërit tuaj duhet të pajtohen.


Dergo videon dhe formularin ne bkd-skopje@goethde.de

Ju mund të merrni pjesë në konkurs vetëm në një ekip prej dy personash: Nëse e keni krijuar videon tuaj së bashku, ngarkoni atë së bashku dhe vendosni të dhënat e kontaktit të të dy pjesëmarrësve.

Një juri do të vlerësojë videot tuaja sipas origjinalitetit, krijimtarisë dhe shprehjes gjuhësore duke i dhënë rëndësi edhe zbatimit teknik të videove.
Vendimi i jurisë është i detyrueshëm për të gjithë pjesëmarrësit dhe nuk mund të kontestohet.
Data e fundit e dërgimit është 5 prilli 2023.
 

Ju mund të merrni pjesë në konkurs nëse të dy anëtarët e grupit:
• kanë njohuri të gjuhës gjermane të paktën në nivelin B1.
• vitin shkollor 2022/2023 ta kenë të fundit.
• të jenë të moshës 15 deri në 17 vjeç deri më 27 qershor 2023
• të jenë shtetas ose me vendbanim të përhershëm në Maqedoninë e Veriut (të paktën në tre vitet e mëparshme).

Nuk pranohen nxënëse dhe nxënës
• me nënshtetësi gjermane, austriake apo zvicerane, gjegjësisht ata që kanë jetuar në Gjermani për disa vite dhe janë kthyer në vendlindjen tyre,
• nxënëse dhe nxënës dygjuhësh që rriten duke folur gjuhën gjermane në një mjedis familjar.
 

Ekipi fitues do të fitojë bursë për QËNDRIM KATËRJAVOR NË GJERMANI (27.06. - 25.07.2023​) nga Shërbimi Pedagogjik i Shkëmbimit (PAD).

Kushtet për një bursë nga SHPSH mund të gjenden këtu: IPP Info
Më shumë informacion në www.kmk-pad.org/pad.html
 

Duke marrë pjesë në konkurs, pjesëmarrësit dhe prindërit/kujdestarët e tyre ligjorë bien dakord që fotot dhe regjistrimet në video do të mund të përdoren në faqet e internetit të Institutit Goethe, në profilin e tij në Facebook (në përputhje me Kushtet e përdorimit të Facebook-ut) dhe në produktet e Institutit Goethe për t’u publikuar.
Pjesëmarrësit dhe kujdestarët e tyre ligjorë i japin Institutit Goethe të drejtën e vetme të përdorimit për të gjitha llojet e njohura dhe të panjohura të përdorimit të videove, që ata kanë krijuar me qëllim të pjesëmarrjes në konkurs, të pakufizuar në aspektin e vendndodhjes dhe kohës dhe të kufizuar në terma  të përmbajtjes në konkurs. Këto përfshijnë, në veçanti, të drejtën për të riprodhuar dhe shpërndarë, të drejtën për t'u vënë në dispozicion publikisht në internet dhe të drejtën për të performuar. Dhënia e përdorimit është pa pagesë. Instituti Goethe mban të drejtën të japë të drejtat e sipërpërmendura palëve të treta.
 

Instituti Goethe do të respektojë rregulloret ligjore për mbrojtjen e të dhënave.
Pjesëmarrësit pranojnë ruajtjen, përpunimin dhe transmetimin e të dhënave që kanë futur për zbatimin e konkursit nga Instituti Goethe, për aq kohë sa do të jetë e nevojshme për zbatimin e konkursit.
Të dhënat nuk do t'u kalohen palëve të treta për qëllime të tjera.
Të dhënat e futura gjatë regjistrimit do të ruhen për një periudhë prej tre muajsh pas përfundimit të konkursit dhe më pas do të fshihen automatikisht. Pjesëmarrësi nuk do të marrë një lajmërim të veçantë për këtë.
Pjesëmarrësit dhe kujdestarët e tyre ligjorë janë të lirë të kërkojnë informacion se cilat nga të dhënat e tyre i ka ruajtur Instituti Goethe. Pjesëmarrësit mund të revokojnë pëlqimin e tyre për ruajtjen në çdo kohë dhe kështu të tërhiqen nga pjesëmarrja.
Vendi përgjegjës në kuptimin e ligjeve për mbrojtjen e të dhënave është Instituti Goethe - Shkup.
 

Nëse ke ende pyetje lidhur me konkursin, Atëherë shkruaj një e-mail në: bkd-skopje@goethe.de