ဂျာမနီ၏မြို့တော်များသို့လည်ပတ်ခြင်း
မြို့ပြလမ်းညွှန်

ဂျာမန်မြို့တော်များသည် သူတို့ကိုဝန်းရံလျှက်ရှိသော မြေမျက်နှာသွင်ပြင်ရှုမျှော်ခင်းများ အမျိုးမျိုးအထွေထွေကွဲပြားလျှက်ရှိသည်။ ကျွန်ုပ်တို့၏မြို့ပြပုံရိပ်များစီးရီးတွင် ဂိုသေး (Goethe) ၏မွေးရပ်နိုင်ငံ တစ်နံတစ်လျားခရီးတစ်ခုကို ထွက်ခွာကြည့်ပါမည်။ ကျွန်ုပ်တို့၏ဆောင်းပါးရှင်များက မည်သည့်အရာများက သူတို့၏မြို့များကို အများနှင့်မတူ တမူထူးခြား နှစ်သက်ဖွယ်ကောင်းစေသည်ကို သေးသေးကြီးကြီးအရာများအားလုံးသို့ အနီးကပ်မြင်ကွင်းတစ်ခု ဆောင်ယူလာပြပါမည်။

ကျွန်ုပ်တို့အားလုံးသိသော ယဉ်ကျေးမှုဓလေ့တစ်ခုသည် ၎င်းတို့၏မြို့တော်များမှ ပြုလုပ်ထားခြင်းဖြစ်သည်။

Derek Walcott

မြို့ပြလမ်းညွှန်။ ။ Rostock
ထိုသို့သွားရာလမ်းတွင်

နိုင်ငံတစ်ဝှမ်းမှ ခရီးသွားများက Rostock ကို Warnemünde ၏ ဒေသတစ်ခုအဖြစ် ၄င်း၏ကမ်းခြေ၊ မီးပြတိုက်၊ ဆိပ်ခံတံတားနှင့် ငါးပေါင်မုန့်တို့ဖြင့် လူသိများသည်။ Rostock မြို့ကိုယ်တိုင်ကပင် ယေဘုယျအားဖြင့် သင်္ဘောကျင်းများ၊ အရှေ့ဂျာမနီ GDR မှငါးဖမ်းလုပ်ငန်းစုများနှင့် Lichtenhagen ပုံစံတူအိမ်ယာများပေါင်းစပ်ထားခြင်းပင်။ ထို့ကြောင့် ဤသမိုင်းဝင်ဟန်ဆီယတစ် ကုန်သွယ်ရေကြောင်းအဖွဲ့ဝင်မြို့ငယ်လေးကို ပို၍ထဲထဲဝင်ဝင်ကြည့်ရမည့်အချိန်ပင်ဖြစ်သည်။

Zeiss တာဝါရှေ့မှ ဂရာဖီတီနှင့်စက်မှုအဆောက်အဦးများ။

မြို့ပြလမ်းညွှန်။ ။Jena
Jene တွင်ဘဝသည် (bene) ကောင်းမွန်ပါ၏။

အသင့်ပြုလုပ်ထားသောပစ္စည်းများနှင့် ဆောက်လုပ်ထားသည့်မြို့လေးမျှသာလား။ ထို့သို့မဟုတ်ပါ။ Jena သို့ ရထားဖြင့်လာလျှင် စိမ်းလန်းစိုပြည်သောသုခဘုံလေးတစ်ခု၏ အလယ်တွင် သင်ရောက်နေမည်ကို တွေ့နိုင်ပါသည်။ Saale မြစ်နံဘေးရှိ မြို့လေးသည် အကောင်းအဆိုးဒွန်တွဲနေပြီး အရာရာပြည့်စုံမနေပါ။ ဤသည်ကပင် ကျွန်ုပ်တို့၏ စာရေးသူ Nancy Droese အတွက် အလွန်နှစ်လိုဖွယ်ကောင်းသည်ဟု အတိအကျခံစားရပေသည်။

နျူရွန်ဘတ်ရဲတိုက်မှမြင်ကွင်း။ ။အချို့လမ်းများက အံ့သြဖွယ် မြေထဲပင်လယ်အငွေ့အသက်ပေးစွမ် နိုင်သော နျူရွန်ဘတ်မြို့၏ သံချေးနီရောင်ခေါင်မိုးများ။

မြို့ပြလမ်းညွှန်။ ။Nuremberg
လှပသောအီတလီ အငွေ့အသက်လွှမ်းနေသော မြို့တစ်မြို့

နျူရွန်ဘတ်မြို့ (Nuremberg) တွင်လှပသောသွင်ပြင်နှင့်စိတ်ဝင်စားဖွယ်သမိုင်းနောက်ခံတို့ရှိပြီး ပဋိပက္ခဖြစ်ပွားခဲ့သည့် ခေတ်အပိုင်းအခြားများကလည်းအပါအဝင်ဖြစ်သည်။ နျူရွန်ဘတ်မြို့တွင် ထူးကဲပြည့်စုံသောဆွဲဆောင်မှုများစွာရှိပြီး ကျွန်ုပ်တို့၏ဆောင်းပါးရှင် Clara Lipkowski ကခေတ်သစ်ယဉ်ကျေးမှု၊ အနုပညာနှင့်ထူးခြားချက်များကို အသေးစိတ်တင်ပြသွားမည်ဖြစ်ပါသည်။

လိုက်ပ်ဇစ်မြို့ ၊ ခွန်စ့်ခက်ဗယက် (Kunstkraftwerk) မှ ပြပွဲတစ်ခု။ ။”အနုပညာက စွန့်စားမှုတစ်ခုဖြစ်လာသောအခါ” (When art becomes an adventure)။

မြို့ပြလမ်းညွှန်။ ။Leipzig
စက်မှုသမိုင်းနောက်ခံနှင့်စိမ်းလန်းသောအနုပညာမြို့တော်

လိုက်ပ်ဇစ်မြို့ (Leipzig) မှာ အဘယ်ကြောင့်ထူးခြားနေရပါသနည်း။ ကုန်သွယ်ရေးဗဟိုချက်အဖြစ် နှစ်ပေါင်းများစွာ ရပ်တည်နေသည့် ကုန်စည်ပြပွဲမြို့တော်ဖြစ်သည့်အတွက်လား။ အပြင်ထွက်၍ သဘာဝနဲ့ထိတွေ့ရသည့် စိတ်လှုပ်ရှားဖွယ်နေရာများကြောင့်လား။ အရောင်အသွေးစုံလင်သည့် အနုပညာပြခန်းများကြောင့်လား။ ကျွန်ုပ်တို့၏ဆောင်းပါးရှင် Tanja Grevismühl က လိုက်ပ်ဇစ်မြို့၏ ဂန္ထဝင်အထင်ကရနေရာများကိုစူးစမ်းတင်ပြထားပြီး ခရီးသွားလမ်းညွှန်တွင် တွေ့ရမည်မဟုတ်သောနေရာအချို့ကိုပါ ထည့်သွင်းတင်ပြထားပါသည်။

မည်သူကများ အပူနှင့်စွမ်းအင်စက်ရုံပေါင်းစပ်မှုဖြစ်တဲ့ ပန်းရောင်အဆောက်အဦးကို ကြွားဝါနိုင်မှာလဲ။ ကမ္ဘာပေါ်မှာထင်ရှားသင့်ပါလျှက် လူသိအနည်းဆုံးဖြစ်နေတဲ့ ဟန်နိုဗာ (Hannover) ပေါ့။

မြို့ပြလမ်းညွှန်။ ။Hannover
ကမ္ဘာပေါ်တွင်ထင်ရှားသင့်ပါလျှက် လူသိအနည်းဆုံးဖြစ်နေသောမြို့တစ်မြို့

ငြီးငွေ့ဖွယ်ကောင်းသည်။ ထူးခြားမှုမရှိ။ ဟန်နိုဗာ (Hannover) အကြောင်း သင်မည်သို့ပင်ကြားဖူးထားစေကာမူ ဟန်နိုဗာမှာ ထိုသို့မဟုတ်ပါ။ ဟန်နိုဗာမြို့သည် ဘာလင် သို့မဟုတ် ဟမ်းဗတ်မြို့တို့ကဲ့သို့ပင် စိတ်လှုပ်ရှားဖွယ်ကောင်းပါသည်။ ပိုတည်တည်ငြိမ်ငြိမ်ရှိပြီး စိတ်ရှုပ်စဖွယ်များမရှိခြင်းသာ ဖြစ်သည်။ ကမ္ဘာပေါ်တွင်ထင်ရှားသင့်ပါလျှက်နှင့် လူသိအနည်းဆုံးဖြစ်နေသောမြို့တစ်မြို့ကို လည်ပတ်ကြည့်ရအောင်။

ဝိရောဓိများနှင့်မြို့ ။ ။ ဥရောပဗဟိုဘဏ်၏ဘေးတစ်ဖက်ရှိ စကိတ်ပန်းခြံ။

မြို့ပြလမ်းညွှန်။ ။Frankfurt
မြင့်တက်လာသောမြို့ပြကောင်းကင်ယံမှသည်ကမ္ဘာ့မြေပြင်အလွှာအသီးသီးရှိဖန်တီးမှုများဆီသို့။

ကျွန်ုပ်တို့၏စာရေးသူ Eva-Maria-Verfürth က သမာရိုးကျအမြင်များကိုကျော်လွန်၍ ဂျာမနီနိုင်ငံ၏ငွေရေးကြေးရေးဆိုင်ရာအချက်အချာကျရာနေရာလေးဖြစ်သည့် ဤမြို့ကလေးကို မည်သို့သောအရာများကသက်ဝင်လှုပ်ရှားနှစ်လိုဖွယ်ကောင်းစေကြောင်း ပြသလို၍ရေးဖွဲ့ထားသည်။

ဂေါ်တင်ငန်မြို့တွင် လမ်းများအားလုံးသည် တက္ကသိုလ်ဆီသို့ ဦးတည်နေသကဲ့သို့ မြို့နေလူဦးရေ (၄) ဦးစီတိုင်းတွင် တစ်ဦးသည် အဆင့်မြင့်ပညာကို ဆည်းပူးနေသော ကျောင်းသား ဖြစ်လေ့ရှိသည်။

မြို့ပြလမ်းညွှန်။ ။Göttingen
ဆန်းသစ်တီထွင်သောစိတ်ဝိညာဉ်များကိန်းအောင်းနေသော အသိပညာမြို့တော်

ဂေါ်တင်ငန်မြို့သို့ရောက်ရှိလာသောမြို့ခံမဟုတ်သည့်မျက်နှာစိမ်း သို့မဟုတ် မြို့ခံများကိုကြိုဆိုရာဖြစ်သည့် ဂေါ်တင်ငန် ဗဟိုဘူတာရုံကြီးအတွင်းတွင် “အသိပညာများကိုဖန်တီးရာမြို့” ဟူသောမြို့၏ဆောင်ပုဒ်ကိုရေးထွင်းထားသည်။ မြို့၏အရှိန်အဟုန်နှင့်သဟဇာတစည်းချက်ညီမှုများက ဂေါ်တင်ငန်တက္ကသိုလ်အပေါ် မူတည်သော ဤဂေါ်တင်ငန်မြို့မှတစ်ပါး ထိုဆောင်ပုဒ်အတွက် ပိုမိုသင့်တော်သောနေရာသည် ရှားပေလိမ့်မည်။ ကျွန်တော်တို့၏စာရေးသူဖြစ်သော စတက်ဖန် ကိုင်တဲလ် (Stefan Keitel) က ဤဆောင်းပါးတွင် လွတ်လပ်သောပညာရေးစိတ်ဝိညာဉ်များ၊ ဇွဲ၊ လုံ့လ၊ ဝီရိယတို့ စိုက်ထုတ်ထားသော သုတေသနများ၊ နိုင်ငံရေးနိုးကြားမှုများ စသည့်အရာတို့ဖြင့်ပြည့်စုံသော ဂေါ်တင်ငန်မြို့ရှိနေရာများအကြောင်းကို ပြောပြထားပါသည်။

ဒရက်စ်ဒန်မြို့ မြို့ဟောင်းလမ်းကြားများကိုတလျှောက် မြင်ကွင်းတစ်ခု။ ။သူ၏ဗိသုကာလက်ရာများကြောင့် မြို့တော်ကို အယ်လ်ဘီမြစ်ဝှမ်းပေါ်က ဖလောရင့်စ် သို့မဟုတ် မြောက်ပိုင်း၏ ဗင်းနစ် ဟူ၍လည်းလူသိများသည်။

မြို့ပြလမ်းညွှန်။ ။Dresden
ထည်ဝါမှုများမှအသင့်ထုတ်အစိတ်အပိုင်းများနှင့်ဆောက်လုပ်သောအဆောက်အဦးများသို့

ဒရက်စ်ဒန်မြို့သည် ဘာရော့အနုပညာလက်ရာများပေါကြွယ်ဝမှု၊ များပြားပြည့်ကျပ်မှုနှင့် ကောင်းစွာထိန်းသိမ်းထားနိုင်မှုစသည်ဖြင့်အစဉ်အလာကြီးလှပေသည်။ တစ်ဖက်တွင်လည်း ဆက်ဇွန်လူမျိုးတို့၏မြို့တော်သည် ခေတ်ဆန်ခြင်း၊ အရောင်အသွေးစုံခြင်းတို့ဖြင့် အံ့သြဖွယ်ကောင်းနေပြန်သည်။ ဆောင်းပါးရှင် ကာဒီကာ့ဇ် (Kaddi Cutz) သည် အယ်လ်ဘီ (Elbe) မြစ်ဝှမ်းပေါ်ကဖလောရင့်စ် (Florence) ဟူ၍တင်စားကြသော ဒရက်စ်ဒန်မြို့၏ရှုထောင့်အမျိုးမျိုးကိုတင်ပြထားပြီး ဒရက်စ်ဒန်မြို့အပေါ် လူအများစုကထားရှိကြသည့်အမြင်တချို့ကိုလည်း ချေဖျက်ထားပါသည်။

အရောင်စုံသော ဘိုဟီးမီးယန်း Sankt Pauli ရပ်ကွက်။

မြို့ပြလမ်းညွှန်။ ။Hamburg
ခေတ်ဆန်ပြီးမိမိုက်ခြင်း၊ ကိုယ်ပိုင်မူရှိခြင်းနှင့် ဖော်ရွေခြင်းတို့နှင့်ပြည့်နှက်နေသည့် Hamburg

ကောလဟလများအရ အယ်လ်စတာ (Alster) နှင့်အယ်ဘာ (Elbe) မြစ်များကြားရှိ ယခင်ဟန်ဇေယတစ်လိဂ် (Hanseatic League) မြို့တွင်နေထိုင်သူများသည် သင်္ဘောသားကြိုးငင်သီချင်းများကိုနားဆင်ပြီး “လပ်စခေါက်စ်” (Labskaus) ဟင်းပွဲကိုစားသုံးကာ အတော်အသင့်စကားနည်းကြသည်။ ထိုအချင်းအရာနှင့်ပတ်သတ်၍ အမှန်တရားအချို့လည်းရှိသည်။ သို့သော် ဟန်းဘုခ် (Hamburg) မြို့မှလူများသည်လည်း ကိုယ့်နည်းကိုယ့်ဟန်ဖြင့်ဂီတအမျိုးမျိုးကိုပိုင်နိုင်သူများ၊ ကိုယ်ပိုင်အမြင်ရှိကြသူများဖြစ်ကြပြီး သူတို့၏သမိုင်းနှင့်ပတ်သက်၍ ချဲ့ကားထားခြင်းမရှိသောအမြင်လည်း ရှိကြ၏။ စာရေးဆရာ အင်ဂို ရှီးလ် (Ingo Scheel) က ကျွန်ုပ်တို့ကို “Tor Zur Welt” (ထိုလ် စူဝါ ဗယ့်ထ်) (ကမ္ဘာကြီးသို့ အဝင်ဝတံခါး) ဆီသို့ အလည်အပတ်ခေါ်သွားမည်ဖြစ်သည်။

ဘချ့်လေရေမြောင်းငယ် (Bächle) တစ်ခုအတွင်းမှ အပင်များစိုက်ထားသော ဝယ်လ်လင်တန်ဘွတ်ဖိနပ်များ။

မြို့ပြလမ်းညွှန်။ ။Freiburg
‌အမျိုးသမီးများအတွက်ရေကူးကန်လေးနှင့် စိမ်းလန်းသောမြို့လေး

ဖရိုင်းဘဂ်သည် ဂျာမနီ၌ စိမ်းလန်းသောမြို့တော်အဖြစ်ထင်ရှားသည်။ ဆောင်းပါးရှင် ဂီနာကွတ်ကတ် (Gina Kutkat) အနေနှင့် ဘရေ့ဂူး (Breisgau) ဒေသရှိထိုနွေးထွေးသောမြို့လေးသို့သွားရောက်၍ အဆိုပါလျှို့ဝှက်ချက်ကိုရှာဖွေထားပါသည်။ ထို့အတူ ပထမတစ်ခါကြည့်ရုံနှင့်သတိမပြုမိတတ်သည့်မြို့၏ကောက်ကြောင်းများကိုဖော်ထုတ်ရင်း တမူထူးခြားသောဟန်ပန်ရှိသည့်နေရာများနှင့်အမြင်ကျယ်သည့် မြို့ခံများကိုလည်း တွေ့မြင်နိုင်ပါသည်။

“ဘာလင်”(Berlin) သည် မျက်စိနောက်စရာကောင်းခြင်း၊ လမ်းရိုးကို မလိုက်ခြင်း နှင့် မဆိုစလောက် အရိုင်းဆန်ခြင်း စသည့် ဂုဏ်သတင်းတို့ကြောင့် ကျော်ဇောသည်။ ဂျာမနီနိုင်ငံ၏မြို့တော်သည် အမှန်တကယ် မည်သို့မည်ပုံဖြစ်သည်ကို တစ်ချက်မျှဝင်ကြည့်လှည့်ပါ။

မြို့ပြလမ်းညွှန်။ ။Berlin
“ဘာလင်”ဟုဆိုသည်။

“ဘာလင်” (Berlin) သည် မျက်စိနောက်စရာကောင်းခြင်း၊ လမ်းရိုးကိုမလိုက်ခြင်းနှင့် မဆိုစလောက်အရိုင်းဆန်ခြင်း စသည့်ဂုဏ်သတင်းတို့ကြောင့်ကျော်ဇောသည်။ စာရေးသူ Nele Jensch က ဂျာမနီနိုင်ငံမြို့တော် ဘာလင်၏ပကတိအနှစ်သာရထဲသို့ ထိုးဖောက်ချဉ်းကပ်ကြည့်ရှုသည်နှင့်တစ်ပြိုင်နက် စာဖတ်သူများကိုလည်း သူမနှင့်အတူမြို့တစ်ပတ်အလည်ရီးစဉ်ကိုခေါ်ဆောင်ကာ အခြားသောတစ်နေရာတွင်တစ်နှစ်ပတ်လုံးအချိန် သွားရောက်ကုန်ဆုံးသည်ထက်ပိုသောအခြင်းအရာများကိုတစ်ချီတည်းဖြင့် မြင်တွေ့နိုင်သည့် အခွင့်ထူးကိုပေးစွမ်းထားသည်။

ပုံတူ ၇၀၀ ဖြင့်ဝန်းရံထားသော Ludwig Beethoven ။ ။ဤအနုပညာလက်ရာသည် တေးရေးဆရာ၏ ၂၅၀ နှစ်မြောက်မွေးနေ့ကို ဂုဏ်ပြုသောအားဖြင့် တပ်ဆင်ခင်းကျင်းပြသခဲ့ခြင်းဖြစ်သည်။

မြို့ပြလမ်းညွှန်။ ။Bonn
ဘွန်းမြို့ကိုငြီးငွေ့စရာမြို့ဟု မည်သူဆိုသနည်း။

ဘွန်းမြို့က အမှန်တကယ်ပဲကိုလုံးမြို့ (Cologne) လောင်းရိပ်အောက်မိနေသလား။ ဂျာမနီနိုင်ငံ၏မြို့တော်ဟောင်းဖြစ်သည့်ဘွန်းမြို့တွင် ဝိသေသလက္ခဏာဆိုင်ရာပဋိပက္ခရှိနေသလား။ ကျွန်ုပ်တို့၏စာရေးသူ Leonie Gubela က ဘွန်းမြို့၏တမူထူးခြားချက်များသာမက ဘွန်းမြို့အပေါ်ရှုမြင်သောယူဆချက်အချို့ကို အဘယ်ကြောင့်ပြန်လည်ဆင်ခြင်သင့်ကြောင်း ရှင်းပြထားပါသည်။

အိုက်စ်ဘာ့ခ် (Eisbach) လှိုင်းလုံးတွင် ရေလွှာလှိုင်းစီးကစားသူ။

မြို့ပြလမ်းညွှန်။ ။Munich
ရှေးရိုးဆန်သည်လား။ အစဉ်အလာလား။ အသောက်ကြမ်းသည်မျိုးလား။

ကောင်းပြီ...သို့ဆိုလျှင် မည်သည်ကိုရွေးမည်နည်း။ ကျွန်ုပ်တို့နှင့်အတူ ဘာဗေးရီးယန်း (Bavarian) မြို့တော်အကြောင်းကိုပုံမှန်အတိုင်းမဟုတ်ဘဲ တစ်မူထူးခြားသောနည်းဖြင့် စူးစမ်းလေ့လာကြည့်ပါ။ မြို့ဆိုင်ရာအချက်အလက်များ၏ ပဓာနကျသောအပိုင်းဖြစ်သည့် အထူးခြားဆုံးနေရာများ၊ ရပ်ရွာလူထုအသိုင်းအဝိုင်းများနှင့်ပွဲများကို အကြမ်းဖျင်းဖော်ပြပေးသွားမည်ဖြစ်သည်။ ဖန်တစ်ရာထပ်နေသည်များကိုစိန်ခေါ်ဆန့်ကျင်ကာ မြို့ကောက်ကြောင်းများကို ပြန်ပြောင်းရေးဆွဲသွားမည် ဖြစ်သည်။

ဘုရားကျောင်းနှင့်ကာနီဗယ်ပွဲတော်အပြင် ထို့ထက်ပို၍ ကိုလုံးသည် အမျိုးသားချင်းလိင်တူနှစ်သက်သူများနှင့် အမျိုးသမီးချင်းလိင်တူနှစ်သက်သူများ ဘဝအတွက်အခိုင်အမာနေရာတစ်ခုလည်းဖြစ်သည်။ Christopher Street Day ပွဲတော် ၂၀၁၉ တွင် ပါဝင်ကြသူများ။

မြို့ပြလမ်းညွှန်။ ။Cologne
အမြင့်ကြိုက်သူများနှင့်အပျော်ကြိုက်သူများအတွက်

အများစုက ကိုလုံးမြို့ (Cologne) ဟုကြားလိုက်သည်နှင့် ခရစ်ယာန်ဘုရားကျောင်းနှင့်ကာနီဗယ်ပွဲများကို ဦးဆုံးပြေးမြင်တတ်ကြသည်။ သို့သော် ရိုမန်များကတည်ထောင်ခဲ့ပြီး အလယ်ခေတ်ကတည်းကစီးပွားရေးအချက်အချာမြို့တစ်မြို့ဖြစ်ခဲ့သည့် ရိုင်းမြစ် (Rhine) ကမ်းနံဘေးမှကိုလုံးမြို့တွင် နောက်ထပ်စိတ်ဝင်စားဖွယ်အချက်များစွာရှိပါသေးသည်။ လည်ပတ်သူများအနေဖြင့် မက်ဒေါ်နယ် (McDonald’s) ဆိုင်သန့်စင်ခန်းအပြင်ဘက်ရှိ ရှေးဟောင်းဘုရားကျောင်းအကြွင်းအကျန်များကိုကြည့်ရှုခံစားနိုင်ပြီး ကေဘယ်ကြိုးစက်ရုံဟောင်းတွင်ယဉ်ကျေးမှုဓလေ့များလေ့လာခံစားနိုင်သည့်အပြင် ကမ္ဘာပေါ်တွင်အကြီးဆုံးကွန်ပျူတာဂိမ်းပြပွဲကိုတက်ရောက်နိုင်ပါသည်။

“ပက်ဂ်ခွေးပု မရှိသော ဘဝသည် နေထိုင်ရန် ဖြစ်နိုင်သော်လည်း အဓိပ္ပာယ် ပျောက်ဆုံးနေလိမ့်မည်”။ ။လိုရီးရို့ Loriot ဟု လူသိများသော ဗစ်ကိုဗွန်ဗျူလို Vicco von Bülow ၏ရုပ်ပြနှင့် ကာတွန်းအတိုများသည် မိသားစုအများအပြား၏ နှစ်သစ်ကူးအစဉ်အလာတစ်ခုဖြစ်လာခဲ့သည်။

မြို့ပြလမ်းညွှန်။ ။Bremen
ဘရီမင်က ဟမ်းဘတ်ဂ်မဟုတ်ပေမယ့် ဘာဖြစ်လဲ။

“အငြင်းဖွယ်ရာဘီယာရှိရာ သာမန်ဟန်ဆီယဲတစ် (Hanseatic) အဖွဲ့ချုပ်ဝင်မြို့တစ်မြို့ထက် ဘာမှမပိုဘူးလား။” ဤဆိပ်ကမ်းမြို့လေးသည် ဂီတပညာရှင်တိရစ္ဆာန်လေးကောင်နှင့် ဝီဆာ (Weser) မြစ်ထက်ပိုသော စိတ်လှုပ်ရှားစရာများစွာနှင့်အတူစောင့်ကြိုနေပါသည်။ ကျွန်ုပ်တို့၏စာရေးဆရာ ဟင်နက်ခ်ခွန်း (Hinnerk Köhn) က ဘရီမင်မြို့သည်လည်း ဟမ်းဘတ် (Hamburg)၊ ကိုလုံး (Cologne) နှင့် ဘာလင် (Berlin) မြို့များကဲ့သို့ အလေးပေးစာဖွဲ့ခြင်းခံရသင့်သည်ဟု ထင်မြင်ပါသည်။

အခြားမြို့များက ကာနီဗယ်ပွဲတော်ကျင်းပနေကြစဉ် Hall မြို့လေး၏ ဒေသခံများသည် ထူးခြားဆန်းပြားသော ဝတ်စုံများတန်ဆာဆင်လျှက် Hallia Venezia ပွဲတော်သို့ လမ်းမများတစ်လျှောက် စီတန်းလှည့်လည်ကြသည်။

မြို့ပြလမ်းညွှန်။ ။Schwäbisch Hall
ကမ္ဘာ့အသေးငယ်ဆုံးဟုသတ်မှတ်ခံထားရလောက်သော မြို့ကြီးပြကြီး

သေးငယ်သောမြို့လေးတိုင်းသည် ပျင်းရိဖွယ်ကောင်းနေမည်၊ တိတ်ဆိတ်နေမည်ဟု ထင်နေကြသူများအဖို့ အတော်လေးမှားယွင်းနေသည်။ အထူးအားဖြင့် Schwäbisch Hall မြို့အတွက် ထိုသုံးသပ်ချက်မှာ မှားယွင်းနေသည်။ ဤမြို့ကလေးသည် ကမ္ဘာ့အဆင့်အနုပညာနှင့်ပြဇာတ်ရုံများ၊ အချို့သောကမ္ဘာ့ဈေးကွက်ကိုဦးဆောင်နေသည့်ဆိုင်များ အခြေစိုက်ရာမြို့လေးဖြစ်ပြီး ထိုသို့သောနေရာများကို လမ်းလျှောက်ရုံမျှဖြင့် သက်တောင့်သက်သာ သွားလာနိုင်သည်။

လူအများအတွက်ယုံကြည်ရန်ခက်ခဲသော်လည်း Mannheim တွင် ပါတီကြိုက်သူများအတွက် နေရာအများအပြားရှိသည်။ ။ လူကြိုက်များသော Junbusch ရပ်ကွက်မှ နီယွန်ဆိုင်းတစ်ခု။

မြို့ပြလမ်းညွှန်။ ။Mannheim
အရိုးဆုံးသည် အဆန်းဆုံးဖြစ်သည်။

လူအများအတွက်မူ Mannheim မြို့သည် Frankfurt မြို့နှင့် Stuttgart မြို့အကြား အလဟဿအချိန်ကြာပြီးခရီးဖင့်စေသည့် အာရုံနောက်ဖွယ် ICE အမြန်ရထားကြားဘူတာသာဖြစ်သည်။ ရထားဖြင့်သွားသောခရီးသည်တို့အတွက်လည်း Rhine မြစ်နှင့် Neckar မြစ်တို့ပေါ်ရှိထိုမြို့ကို ၎င်း၏အကောင်းဆုံးမြင်ကွင်းမှလှမ်းမမြင်နိုင်ဟု စောဒကတက်စရာလည်းရှိသည်။ သို့သော်လည်း စာရေးသူ Jan Zipperer က Mannheim မြို့လေးသည် ပေးစွမ်းစရာများစွာကျန်ရှိသေးသည်ဟု အခိုင်အမာယုံကြည်နေပါသည်။

အပေါ်သို့

ဂျာမနီ၏မြို့တော်များသို့လည်ပတ်ခြင်း မြို့ပြလမ်းညွှန်

မြို့ပြလမ်းညွှန်။ ။ Rostock ထိုသို့သွားရာလမ်းတွင်

မြို့ပြလမ်းညွှန်။ ။Jena Jene တွင်ဘဝသည် (bene) ကောင်းမွန်ပါ၏။

မြို့ပြလမ်းညွှန်။ ။Nuremberg လှပသောအီတလီ အငွေ့အသက်လွှမ်းနေသော မြို့တစ်မြို့

မြို့ပြလမ်းညွှန်။ ။Leipzig စက်မှုသမိုင်းနောက်ခံနှင့်စိမ်းလန်းသောအနုပညာမြို့တော်

မြို့ပြလမ်းညွှန်။ ။Hannover ကမ္ဘာပေါ်တွင်ထင်ရှားသင့်ပါလျှက် လူသိအနည်းဆုံးဖြစ်နေသောမြို့တစ်မြို့

မြို့ပြလမ်းညွှန်။ ။Göttingen ဆန်းသစ်တီထွင်သောစိတ်ဝိညာဉ်များကိန်းအောင်းနေသော အသိပညာမြို့တော်

မြို့ပြလမ်းညွှန်။ ။Dresden ထည်ဝါမှုများမှအသင့်ထုတ်အစိတ်အပိုင်းများနှင့်ဆောက်လုပ်သောအဆောက်အဦးများသို့

မြို့ပြလမ်းညွှန်။ ။Freiburg ‌အမျိုးသမီးများအတွက်ရေကူးကန်လေးနှင့် စိမ်းလန်းသောမြို့လေး

မြို့ပြလမ်းညွှန်။ ။Berlin “ဘာလင်”ဟုဆိုသည်။

မြို့ပြလမ်းညွှန်။ ။Bonn ဘွန်းမြို့ကိုငြီးငွေ့စရာမြို့ဟု မည်သူဆိုသနည်း။

မြို့ပြလမ်းညွှန်။ ။Munich ရှေးရိုးဆန်သည်လား။ အစဉ်အလာလား။ အသောက်ကြမ်းသည်မျိုးလား။

မြို့ပြလမ်းညွှန်။ ။Cologne အမြင့်ကြိုက်သူများနှင့်အပျော်ကြိုက်သူများအတွက်

မြို့ပြလမ်းညွှန်။ ။Bremen ဘရီမင်က ဟမ်းဘတ်ဂ်မဟုတ်ပေမယ့် ဘာဖြစ်လဲ။

မြို့ပြလမ်းညွှန်။ ။Schwäbisch Hall ကမ္ဘာ့အသေးငယ်ဆုံးဟုသတ်မှတ်ခံထားရလောက်သော မြို့ကြီးပြကြီး

မြို့ပြလမ်းညွှန်။ ။Mannheim အရိုးဆုံးသည် အဆန်းဆုံးဖြစ်သည်။